१ पाटरुस 1:6 - आठपहरिया

⁶ नागा सोब्‍बे रिङ्‌ङि खानि हारका लिमा कोन्‌युक्, टरो चा खानिङा होप्‍मो बेला लोङ्‌सा पारिक् पारिक्‍ङागा याङ्‌छामा आङ्‌मा कोन्‌युक्॥

१ पाटरुस 1:6 Iomraidhean Croise

मात्‌ति 11:28

“हाउ सोब्‍बे आपोप्‌टिगा हिट्‌नुङ् माफेङ्‌डिगा खानि सोब्‍बे आङा सोरि आबानि, आङा खानि आराम पिनाँनि॥

मात्‌ति 26:37

टरो पाटरुस हिट्‌नुङ् जाब्‌दियाङाना इप्‍पाङ् उइछाचिम्‍बाक् उन्‌लोक् खाट्‌टुचे हिट्‌नुङ् येसु आड्‌डिक् निङ्‌ग्‍वा सागु लोक् याङ्‌छामाङि ठाए॥

मात्‌ति 5:12

हिट्‌नुङ् हिट्‌नापाका खानि हारका लोक् आनान्‍दा चोगानि, पोङ्‌भोने टोनालोग्‌ङि खानिलोङ्‌सा ठेना इनाम् युङ्‌ग्‍वा॥ हिट्‌नुङ् मिट्‌टानुम्, हिट्‌नाड्‌डे डोक् याप्‌मिचिङा खानि नुङ्‌ना पाइलेगा माङ्‌काटाचि ओचाफेन्‍लोक् चाट्‌ला ओमेट्‌टुचे॥

लुका 1:47

आङा काहिङ्‌मेप्‍बा डाङ्‌बा माङ्‌हाङ्‌ङि आहाङ्‌साङा इकि मोज्‍जा माट्‌टुटु॥

लुका 10:20

टरो खानिङा ओचाफेम्‍मा रिमेट्‌चि होप्‍मा हिडुम्‌चिम्‍मे नुङ् खानि चाप् उटानि चा, टरो टोनालोग्‌ङि खानि निङ् छेप्‍टेसे नुङ् खानि चाप् उटायाक्॥”

लुका 2:10

टरो माङ्‌हाङ् रिङ् काउग्‍बाङा हिट्‌नागा लोडुचे, “खानि किट्‌नेनिन्, पोङ्‌भोने हाट्‌ले आङा खानि ख्‍वाप्‍पा याप्‌मिचिलाउङ्‌सा आड्‌डिक् चाप् टाना रिङ् काप्‍टुङ् खानि टोकानाइ होन्‍डाउङ् टाएसाङे॥

युहान्‍ना 16:22

नाड्‌डेडोक् ना बेला खानि याङ्आछाडिइसिए, टरो आङा फेरि खानि टुब्‌सिङा टाङा, हिट्‌नुङ् खानि निङ्‌ग्‍वा हारका लियुक्॥ हिट्‌नुङ् साङा चा खानिना हारका नाप्‍मा उहिडुन्‍ना॥

युहान्‍ना 16:33

“खानि आङि युङानिउङ् हाङ्‌हाङ् टोगानुम् नुङ् डोक् आङा खानिलोङ्‌सा नागा रिङ् लोनानिगा ए॥ नाराङि खानि याङ्आछाडिटि, टरो लुक्‍माभुङ् ठेलोक् चोगानुम्, पोङ्‌भोने आङा नारा मेप्‍मा हिडुएसुङे॥”

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

रोमि 12:12

खानिलोक् लिसाना आसाङि हारका लिसानि, हिट्‌नुङ् याङ्‌छामा लिना बेला आङ्‌डानुम् हिट्‌नुङ् सोरोक् बिन्‌टि चोगायाक्‍टानि॥

रोमि 5:11

हिट्‌नुङ् नाटेप्‍मा एडोक् माखाक्, माङ्‌हाङ्‌ङि आनि आनान्‍दा चोक्‍मा हिडुम्‍टुम्, पोङ्‌भोने हाट्‌ले आनि डाङ्‌बा येसु खिरिस्‍टङा माङ्‌हाङ्‌ङाना ओसाइबाचि आनि आचोगाइसे॥

रोमि 5:2

येसु खिरिस्‍टङि आनि बिस्‍वास चोगुम्‍नाङा माङ्‌हाङ्‌ङा उन्‍ङाना मायादाया आनि आनिमेट्‌टेसे, हिट्‌डेउङ् हाट्‌ले आनि टोगुम्‍ना माङ्‌हाङ्‌ङाना मायादाया ठाहा टोगुम्‍टुम्॥ हिट्‌नुङ् आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने माङ्‌हाङ्‌ङा उन्‍ङाना माहिमाङि आनि साहाभागि आचोक्‌युक् नुङ् आनि आसा चोगुम्‍टुम्॥

रोमि 9:2

आङाना याहुदि याप्‌मिचि लाउङ्‌सा याङ्‌छामाङा आनिङ्‌ग्‍वा टुग्‍ना हिट्‌नुङ् आड्‌डिक् सानिङ्‌ग्‍वा लिङाना॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥

२ कोरिन्‌थि 6:10

आन्‍याँ निङ्‌ग्‍वा टुक्‍चा, सोरोक् हारका लिसिटिङा॥ आन्‍याँ पाक्‍चा वानिगा याप्‌मि लिसिङा चा आरुलाउङ्‌सा जोम् आसिक् टाप्‍मा हिडुम्‍टुम्‍मा॥ आन्‍याँ पाक्‍चा मालेगा गाड्‌डेगा ठेट्‌टिङा चा आन्‍याँलोक् सोब्‍बे थोक् युङ्‌ग्‍वा॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

फिलिप्‌पि 2:26

आङा उन् खानिङि पाङ्‌सुङ्‌गेट्‌टुङ्, पोङ्‌भोने खानि सोब्‍बेलाउङ्‌सा टुब्‍माना उन्‍ङा आड्‌डिक् उनिङ्‌ग्‍वा चोगेसुए॥ खानिङा उन् टुगाना रिङ् आखेम्‍सुम्‍मुङ् खानि निङ्‌ग्‍वा टुगाना रिङ् ठाहा टोगुनाँ खानिलोक् टुब्‍माना निङ्‌ग्‍वा आड्‌डिक् चोगेसुए॥

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

फिलिप्‌पि 4:4

टाङ्‌बालोक् खानिना साम्‍बान्‍धा लिसानाँ सोरोक् आनान्‍दा चोगानि॥ आङा फेरि चा खानि लोनाँनि, आनान्‍दा चोगानि॥

१ थेसालोनिकि 1:6

खानिङा आन्‍याँना हिट्‌नुङ् टाङ्‌बाङाना सिको चा आचोगुमे॥ हिट्‌नुङ् आम्‍टेप्‍मा याङ्‌छामा आङ्‌डुमुङ् चा खानिङा सेङ्‌सेङ्‌ना हाङ्‌साङा मापिडिगा खाबोर खुसिलोक् आलाडुमे॥

याकुब 1:2

आम्‍भु-आन्‍झाचि हिट्‌नुङ् आनो-आन्‍झाचि, खानिङि पारिक् पारिक्‍ङागा याङ्‌छामा ओटाचा हारकाङाना रिङ् ए नुङ् मिट्‌टानुम्॥

याकुब 1:9

पाक्‍चा मालेगा बिस्‍वासिचि, जब खानि माङ्‌हाङ्‌ङा टो माफोगिनाँ आड्‌डिक् हारका लिसानि॥

याकुब 4:9

खानि निङ्‌ग्‍वा एगानुम्, हाबानि हिट्‌नुङ् सानिङ्‌ग्‍वा लोसानि॥ रेप्‍मा नाडानुमुङ् निङ्‌ग्‍वा सागु लोसानि, हिट्‌नुङ् खानि हारका याङ्‌छामाङि बाद्‌लि उलियाक्॥

१ पाटरुस 3:17

ओचाफेन्‍ना टोॽवा चोगुमुङ् याङ्‌छामा आङ्‌मा नुङ्‌ना ओचेट्‌नुना टोॽवा चोगुमुङ् याङ्‌छामा आङ्‌मा माङ्‌हाङ्‌ङाना उनिङ्‌ग्‍वा भोने ना नुना रिङ् ए॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥