१ युहान्‍ना 3:3 - आठपहरिया

³ हिट्‌नुङ् खिरिस्‍ट फाकाट्‌ना लिसा गाड्‌डे, उन्‌ङि नाड्‌डेना आसा उयुङ्‌सुगाँ ख्‍वाप्‍पा याप्‌मिङा आप्‍पेलाउङ्‌सा फाकाट्‌ना ओचोगुङ् उयुङ्‌सुटु॥

१ युहान्‍ना 3:3 Iomraidhean Croise

मात्‌ति 5:48

हिट्‌डेउङ् टोनालोग्‌ङि युङ्‌ना खानि माङ्‌हाङ् पाबाङा सोरोक् पाक् नुना हिट्‌ना चोगु गाड्‌डे डोक् खानिङा चा सोरोक् पाक् नुना हिट्‌ना डोक् चोगानुम्॥”

लुका 6:36

खानि माङ्‌हाङ् पाबा लुक्‍मा काटुक् लिसा गाड्‌डे डोक्, खानि चा लुक्‍मा काटुक् लिसानि॥

युहान्‍ना 17:19

हिट्‌नागाँ उन्‌चि चोला खान्‍ङाना छेम्‍बाना रिङ्‌लाम्‍मा सेङ्‌सेङ् चोक्‍मा उहिडु नुङ् हिट्‌नागा आङा चा आप्‍पेलोङ्‌सा खान्‌ङि सेङ्‌सेङ् चोगुङ्‌टुङ्॥

मुलिचेला टोॽवा 15:9

उन्‍ङा याहुदि लोक् पानिछोङ्‌बा याप्‌मिचि साम्‍डुव्‍ट्‌टुन्‌चिन्॥ माङ्‌हाङ्‌ङा उन्‌चि निङ्‌ग्‍वा सेङ्‌सेङ् चोगुबिडुचे, पोङ्‌भोने हिट्‌नागाँ टाङ्‌बाङि बिस्‍वास ओचोगुए॥

रोमि 15:12

हिट्‌नुङ् आरको ठोङ्‌ङि माङ्‌काटा यासैयाङा नाड्‌डे छेप्‍टुटु, “यिसैङाना उपुङ्‌लालाम्‍मा ठिबाङ् याप्‌मि टायुक्, उन्‍ङा पानिछोङ्‌बाचि सासान् चोगुचिचि, हिट्‌नागाँ उन्‌ङि आसा उयुङ्‌सुटु॥”

२ कोरिन्‌थि 7:1

मायालु आसाइबाचि, माङ्‌हाङ्‌ङा आनि नागा चामारसिङा आचोगानाँ आनि येम् हिट्‌नुङ् आनि हाङ्‌सा आसुद्‌दो चोगुना साब्‍बे पारिक्‍गा रिङ् चोक्‍मा नाडुम्, हिट्‌नुङ् माङ्‌हाङ् मान् चोगुमुङ् पुरो सेङ्‌सेङ् लिसा खाडि॥

कालास्‌सि 1:5

खानि लोङ्‌सा टोनालोग्‌ङि सुराक्‌छिट् युङ्‌बालाक् आसाङा चोगुनाँ खानिङा खिरिस्‍टङि बिस्‍वास हिट्‌नुङ् माङ्‌हाङ् ओयाप्‌मिचि माया आचोगुम्‌चिम्‍गा ए॥ ना आसाङाना बारेङि खानिङा पाइले डोक् छेम्‍बाना नुना खाबोरङि आखेम्‍सेसुम्‍मे॥

२ थेसालोनिकि 2:16

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥

तितास 3:7

नाड्‌डेउङ् उन्‍ङाना ओदायाङा आनि माङ्‌हाङ्‌ङा धारमोति याप्‌मि आलोडैसे हिट्‌नुङ् आसा युङ्‌सुम्‍ना लाट्‌निना चोलाङाना हाकदार लिसेइसिए॥

हिब्‍रु 12:14

खानि सोब्‍बे याप्‌मिचिलोक् हाङ्‌हाङ् युङ्‌माना कोसिस चोगानि हिट्‌नुङ् चोखो लिसानि, पोङ्‌भोने सेङ्‌सेङ् मिलिङे साक्‍ङा चा टाङ्‌बा निमा उहिडुन्‍ना॥

हिब्‍रु 6:18

हाट्‌ले माङ्‌हाङ्‌ङा आनि चामारसिङा आपिडे हिट्‌नुङ् बाचा चा चोगुए, नागाचि इप्‍पोक् रिङ् फेराँ लिनिना, पोङ्‌भोने माङ्‌हाङ् माङ्‌जो चेक्‌निना॥ हिट्‌नाड्‌डेउङ् आनि उन् सोरि सुराछे टोक्‍माउङ्‌सा खाडिगाँ आनि टोकानाङि आयुङ्‌साबिडाना आसा टोग्‍माना ठेना आँट् टोगुम्‍टुम्॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

याकुब 4:8

खानि माङ्‌हाङ्‌ङाना नेहेटाङ् टायानि हिट्‌नुङ् माङ्‌हाङ् चा खानि नेहेटाङ् टायुक्॥ हाउ कायाङ्‌छाबा याप्‌मिचि, खानि मुक् वासिडानुम् सेङ्‌सेङ् चोगानुम्॥ हाउ इप्‍पोक्‌लेङ् निङ्‌ग्‍वा कापि याप्‌मिचि, खानि निङ्‌ग्‍वा सेङ्‌सेङ् चोगानुम्॥

१ पाटरुस 1:15

टरो खानि काछेम्‍बा माङ्‌हाङ् सेङ्‌सेङ्‌ना॥ हिट्‌डेउङ् खानि चा सोब्‍बे रिङ्‌ङि सेङ्‌सेङ् लिसानि॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

२ पाटरुस 1:4

हिट्‌नुङ् उन्‍ङाना माहिमा लोक् भोलाइलाम्‍मा उन्‍ङा चामारसिङा चोगुना ठेना हिट्‌नुङ् बाहुमुल्‍ले थोक् आनि आपिडाइसे॥ खानि ना नाराङि लिसागा जाखाम् काचोक् ओचाफेन्‍ना निङ्‌ग्‍वालाम्‍मा आहोन्‌डिउङ् माङ्‌हाङ्‌ङाना ओचाट्‌लाङि साहाभागि लिसानि नुङ् उन्‍ङा नागा चामारसिङा चोगुए॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥

१ युहान्‍ना 2:6

माङ्‌हाङ्‌ङि वाङेट्‌ना पिक्‍ना याप्‌मिङा खिरिस्‍टङाना ओचाट्‌ला गाड्‌डे वामा कोन्‌युक्॥

१ युहान्‍ना 4:17

आनि आरु छेम्‍बाना माया चोगुम्‌चिम्‌चिम् हिट्‌नुङ् खिरिस्‍टङा नाराङि चोगु गाड्‌डे डोक् युङिटि भोने, न्‍याएङाना लेम्‍बा आनि चिन्‌तित लिमा कोन्‌निना॥