१ पाटरुस 2:16 - आठपहरिया

¹⁶ सोतान्‍तर लिसाना याप्‌मिचि गाड्‌डे डोक् युङानि, टरो सोतान्‍तर लिसाङे नुङ् ओभेन्‍गा टोॽवा चोक्‍माना बाहाना चोग्‍नेनुम्॥ बोरु माङ्‌हाङ्‌ङाना चाकार गाड्‌डे डोक् चोगानिउङ् युङानि॥

१ पाटरुस 2:16 Iomraidhean Croise

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

युहान्‍ना 15:22

“आङा टायाउङ् हिट्‌नागा लोन्‍याट्‌निङ्‌चिङ्‌ना बे हिट्‌नागा पापङाना फाट्‌टुरङि उठानेयाट्‌नि बे, टरो हाट्‌ले उन्‌चि पापङाना बारेङि हिट्‌नागाँ माप्‍माना पाक्‍चा रिङ् डोक् वाइना॥

रोमि 6:18

हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् ओचेट्‌नुना टोॽवा चोक्‍मा लाउङ्‌सा माङ्‌हाङ् ओकामारा खानि आलिसेसिए॥

रोमि 6:22

टरो हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् माङ्‌हाङ्‌ङाना कामारा आलिसेसिए॥ हाट्‌ले खानि सेङ्‌सेङ् आलिसिटि हिट्‌नुङ् खोना बेला चा लाट्‌निना चोला आटोगुम्‍टुम्॥

१ कोरिन्‌थि 7:22

पोङ्‌भोने जुन् याप्‌मि टाङ्‌बाङा छेम्‍मा पाइले कामारा डाना, हाट्‌ले हिट्‌ना टाङ्‌बाङा सोतान्‍तर याप्‌मि चोगुएसुए॥ हिट्‌नाडेडोक् जुन् याप्‌मि टाङ्‌बाङा छेम्‍डुना बेला सोतान्‍तर डाना, हिट्‌ना याप्‌मि खिरिस्‍टङाना कामारा लिसेसे॥

गालाति 5:1

खिरिस्‍टङा आनि सोतान्‍तर लिमाउङ्‌सा छुट्‌कारा आचोगाइसे॥ हिड्‌डेउङ् दोरो लिसानिउङ् युङानि, हिट्‌नुङ् फेरि धारमाबिधिङाना चाकार लिनेनिन्॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

एफिसि 6:6

खानिङा खानि डाङ्‌बाचिगा रिङ् खेम्‍मा कोन्‌युक्, डाङ्‌बाचिङा खानि माकोडिलोक् आथाबा उन्‌चिलाम्‍मा होहोबास् टोक्‍मा एडोक् उन्‌चि रिङ् खेम्‍माना माखाक्॥ टरो खानि खिरिस्‍टङाना चाकार आलिसिनाँ माङ्‌हाङ्‌ङा निङ्‌ग्‍वा चोगु गाड्‌डे खानि निङ्‌ग्‍वालाम्‍मा डोक् चोगानुम्॥

कालास्‌सि 3:24

पोङ्‌भोने खानिलोङ्‌सा टाङ्‌बाङा इनाम मापिडिटि नुङ् ठाहा युङ्‌ग्‍वा॥ ना इनामम्‍बाक् उन्‍ङा चोगुना चामारसिङाना आसिक् ए॥ हिट्‌नुङ् खानिङा सेवा आचोगुम्‍ना खिरिस्‍ट डोक् टाङ्‌बा ए॥

१ थेसालोनिकि 2:5

खानिङा नुलोक् ठाहा आटोगुएसुम्‍मे, आन्‍याँ खानिलोक् लेगालाप्‍माना रिङ्‌पान् चा चोक्‍नेट्‌निम्‍मा, हिट्‌नुङ् सोगोप् पालोवालो टोक्‍माना आसाङि पाक्‍चा चोग्‍नेएट्‌निम्‍मा॥ ना रिङ्‌ङाना साँचि माङ्‌हाङ् वाहेट्॥

याकुब 1:25

टरो खोना याप्‌मिङा छुट्‌कारा आपिना हिट्‌ना नुना आग्‍याँङि निङ्‌ग्‍वा पिडुटु हिट्‌नुङ् पालान् चोगुटु, हिट्‌नुङ् हिट्‌ना खेम्‍सुङ् मुन्‍डुएट्‌टुन्‍ना टरो हिट्‌ना गाड्‌डे टोॽवा चोगुटु भोने, हिट्‌नाङा चोगुना ओटोॽवाङि माङ्‌हाङ्‌ङा आसिक् पिडुटु॥

याकुब 2:12

हिड्‌नाड्‌डेउङ् खानिङा जे आमाट्‌टुम्‍टुम् हिट्‌नुङ् आचोगुम्‍टुम्, छुट्‌कारा आपिना धारमाबिधिलाम्‍मा खानि न्‍याए लियुक् नुङ् मिट्‌टानुम्॥

२ पाटरुस 2:19

हिट्‌नागाँ याप्‌मिचिलोङ्‌सा सोतान्‍तर आलिसिए पिक्‍सा माङ्‌हुप् ओचोगुगा, टरो हिट्‌नागा आप्‍पेम्‍बाक् जाखाम् काचोक्‍बाङाना चाकार उलिगा॥ पोङ्‌भोने जुन् रिङ्‌ङा याप्‌मिङाना उनिङ्‌ग्‍वा मेट्‌टुटु हिट्‌ना रिङ्‌ङा डोक् हिट्‌ना चाकार चोगुटु॥

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥