१ पाटरुस 2:1 - आठपहरिया1 हिड्नाड्डेउङ् सोब्बे ओभेन्गा रिङ्, सोब्बे छाल चोक्माना टोॽवा, काप्टि लिमा, रेक् काप्मा हिट्नुङ् सोब्बे पारिग्गा लोमाजामा रिङ्चि नाडानुम्॥ Faic an caibideil |
१ पाटरुस 2:1
50 Iomraidhean Croise
हिट्ना बेला नेमा डोक् हिनिलोक् जोम् याप्मिचि उछुमे॥ याप्मा याप्मिचि उलिसाउङ् उन्चि उन्चि येप्गा येप् चामा ठालाँ ओचोगे॥ हिट्नुङ् येसुङा पाइला ओचेलाचि लोडुचे, “खानि फारिसि याप्मिचिङा खामिर ओठेन्डुगा थोक्चिलाम्मा चाचाट् युङानि॥ ना खामिरम्बाक् याप्मिचि छालाँ चोग्माना ओमाक्पा निङ्ग्वा ए॥
हिट्नागाँ सोब्बे पारिक्गा ओचाफेन्गा रिङ् एडोक् उमिट्टुगा, हिट्नुङ् ओभेन्गा रिङ्ङा इप्टुचिगा उलिगा॥ हिट्नागा लोभि हिट्नुङ् चिम्मा काफुट्चि, रेम्सुबा काहिक्बा, हिट्नुङ् याप्मि कासेट्, खेमाबुङ्मा ओचोग्गा, रिङ् काटेप् उलिगा॥ हिट्नागाँ आरुङागा निङ्ग्वा चोसेक् ओमेट्टुचिगा, आरुङागा रिङ् ओमाट्टुगा,
मायालु भुम्भु-झान्झाचि हिट्नुङ् नाना-झान्झाचि, पिच्छाचि गाड्डे नागा थोक् बारेङि निङ्ग्वा रिमा नाडानुम्॥ ओभेन्गा रिङ्ङि खानि पिच्छाचि गाड्डे लिमा कोन्युक्, पोङ्भोने पिच्छाचिङा ओभेन्गा रिङ् उमिट्टुन्गा, टरो नागा बारदानचि बारेङि खानि निङ्ग्वा रिमाना रिङ्ङि पासिङ् याप्मिचि गाड्डे डोक् लिसानि॥
पोङ्भोने आङा हिट्नि खानि टुब्सिङा आप्ङानाँ आङा आसा चोगुङ् गाड्डे टुब्नेनिन्गा हिट्नुङ् खानिङा आसा आचोगुम् गाड्डे आङा आटुबिन्नागा होला नुङ् आङा किट्टेसाङे॥ आङा खानि टुब्सिङा आप्ङानाँ खानि माझाङि खेमाबुङ्मा, रेक् काप्मा, याक्लेप्मा, आप्पे एडोक् नुलोक् लिमा कोम्मा, लोमाजामा, खुसुखुसु चोक्मा, घामान्डि लिमा हिट्नुङ् भाँडभैलो लिसाना रिङ् टोगुङ्टुङ् होला नुङ् आङा किट्टेसाङे॥
भुम्बु-झान्झाचि हिट्नुङ् नाना-झान्झाचि, ठिबाङ्ङा आरकोङाना बिरुद्दाङि ओचाफेम्मा रिङ् माट्नेनुम्॥ आप्पे बिस्वासि भुम्भु-झान्झाङाना बिरुद्दाङि ओचाफेम्मा रिङ् चेक्ना याप्मि आथाबा आप्पे बिस्वासि भुम्भु-झान्झा न्याए काचोक् याप्मिङा धारमाबिधिङाना बिरुद्दाङि चेक्युक् हिट्नुङ् धारमाबिधि न्याए चोगुटु॥ खान्ङा धारमाबिधि न्याए आचोगुटु भोने, खान् ना रिङ् काटेन्बा माखाक् टरो ना रिङ्ङाना न्याए काचोक्बा आलियुक्॥
Sanasan