१ पाटरुस 2:5 - आठपहरिया

⁵ खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 2:5 Iomraidhean Croise

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 15:16

आङा पानिछोङ्‌बाचिलाउङ्‌सा माङ्‌हाङ्‌ङाना बारेङि ओचेट्‌नुना खाबोर पारचार चोगुङुङ् खिरिस्‍ट येसुङाना सेवा चोगुङ्‌टुङ्॥ नाड्‌डेउङ् पुजारिङा भेटि ठाङ्‌सु गाड्‌डे डोक् आङा चा हिट्‌नागा माङ्‌हाङ्‌ङाना उनिङ्‌ग्‍वा टासुना भेटि ठाङ्‌मा हिडुङ्‌टुङ्, पोङ्‌भोने सेङ्‌सेङ्‌ना हाङ्‌साङा हिट्‌नागा सेङ्‌सेङ्‌गा याप्‌मिचि चोगुएसुचे॥

१ कोरिन्‌थि 3:16

पाक् खानि आप्‍पे माङ्‌हाङ् पाङ् हिट्‌नुङ् माङ्‌हाङ् ओहाङ्‌सा खानिङि युङ्‌युक् नुङ् खानिङा ठाहा आटोक्‌निम्‍नै?

१ कोरिन्‌थि 3:9

पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

१ कोरिन्‌थि 6:19

पाक् खानि येम् सेङ्‌सेङ्‌ना हाङ्‌सा युङ्‌ना माङ्‌ठाना नुङ् खानिलोङ्‌सा ठाहा वाइना इ? माङ्‌हाङ् आप्‍पेङा खानि लाउङ्‌सा सेङ्‌सेङ्‌ना हाङ्‌सा मापिडिटि हिट्‌नुङ् खानिङि उन् युङ्‌युक्॥ हिड्‌नाड्‌डेउङ् खानि उन्‍ङाना ए, खानि आप्‍पेम्‍बाक् आप्‍पेङाना माखाक् ए॥

२ कोरिन्‌थि 6:16

हिट्‌नुङ् माङ्‌हाङ्‌ङाना माङ्‌ठाना लोक् साम्‍माङ्‌ङाना मुरति खोड्‌डेउङ् टोङ्‌चिचिगा? पोङ्‌भोने आनिउम्‍टे उहिङ्‌ग्‍वाट् माङ्‌हाङ्‌ङाना माङ्‌ठाना ए॥ माङ्‌हाङ् आप्‍पेङा माट्‌टुए, “आङा आयाप्‌मिचिलोक् युङ्‌ङा हिट्‌नुङ् हिट्‌नागालोक् लाम्‌टिङा॥ आङा हिट्‌नागाँगा माङ्‌हाङ् लिङा हिट्‌नुङ् हिट्‌नागा आयाप्‌मिचि उलियुक्॥”

गालाति 6:10

हिड्‌नाडेउङ् आनि मौका टोगुम्‍नामे सोब्‍बे याप्‌मिचिलाउङ्‌सा ओचेट्‌नुलोक् चोक्‍मा कोन्‌युक्॥ मुलिगारि खिरिस्‍टङि बिस्‍वास ओचोगुगा याप्‌मिचि लाउङ्‌सा ओचेट्‌नु चोक्‍मा कोन्‌युक्॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 2:17

आङालोक् खानि ठिक् रिङ् लोमाना रिङ् युङ्‌ग्‍वा॥ हाट्‌ले माङ्‌हाङ्‌ङि भोक् ठाङ्‌माना याप्‌मिचिलोक् जिवाट् युङ्‌ग्‍वा भोने, हिट्‌नागालोक् आङ्‌गुर ओमोॽवा चा युङ्‌ग्‍वा हिट्‌नागाँ हिट्‌ना भोक्‌ङाना रुपङि ओठाङ्‌सुटु॥ छेम्‍बा डोक्, खानि बिस्‍वास चा माङ्‌हाङ्‌ङि आठाङ्‌सुम्‍ना हिट्‌ना भोक् गाड्‌डेना डोक् ए॥ हिट्‌नुङ् याप्‌मिचिङा आङा सेप्‍मा चा उहिङा, हिट्‌डेउङ् आचोलाम्‍बाक् माङ्‌हाङ्‌लाउङ्‌सा ठाङ्‌बालाक् आङ्‌गुर ओमोॽवालोक् टोङ्‌मा हिडुङ्‌टुङ्॥ हिट्‌नुङ् आङा खानिलोक् एक्‍केउ आनान्‍दा चोक्‍ङा॥

फिलिप्‌पि 4:18

नाबाजि आङा टोग्‍मा कोन्‍ना नुङ्‌ना याप्‍मा डोक् टोगेसुङे॥ खानिङा इपाफोरडिटासङाना उमुक्‌लाम्‍मा आहाङ्‌सुम्‍ना भेटि टोगुङुङ् सोन्‍टोक् लिसेसाङे॥ माङ्‌हाङ्‌ङा ना खानिना भेटि आड्‌डिक् निङ्‌ग्‍वा टासुना नुङ् उन्‍ङा लाडुटु, हिट्‌नुङ् उन्‍ङाना आड्‌डिक् ओचाप् टाइसे॥

कालास्‌सि 3:17

हिट्‌नुङ् खानिङा पाक् आमाट्‌टुम् चा, आचोगुम्‍चा, ख्‍वाप्‍पा रिङ् टाङ्‌बा येसु उनिङ्‌ङि चोगानुम् हिट्‌नुङ् उन्‌लाम्‍मा डोक् माङ्‌हाङ् पाबालाउङ्‌सा पोए-पोए ठाङ्‌सानुम्॥

१ तिमोथि 3:15

नाड्‌डेउङ् चा आङा खान्‌ङि आप्‍मा आबेला लिसाङे भोने, माङ्‌हाङ्‌ङाना ओयाप्‌मिचिङि आनि चाल चालान् खोड्‌डे पारिक् लिमा कोन्‌युक्‍ना हिट्‌ना खान्‍ङा ठाहा टोक्‍मा कोन्‌युक्॥ माङ्‌हाङ्‌ङाना ओयाप्‌मिचिउम्‍बाक् उहिङ्‌गुवाट् माङ्‌हाङ्‌ङाना माङ्‌पाङ् हिट्‌नुङ् ना छेम्‍बाना रिङ्‌ङाना ठोक्‍ला हिट्‌नुङ् ओजाग् ए॥

हिब्‍रु 3:6

टरो खिरिस्‍टउम्‍बाक् माङ्‌हाङ् उपाङ्‌ङिगा ख्‍वाप्‍पा ओयाप्‌मिचिङा हाक् टोगुना उइछा गाड्‌डे डोक् बिस्‍वासिलो ए॥ हिट्‌नुङ् आनि खिरिस्‍टङि सोरोक् बिस्‍वास चोगुमुङ् आनि आसा युङ्‌सुम् याक्‍टुम्‍टुम्‍मे भोने, आनि चा माङ्‌हाङ् ओपाङ्‌ङिगा ओयाप्‌मिचि ए॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥

१ पाटरुस 4:17

न्‍याए चोक्‍माना बेला टाइसे, हिट्‌नुङ् माङ्‌हाङ्‌ङा उटुम्‌ङि आप्‍पे ओयाप्‌मिचिगा न्‍याए चोगुटु॥ न्‍याए आनिलाम्‍मा उटुम् लियुक् भोने, माङ्‌हाङ्‌ङाना नुना खाबोर बिस्‍वास ओचोगुन्‍गाङागा झान् खोड्‌डेना न्‍याए लियुक्‍ना होला?

पारकास 1:6

हिट्‌नुङ् उन्‍ङाना माङ्‌हाङ् लोक् पाबाङाना उमुलुक्‌ङि सेवा चोक्‍मा उन्‍ङा आनि पुजारि आचोगेसे॥ येसु खिरिस्‍टङा सोरोक् मान् ओटोगुवाक् हिट्‌नुङ् उन्‍ङा सोरोक् सासान् ओचोगुवाक्॥ आमेन्॥

पारकास 20:6

छेम्‍बा डोक्, माङ्‌हाङ्‌ङा उसियागालाम्‍मा पाइलेना खेप् उहिङ्‌ग्‍वाट् चोगुचिगा याप्‌मिचि खुसि लोक् सेङ्‌सेङ् उलियाक्॥ हिट्‌नागा दोस्‍रो खेप् सिमा कोन्‌निना, टरो हिट्‌नागा माङ्‌हाङ्‌ङाना हिट्‌नुङ् खिरिस्‍टङाना पुजारि उलियुक्, हिट्‌नुङ् हिट्‌नागाँ ठिक् हाजार बारखा उन्‌लोक् सासान् ओचोगुटु॥

पारकास 3:12

“जुन्‍ङा दुस्‍टा मेट्‌टुटु, हिट्‌ना आङाना माङ्‌हाङ् ओटोकानाङि मान् चोगुङ्‌टुङ्॥ हिट्‌ना सोरोक् हिट्‌नि लियुयाक्‌युक् हिट्‌नुङ् खोना बेला चा होन्‌निना॥ आङा हिट्‌नाङि आङाना माङ्‌हाङ् उनिङ् हिट्‌नुङ् उन्‍ङाना खालाङ्‌गा उनिङ् छेप्‍टुङ्‌बिडुङ्‌टुङ्, हिट्‌नाम्‍बाक् आमाङ्‌हाङ्‌लाम्‍मा टोनालोग्‌लाम् उङ्‌युगेट्‌ना ओछोङ्‌ग्‍वाट् यरुसलेम ए॥ हिट्‌नुङ् हिट्‌नाङि आप्‍पे आङाना ओछोङ्‌ग्‍वाट् आनिङ् चा छेप्‍टुङ्‌टुङ्॥

पारकास 5:10

हिट्‌नुङ् खान्‍ङा हिट्‌नागा आनि माङ्‌हाङ्‌ङा सासान् चोग्‍माचिगा याप्‌मिचि ओचोगुएसुचे हिट्‌नुङ् पुजारिचि गाड्‌डे डोक् माङ्‌हाङ्‌ङाना सेवा चोक्‍मा आपिडुचिचि, हिट्‌नुङ् हिट्‌नागाँ नाराङि सासान् ओचोगुटु॥”