१ पाटरुस 1:12 - आठपहरिया

¹² माङ्‌हाङ्‌ङा हिट्‌नागा माङ्‌काटाचिङा ओचोगुना सेवा हिट्‌नागा आप्‍पे लाउङ्‌सा माखाक्, टरो खानि लाउङ्‌सा नुङ् हिट्‌नागा लोडुचे॥ हिट्‌नुङ् टोनालोग्‌लाम्‍मा पाङ्‌बालाक् सेङ्‌सेङ्‌ना हाङ्‌साङाना बोल्‌ङि खानि लाउङ्‌सा टाप्‍बालाक् नुना खाबोर हिट्‌नागाँ हाट्‌ले खानि माझाङि पारचार ओचोगुएसुए॥ ना रिङ् माङ्‌हाङ् रिङ् काउग्‍बाचिङा चा ठाहा टोक्‍मा ओकोलुएट्‌टु॥

१ पाटरुस 1:12 Iomraidhean Croise

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

मात्‌ति 11:27

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ उप्‍पाङा एडोक् उइछा मिसेन् निसुटु, हिट्‌नुङ् उइछाङा एडोक् उप्‍पा मिसेन् निसुटु, आरु साङा चा मिसेन् उनिसुन्‍ना, टरो माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥

मात्‌ति 16:17

येसुङा हिट्‌ना लोडुए, “हाउ योनाङाना उइछा सिमोन, खान् आड्‌डिक् आसिक् आटोगुना याप्‌मि, पोङ्‌भोने ना रिङ् खान्‍ङा याप्‌मिलाम्‍मा आखेम्‍सुङ् आमाट्‌टुना माखाक्, टरो ना रिङ्उम्‍बाक् टोनालोग्‌ङि युङ्‌ना आङाना पाबाङा डोक् खान् ठाहा मापिडाना॥

मारकुस 16:15

हिट्‌नुङ् येसुङा हिट्‌नागा लोडुचे, “हाट्‌ले खानि ख्‍वाप्‍पा नाराङि खाडानिउङ् सोब्‍बे याप्‌मिचि लोङ्‌सा ना नुना खाबोर पारचार चोगानुम्॥

लुका 15:10

आङा खानि लोनाँनि, हिट्‌डेडोक् पापलाम्‍मा काएल्-काबु लिना ठिबाङ् पापि याप्‌मि लोङ्‌सा चा माङ्‌हाङ् रिङ् काउग्‍बाचिगा उन्‌चि चाप् टायुक्॥”

लुका 2:26

माङ्‌हाङ् डाङ्‌बाङा पाङ्‌सुना खिरिस्‍ट मिनिए आसिनिना पिक्‍सा आसेन्‍डोक् ना याप्‌मि सेङ्‌सेङ्‌ना हाङ्‌साङा ठाहा पिडुएसुना॥

लुका 9:6

हिट्‌नुङ् हिट्‌नागा ओसाम्‍डे, हिट्‌नुङ् युक्‍ताम्-युक्‍ताम्‌ङि ओखाडाउङ् सोब्‍बे डेन्‌ङि ओचेट्‌नुना खाबोर खेम्‍मेट्‌सा सोब्‍बे उटुगागा याप्‌मिचि नुमानिङ् ओचोगुचे॥

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

मुलिचेला टोॽवा 10:44

पाटरुसङा नागा रिङ् माट्‌टुएटुना बेला उरिङ् काखेम्‍बाचि उठुङ्‌ङि सेङ्‌सेङ्‌ना हाङ्‌सा ठाए॥

मुलिचेला टोॽवा 16:10

पावालङा हिट्‌नाडेना निमापुमा टोगुङ् हिट्‌ना बेला डोक् आन्‍याँ माकेडोनियाङि खाप्‍मा टेयार लिसिङे॥ पोङ्‌भोने हिट्‌निगा याप्‌मिचि नुना खाबोर पारचार चोक्‍माउङ्‌सा माङ्‌हाङ्‌ङा डोक् याप्‌मि छेम्‍डाना रिङ् आन्‍याँ ठाहा टोगुम्‍मे॥

मुलिचेला टोॽवा 2:33

हिट्‌नुङ् उन् माङ्‌ठेना चोगुङ् माङ्‌हाङ्‌ङा उछुप्‍टाङ्‌लेङ् युङ्‌सुएसुए॥ माङ्‌हाङ् पाबाङा सेङ्‌सेङ्‌ना हाङ्‌सा येसुङि पाङ्‌माना माङ्‌हुप् चोगुए, हिट्‌ना हाङ्‌सा डोक् येसु डाङ्‌बाङा आनि उठुङ्‌ङि ठेन्‍डुना रिङ् खानिङा आनिसुएट्‌टुम् हिट्‌नुङ् आखेम्‍सुएट्‌टुम्॥

मुलिचेला टोॽवा 4:31

हिट्‌नागा बिन्‌टि चोक्‍मा उहिडाउङ् उन्‌चि उछुमाउङ् उयुङाना डेन् वान्‍डे॥ हिट्‌नुङ् हिट्‌नागा ख्‍वाप्‍पा सेङ्‌सेङ्‌ना हाङ्‌साङा इप्‍टुचे, हिट्‌नुङ् माङ्‌हाङ्‌ङाना रिङ् मिकिट्‌ङे चेक्‍मा ठालाँ ओचोगुए॥

मुलिचेला टोॽवा 4:8

हिट्‌नुङ् सेङ्‌सेङ्‌ना हाङ्‌साङाना बोल्‍ङा इप्‍टुङ् पाटरुसङा हिट्‌नागा लोडुचे, “याप्‌मिचिगा सासाक्‌चि हिट्‌नुङ् ओठेडोङ्‌चि,

मुलिचेला टोॽवा 8:25

हिट्‌नुङ् पाटरुस लोक् युहान्‍नाङा ठाहा टोगाचुगा हिट्‌नुङ् टाङ्‌बाङाना रिङ् पारचार चोक्‍मा हिडाचुङ् सामारिया छेट्‌राङिगा युक्‍टाम्‌ङि नुना खाबोर पारचार चोक्‍सा यरुसलेम नोक्‍टाचे॥

रोमि 1:15

हिट्‌नाडेउङ् खानि रोमङि आलिसिगा याप्‌मिचिलाउङ्‌सा चा ना नुना खाबोर पारचार चोक्‍मा आड्‌डिक् आनिङ्‌ग्‍वा युङ्‌ग्‍वा॥

रोमि 1:17

पोङ्‌भोने ना नुना खाबोरङा माङ्‌हाङ्‌ङा ओटोकानाङि आनि खोड्‌डेउङ् माहामाना आचोगेना नुङ् आनिमेट्‌युक्, हिट्‌नुङ् ना रिङ् बिस्‍वासलाम्‍मा उटुम् लियुङ् बिस्‍वासलाम्‍मा डोक् पुरो लियुक्॥ धारमाछाप्‍लाङि नाड्‌डे छेप्‍टेसे, “धारमोति याप्‌मिम्‍बाक् माङ्‌हाङ्‌ङि बिस्‍वास चोगुङ् डोक् हिङ्‌युक्॥”

रोमि 10:15

हिट्‌नुङ् कोइङा पारचार चोक्‍मा मिपाङ्‌ङे खोड्‌डेउङ् हिट्‌नागा ओखाट्‌युङ् पारचार ओचोगुटुना टे? धारमाछाप्‍लाङि नाड्‌डे छेप्‍टेसे, “नुना खाबोर पारचार काचोक् याप्‌मिचि ओटानाँ औधि ओचेट्‌नुना लियुक्॥”

रोमि 15:19

हिट्‌नुङ् हिट्‌नागाँ ठे-ठेगा चिन्‍नाचि हिट्‌नुङ् माङ्‌डोङ् ठोङ्‌डिगा टोॽवा सेङ्‌सेङ्‌ना हाङ्‌साङाना ओबोल्‍ङा चोगुना उनिसुएसुए॥ हिट्‌डेउङ् आङा खिरिस्‍टङाना बारेङि नुना खाबोर यरुसलेम नुङ् इल्‍लुरिकान छेट्‌राङिगा ख्‍वाप्‍पा ठोङ्‌ङि पारचार चोगुएसुङे॥

१ कोरिन्‌थि 2:10

माङ्‌हाङ्‌ङा आनि लोङ्‌सा सेङ्‌सेङ्‌ना हाङ्‌सालाम्‍मा ठोबाना रिङ् आनिमेट्‌टाइसे॥ सेङ्‌सेङ्‌ना हाङ्‌साङा सोब्‍बे रिङ् कोलुटु, हिट्‌नुङ् माङ्‌हाङ्‌ङाना आड्‌डिक् ठोबाना रिङ् चा कोलुटु॥

२ कोरिन्‌थि 1:22

हिट्‌नुङ् आनि उन्‍ङाना डोक् नुङ् निमेट्‌माउङ्‌सा उन्‍ङा सेङ्‌सेङ्‌ना हाङ्‌साङा उन्‍ङाना आङ्‌गुलिङाना छाप् आनि निङ्‌ग्‍वाङि आयुङ्‌साबिडेसे॥ नाड्‌डेउङ् सेङ्‌सेङ्‌ना हाङ्‌सा आपिडानाँ उन्‍ङाना ख्‍वाप्‍पा चामारसिङा आनि टोगुम्‍टुम्॥

२ कोरिन्‌थि 6:6

आन्‍याँ फाकाट्‌ना लिसिङाउङ्, आन्‍याँ ठोनाङा, आङ्‌मा हिमाना हिट्‌नुङ् दायाङा, सेङ्‌सेङ्‌ना हाङ्‌साङा, हिट्‌नुङ् छेम्‍बाना मायाङा,

गालाति 1:12

आङा ना नुना खाबोर याप्‌मिलाम्‍मा टोगुङ्‌ना माखाक्, हिट्‌नुङ् ना साङा चा याङ्उहिसिक्‍टागा चा माखाक्॥ टरो येसु खिरिस्‍ट आप्‍पेङा डोक् ना रिङ् याङ्‌निमेट्‌टाना ए॥

गालाति 1:16

उन्‍ङा डोक् आङालाम्‍मा पानिछोङ्‌बाचिङि नुना खाबोर पारचार चोक्‍मा उहिडुङ् नुङ् उइछा आङि निमेट्‌माउङ्‌सा उनिङ्‌ग्‍वा लोसे॥ हिट्‌ना बेला आङा खोना याप्‌मिलोक् चा साल्‍लाह चोक्‍ङा खाट्‌नेएट्‌निङ्॥

एफिसि 3:10

हाट्‌ले माङ्‌पाङ्‌ङिगालाम्‍मा उन्‍ङाना सोब्‍बे खाले ठोना बारेङि निनिम्‍ना नाराङि सासान् काचोक्‌चि हिट्‌नुङ् आधिकार ओटोगुगालाउङ्‌सा ठाहा पिमाना माङ्‌हाङ्‌ङाना उदेसे डाना॥

१ थेसालोनिकि 2:9

भुम्‍बु-झान्‍झाचि हिट्‌नुङ् आनो-आन्‍झाचि, आन्‍याँ टोगुम्‍माना याङ्‌छामा लोक् चोगुम्‍ना मिहिनेत खानिङा आमिट्‌टुएसुम्‍मे॥ खानि खोनालाउङ्‌सा चा दुखे उलिनि चा नुङ् लेम्‍बासेम्‍बा टोॽवा चोगिङाउङ् माङ्‌हाङ्‌ङाना नुना खाबोर खानि लोङ्‌सा आन्‍याँ पारचार चोगुम्‍मे॥

१ तिमोथि 3:16

आन्‍याँ साङ्‌का मिचोक्‍ङे ना राहास्‍ये आड्‌डिक् माङ्‌ठेना नुङ् बिस्‍वास चोगुम्‍टुम्‍मा– खिरिस्‍ट आप्‍पे याप्‌मिङाना येम्‌ङि ठेट्‌टे, हिट्‌नुङ् सेङ्‌सेङ्‌ना हाङ्‌साङा उन् धारमोति याप्‌मि नुङ् पारमान् चोगुए॥ माङ्‌हाङ् रिङ् काउग्‍बाचिङा उनिसुए, हिट्‌नुङ् ओचेलाचिङा छोङ्‌बा छोङ्‌बाचिङि पारचार ओचोगुए॥ नाराङिगा याप्‌मिचिङा उन् बिस्‍वास ओचोगुए, हिट्‌नुङ् माङ्‌हाङ्‌ङा उन् माहिमाङि टोनालोग्‌लेङ् फोगुवाट्‌टुए॥

हिब्‍रु 11:13

नागा सोब्‍बे याप्‌मिचिङा माङ्‌हाङ्‌ङि बिस्‍वास ओचोगुङ् डोक् उसिए, टरो माङ्‌हाङ्‌ङा पिमा लाउङ्‌सा चोगुना चामारसिङा हिट्‌नागाँ ओटोग्‍वाट्‌टुन्॥ टरो चा हिट्‌नागाँ माङ्‌हाङ्‌ङा चोगुएसुना चामारसिङा लाप्‍माङ्‌लाम्‍मा उनिसुङ् हारका उलिसे॥ हिट्‌नुङ् हिट्‌नागाँ आप्‍पेलाउङ्‌सा ना नाराङि लाम्‍बोङि ओलाम्‌टियागोन्‍गा हिट्‌नुङ् भारागा याप्‌मिचि नुङ् बुजा ओचोगुए॥

हिब्‍रु 2:4

माङ्‌हाङ् आप्‍पेङा सोब्‍बे पारिग्‍गा साक्‌तिङागा डोङ् ठोङ्‌डिगा टोॽवाचि हिट्‌नुङ् चिन्‍नाचि चोगुङ् उन्‍ङाना खाबोर छेम्‍बाना डाना नुङ् साँचि पिडुए॥ हिट्‌नुङ् उन्‍ङा उनिङ्‌ग्‍वाङा सेगुचिगा जुन् चा सेङ्‌सेङ्‌ना हाङ्‌साङाना बारदानचि पिडुचे॥

हिब्‍रु 4:2

युङ्‌माना डेन् बारेङि नुना खाबोर आनि खेम्‍सुम् गाड्‌डे डोक् आनि टुबाठेबाचिङा चा ओखेम्‍सुए॥ टरो हिट्‌नागाँ ओखेम्‍सुना रिङ् हिट्‌नागा लाउङ्‌सा खेडोक् लिसे, पोङ्‌भोने हिट्‌नागाँ हिट्‌ना रिङ् बिस्‍वास ओचोगुवाट्‌टुन् हिट्‌नुङ् हिट्‌नागा आरुङा बिस्‍वास ओचोगुना रिङ्‌ङि ओटोङे॥

१ पाटरुस 1:25

टरो टाङ्‌बाङाना उरिङ् सोरोक् लियुक्॥” हिट्‌नुङ् खानि पारचार चोक्‍बालाक् टाङ्‌बाङाना ना रिङ् डोक् नुना खाबोर ए॥

१ पाटरुस 4:6

हिट्‌नाड्‌डेउङ् नुना खाबोर उसियागालाउङ्‌सा चा पारचार चोक्‍बालाक् ए, पोङ्‌भोने हिट्‌नागाँगा चा आरु याप्‌मिचि गाड्‌डे न्‍याए लिसा चा हाङ्‌साङिम्‍बाक् माङ्‌हाङ् गाड्‌डे डोक् उहिङ्‌याक् नुङ् हिट्‌नागा नुना खाबोर ओखेम्‍मेट्‌टुचिगा ए॥

पारकास 5:11

हिट्‌नुङ्‌ना आङा फेरि पुयुङ्‌नाँ, हिट्‌नि जोम् याप्‍मा नेमा डोक् हिनिम्‌चिम्‌लोक् माङ्‌हाङ् रिङ् काउग्‍बाचिगा सोरा आङा खेम्‍सुङे॥ हिट्‌नागा सिङासान्, टेम्‍बोक् उहिङ्‌ग्‍वाट् जिवाट्‌चि हिट्‌नुङ् ओठेडोङ्‌चिगा याम्‍बा-नायाम्‍बा ओवासेट्‌टागा॥