१ पाटरुस 2:4 - आठपहरिया

⁴ टाङ्‌बा सोरि टायानि, उन् उहिङ्‌ग्‍वाट् लुङ्‌गेॽवा ए॥ उन् याप्‌मिचिङा काम लाहाब् लिनिना नुङ् ओलेप्‍टुना, टरो माङ्‌हाङ्‌ङा सेगुना आड्‌डिक् माहाङ्‌गो लुङ्‌गेॽवा ए॥

१ पाटरुस 2:4 Iomraidhean Croise

मात्‌ति 11:28

“हाउ सोब्‍बे आपोप्‌टिगा हिट्‌नुङ् माफेङ्‌डिगा खानि सोब्‍बे आङा सोरि आबानि, आङा खानि आराम पिनाँनि॥

मात्‌ति 12:18

“आङा सेगुङ्‌ना आमायालु सेवाक् उन् डोक् ए, उन्‌लोक् आङा आड्‌डिक् हारका लिसाइसाङे॥ उन् उठुङ्‌ङि आङाना हाङ्‌सा ठेन्‍डुङ्‌बिडुङ्‌टुङ्, हिट्‌नुङ् उन्‍ङा सोब्‍बे छोङ्‌बाचि साहि न्‍याएङाना बारेङि पारचार चोगुटु॥

मात्‌ति 21:42

येसुङा हिट्‌नागा सिलाप्‍टुचे, “पाक् खानिङा धारमाछाप्‍लाङि छेप्‍बालाक् ना रिङ् पोढाँ आचोक्‌निम्‍गेट्‌निम्‍नै?– ‘लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥ नाउम्‍टे टाङ्‌बा आप्‍पेङा डोक् चोगुना ए, हिट्‌नुङ् ना आनि नाजारङि आड्‌डिक् डोङ् ठोङ्‌डिना रिङ् ए॥’

युहान्‍ना 14:19

छोप्‍मोङ्‌लाम्‍मा नाराङिगा याप्‌मिचिङा आङा उनिनिङ्‌गा, टरो खानिङाउम्‍बाक् आङा आनिसिटिङा॥ आङा उहिङ्‌ग्‍वाट् लिसाङ्‌नाँ खानि चा उहिङ्‌ग्‍वाट् आलिसिटि॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 5:26

पोङ्‌भोने पाबा डोक् चोलाङाना उपुन् ए, हिट्‌डेडोक् उन्‍ङा उइछा चा चोलाङाना उपुन् चोगुएसुए॥

युहान्‍ना 5:40

टरो लाट्‌निना चोला टोक्‍माउङ्‌सा खानि आङा सोरि टामा निङ्‌ग्‍वा आचोक्‌निम्‍गा॥

युहान्‍ना 6:37

आङाना पाबाङा आङा जिम्‍मा याङ्‌पिडाङ्‌ना टेप्‍मा सोब्‍बे आङा सोरि ओटायुक्, हिट्‌नुङ् आङा हिट्‌नागा खोना बेला चा इन्‍कार चोक्‌निङ्‌चिङ्‌गा॥

युहान्‍ना 6:57

उहिङ्‌ग्‍वाट् माङ्‌हाङ् पाबाङा आङा याङ्‌पाङ्‌से, हिट्‌नुङ् उन्‍ङा चोगुनाँ आङा हिङ्‌ङा॥ हिट्‌नाडेडोक् जुन्‍ङा आङा याङ्‌चायुक् हिट्‌ना आङा चोगुङ्‌नाँ हिङ्‌युक्॥

रोमि 5:10

पोङ्‌भोने आनि माङ्‌हाङ्‌ङाना ओसाट्‌टुर लिसिना बेला डोक् उन्‍ङा उइछा आनि लाउङ्‌सा सिमा पाङ्‌सुङ् आनि ओसाइबाचि आचोगेसे॥ छेम्‍बा डोक्, हाट्‌ले आनि ओसाइबाचि लिसिनाँ आनि उन्‍ङा उइछाङाना ओचोलालाम्‍मा आहिङ्‌युक्॥

१ कोरिन्‌थि 3:11

पोङ्‌भोने माङ्‌हाङ्‌ङा ठेन्‍डुना ठिक् एना जागम्‍बाक् येसु खिरिस्‍ट ए॥ नाउङ्‌ना खोनाङा चा आरको जाग् ठेन्‍मा उहिडुन्‍ना॥

कालास्‌सि 3:4

खिरिस्‍ट डोक् खानिगा ओछोङ्‌ग्‍वाट् चोलाङाना उपुन् ए, हिट्‌नुङ् उन् ठेट्‌ना बेला खानि चा उन्‌लोक् उन्‍ङाना माहिमाङि आठेट्‌टिटि॥

१ पाटरुस 1:19

टरो नाउम् पाप मालेना, खोट् मालेना माङ्‌हाङ्‌ङाना थुमा खिरिस्‍टङाना आड्‌डिक् बाहुमुल्‍ले ओहेलिक्‌ङा छुट्‌कारा आटोगुएसुम्‍मे॥

१ पाटरुस 1:7

खानि बिस्‍वास छेम्‍बाना नुङ् नागा याङ्‌छामाङा आनिमेट्‌युक्॥ याप्‌मिचिङा जाखाम् लिना साम्‍मेङ्उम् मिङि उटुनुङ् आसालि ओचोगुटु भोने, खानि बिस्‍वास हिट्‌ना नुङ्‌ना चा आड्‌डिक् माहाङ्‌गो ए॥ जब पारिक् पारिक्‍गा याङ्‌छामाङि खानि बिस्‍वास दोरो लियुक्, टब येसु खिरिस्‍ट नाराङि ठेट्‌ना बेला खानिङा मान्, माहिमा हिट्‌नुङ् निङ् चोम्‍मा आटोगुम्‍टुम्॥

१ पाटरुस 2:7

नाड्‌डेउङ् खानि बिस्‍वास काचोक्‍बाचिलोङ्‌सा ना लुङ्‌गेॽवा आड्‌डिक् बाहुमुल्‍ले लियुक्॥ टरो बिस्‍वास काचोक्‌निबाचि लाउङ्‌साम्‍टे, “लुङ् काछेट्‌बाचिङा ओलेप्‍टुना लुङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥”

२ पाटरुस 1:1

येसु खिरिस्‍टङाना मुलिचेला हिट्‌नुङ् उन्‍ङाना सेवा काचोक् आङा सिमोन पाटरुसङा ना चिट्‌ठि छेप्‍टुङ्‌ना ए॥ आङा ना चिट्‌ठि आनि माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना धारमिक्‍तालाम्‍मा आन्‍याँना गाड्‌डे डोक् बाहुमुल्‍ले बिस्‍वास आटोगुम्‍गा खानि ख्‍वाप्‍पालोङ्‌सा छेप्‍टुङ्‌गेट्‌टुङ्॥

२ पाटरुस 1:4

हिट्‌नुङ् उन्‍ङाना माहिमा लोक् भोलाइलाम्‍मा उन्‍ङा चामारसिङा चोगुना ठेना हिट्‌नुङ् बाहुमुल्‍ले थोक् आनि आपिडाइसे॥ खानि ना नाराङि लिसागा जाखाम् काचोक् ओचाफेन्‍ना निङ्‌ग्‍वालाम्‍मा आहोन्‌डिउङ् माङ्‌हाङ्‌ङाना ओचाट्‌लाङि साहाभागि लिसानि नुङ् उन्‍ङा नागा चामारसिङा चोगुए॥