१ पाटरुस 1:5 - आठपहरिया

⁵ खानि बिस्‍वासङा चोगुनाँ माङ्‌हाङ्‌ङाना ओबारगाट्‌ङा मुक्‌टि लोङ्‌सा सुरेक्‍छे माचोगिएसिए॥ हिट्‌नाम्‍बाक् आन्‍तेङिना बेलाङि पारकाट् लिमा टेयार युङ्‌ग्‍वा॥

१ पाटरुस 1:5 Iomraidhean Croise

युहान्‍ना 12:48

आङा इन्‍कार काचोक् हिट्‌नुङ् आङा माट्‌टुङ्‌ना रिङ् बिस्‍वास चोगुन्‍ना भोने हिट्‌नाङाना न्‍याए लियुक्॥ आङा माट्‌टुङ्‌ना रिङ्‌ङा डोक् आखेरि लेम्‍बाङि हिट्‌नाङाना न्‍याए चोगुटु॥

युहान्‍ना 17:15

खान्‍ङा हिट्‌नागा नारालाम्‍मा खाट्‌टुचि नुङ् आङा बिन्‌टि चोक्‌निङ्‌ना, टरो हिट्‌नागा सैतानलाम्‍मा जोगाँ चोगुचि नुङ् आङा बिन्‌टि ठाङ्‌सुङ्‌टुङ्॥

युहान्‍ना 4:14

टरो जुन् जुन्‍ङा आङा पिडुङ्‌चिङ्‌गा चुवा उठुङुटु, हिट्‌नागा खोना बेला चा वेॽमाङा उसिनिगा॥ आङा ठुङ्‌मा पिडुङ्‌चिङ्‌गा चुवाम्‍बाक् हिट्‌नागा भिट्‌रा पुन्‌युयाक्‍ना चुवाङाना उपुन् लियुक् हिट्‌नुङ् नाङा हिट्‌नागा खोना बेला चा लाट्‌निना चोला पिडुचिचि॥”

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

रोमि 11:20

ना रिङ् छेम्‍बा डोक्, याहुदिचिङा खिरिस्‍टङि बिस्‍वास ओचोग्‍वाट्‌टुन्, हिट्‌नुङ् हिट्‌नागा ओएगाडे॥ हिट्‌नुङ् खानिङा बिस्‍वास ओचोगुम्‍नाँ खानि हिट्‌नागाँगा ठोङ्‌ङि आवासेट्‌टि॥ हिट्‌नाडेउङ् खानिङा खानि नाबुक् ठेलोक् चोक्‍नेनुम्, टरो माङ्‌हाङ्‌लोक् किट्‌टानिउङ् युङानि॥

रोमि 8:18

हाट्‌ले ना चोलाङि आनि आङ्‌डुम्‍ना याङ्‌छामालोक् हान्‍डेङ् माङ्‌हाङ्‌ङा आनि आनिमेट्‌ना माहिमा टोङ्‌सुम्‍नाँ हाट्‌ले ना याङ्‌छामा पाक्‍चा माखाक् नुङ् आङा ठाहा टोगुङ्‌टुङ्॥

१ कोरिन्‌थि 1:21

नाराङिगा याप्‌मिचिङा आप्‍पे उन्‌चि ठोनाङा माङ्‌हाङ् मिसेन् निमा उहिडुन्‍ना रिङ् माङ्‌हाङ्‌ङाना ओठानाङा निरनाए चोगुए, हिट्‌ना ओसाट्‌टोङि आन्‍याँ पारचार चोगुम्‍माना मुरखा रिङ्‌लाम्‍मा डोक् बिस्‍वास काचोक् याप्‌मिचि हिङ्‌माना निङ्‌ग्‍वा चोगुए॥

२ कोरिन्‌थि 1:24

खानिङा आचोगुम्‍ना बिस्‍वासङि आन्‍याँ सासान् चोक्‍मा कोलुम्‍माना माखाक्, टरो खानि चाप् लाउङ्‌सा डोक् खानिलोक् ओटोक्‍माङ् टोॽवा चोगुम्‍टुम्‍मा, पोङ्‌भोने बिस्‍वासङि खानि बोल्‍लेउ आवासेट्‌टि॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

एफिसि 2:8

पोङ्‌भोने माङ्‌हाङ्‌ङाना ओदायामायाङा हिट्‌नुङ् खानिङा आचोगुम्‍ना बिस्‍वासलाम्‍मा माङ्‌हाङ्‌ङा खानि माहिङेसिए॥ हिट्‌नुङ् खानि आप्‍पेङा आचोगुम्‍ना टोॽवालाम्‍मा माखाक्, नाम्‍टे माङ्‌हाङ्‌ङाना बारदान ए॥

एफिसि 3:17

हिट्‌नुङ् खानिङा बिस्‍वास आचोगुम्‍ना खिरिस्‍टङाना ओहाङ्‌सा खानि निङ्‌ग्‍वाङि बास उयुङ्‌याक् नुङ् बिन्‌टि चोगुङ्‌टुङ्॥ हिट्‌नुङ् माङ्‌हाङ्‌ङाना ओमायाङि खानिङा ओजारा ठेन्‍डानुम् हिट्‌नुङ् दोरो लिसानि नुङ् आङा बिन्‌टि चोगुङ्‌टुङ्॥

फिलिप्‌पि 1:6

माङ्‌हाङ्‌ङा खानि निङ्‌ग्‍वाङि ठिक् नुना टोॽवा उटुम् चोगुएसुए, हिट्‌नुङ् उन्‍ङा एडोक् येसु खिरिस्‍ट नोक्‍ना उङ्‌ना बेला हिट्‌ना टोॽवा चोक्‍मा हिडुटु नुङ् आङा बिस्‍वास चोगुङ्‌टुङ्॥

फिलिप्‌पि 4:7

खानिङा हिड्‌डे आचोगुमे भोने माङ्‌हाङ् खानिलोक् लियुक् हिट्‌नुङ् खानि निङ्‌ग्‍वाङि हाङ्‌हाङ् मापिडिटि, हिट्‌ना हाङ्‌हाङ् आड्‌डिक् ठेना खोनाङा चा बुझा चोक्‍मा डोक् उहिडुन्‍ना॥ ना हाङ्‌हाङ्‌ङा डोक् खानिगा खेक् हिट्‌नुङ् निङ्‌ग्‍वा खिरिस्‍ट येसुङि जोगाँ चोगुङ् युङ्‌सुटु॥

२ तिमोथि 3:15

हिट्‌नुङ् कापिच्‍छा बेलालाम्‍मा डोक् खान्‍ङा सेङ्‌सेङ्‌ना धारमाछाप्‍ला बारेङि ठाहा आटोगुएसुए॥ नागा रिङ्‌ङा डोक् खान् खिरिस्‍ट येसुङि लिसाना बिस्‍वासलाम्‍मा टोगुम्‍ना मुक्‌टि बारेङि बुजा चोक्‍माना ठोना मापियुक्॥

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

हिब्‍रु 6:12

हिट्‌नुङ् खानि आल्‍छे याप्‌मिचि लिनेनिन्, टरो माङ्‌हाङ्‌ङि बिस्‍वास काचोक्‌चि हिट्‌नुङ् माङ्‌हाङ् चामारसिङा चोगुना रिङ् ओटोगुन्‍लोक् धैइरे ओचोगुङ् ओहाङ्‌सुगा गाड्‌डे खानि चा लिसानि नुङ् आन्‍याँ निङ्‌ग्‍वा चोगुम्‍टुम्‍मा॥

हिब्‍रु 9:28

हिट्‌नाडेडोक् सोब्‍बे याप्‌मिचिगा पाप टुग्‍माउङ्‌सा खिरिस्‍ट आप्‍पे ठिक्‍ए खेप् भोक् लिसे॥ हिट्‌नुङ् जब खिरिस्‍ट दोस्‍रो खेप् उङ्‌युक्, हिट्‌ना बेला याप्‌मिचिगा पाप टुग्‍मा माखाक्, टरो ओलाम्‍भो उपुयुङ् उयुङेसागा याप्‌मिचि बाचाँ चोक्‍माउङ्‌सा उङ्‌युक्॥

१ पाटरुस 1:13

नाड्‌डेउङ् टोॽवा चोक्‍माउङ्‌सा खानि निङ्‌ग्‍वा टेयार चोगानुम्॥ आप्‍पे लाउङ्‌सा काबुङि युङ्‌सानुम् हिट्‌नुङ् येसु खिरिस्‍ट ठेट्‌ना बेला खानिङा आटोगुम्‍लाबुम्‍ना आसिक्‌ङि डोक् ख्‍वाप्‍पा आसा युङ्‌सानुम्॥

१ पाटरुस 4:13

टरो खिरिस्‍टङाना याङ्‌छामाङि खानि चा साहाभागि आलिसिना रिङ्‌ङि हारका लिसानि, हिट्‌डेउङ् उन्‍ङाना ठेना माहिमा पारकाट् लिनाँ खानि चा आड्‌डिक् आनान्‌दित आलिसिटि॥

१ पाटरुस 5:1

हाट्‌ले माङ्‌पाङ्‌ङिगा ओठेडोङ्‌चि लाउङ्‌सा आङा ठिक् रिङ् लोनाँनि॥ आङा चा माङ्‌पाङ्‌ङिना ओठेडोङ् डोक् हिट्‌नुङ् खिरिस्‍टङा आङ्‌डुना याङ्‌छामा आङा आप्‍पे निसुएसुङ्‌ङे॥ हिट्‌नुङ् ठेट्‌टा लाबाना माहिमाङि साहाभागि आङा चा लिङा॥ आङा खानि साइबा ओठेडोङ् लिसाङ्‌नाँ खानि लोनाँनि,

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

याहुदा 1:1

येसु खिरिस्‍टङाना सेवाक्, हिट्‌नुङ् याकुबङा उन्‍झा, आङा याहुदालाम्‍मा माङ्‌हाङ् पाबाङा माया माचोगिउङ् माछेम्‌डिगा हिट्‌नुङ् येसु खिरिस्‍टङि सुरेक्‍छे माचोगिगा लाउङ्‌सा ना चिट्‌ठि छेप्‍टुएट्‌टुङ्॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥