Taitus 3:4 - God Ananin Balan

^4-5 Wakuli God nagakomapu nanalawapu matanamali mape kalbu. Ali ananin yopinyi pasin douk enyudak. Anan ulkum manubu manohwapu ali nakli mapilipu. Ali douk ababuk nyultab enyudak pasin nyatoglu yopugunmu ali anan nanalawapu matanamali mape kalbu. Anan douk wo ulkum mulomu enen yopinyi pasin apak moneken uli ali dakio nunalawapu mutanamali e, wak. Anan nanubu nakli mapilipu ali nagakomapu meyoh matanamali mape kalbu ali nopouh. Anan nopouh namudak. Ananin Michin nyenekapu matoglu ananipu namupali batowich.

Iruhin Ananin Baraen

^4-5 Aria Iruhin nataurumap narap matanamori mape wosik. Aria ananih yopihi aih douk ehudok. Anan urkum manawashamap abom aria nakri giha-umap. Aria douk abudok nyutob ehudok aih hatogur yopugunum aria anan narap matanamori mape wosik. Anan douk madae urkum mur um eneh yopihi aih apak menekeh iri aria douk narap mutanamori uwe, uwok. Anan nakri giha-umap abom aria nataurumap meyoh matanamori mape wosik aria neshrokuhap. Anan neshrokuhap namudok. Ananin Mishin nyenekap matogur ananish namishi arpesh.

Taitus 3:4 Iomraidhean Croise

Iruhin Ananin Yopinyi Baraen Luk Nenyem Iri 1:47

Yekin michin douk nyenehilaumu God douk nogakome nalawe yatanamali yape kalbaluli.

Apudok Shup Douk Pol Nenekap Panam Eshesh Rom Iri 2:4

Ipak eke patulin enyudak God ananin yopinyi pasin? Anan douk nape nobeyogunmepu loubamu nyultab ali wo nubemepu yowenyi wisnabul e, wak. Ipak eke ulkwip polomen o wak, enyudak God ananin yopinyi pasin. Anan douk nape nobeyogunmepu loubamu nyultab umu nakli pukenyuk agabus yowenyi ali putanamali pukanu apaluh Anan.

1 Timoti 1:1

O Timoti, yek Pol yenek asudak pas sanakumagu nyak. Nyak douk nyatoglu kobi yekinyu nuganinamu. Nyak douk nyasuh enyudak yek yenek skulumenyomen uli God ananin balan nyagipechen ali dakio yohwalenyu nuganinu. Yek douk anudak God douk nanalawapu matanamali mape kalbaluli nanu Krais Jisas hatalihe. Amam hatalihe ali haklipe dodogowinyi balan umu itoglu Krais Jisas ananiwe aposel ali yaklipech ananin yopinyi balan. Ali anan douk bawagas umu apak manubu madukemech umu anan eke wata nunaki nunalawa-paluli. Yek yakli apakinu Aninu God nunu apakinu Diginali Krais Jisas hunelekenyu ali hugakomenyu meyoh. Ali chopuk, yakli amam hunek nyakihw apahw hwulu kalbu.

1 Timoti 2:3

Sapos ipak punek beten namudak umu, ipak eke punek God douk nanalawapu matanamali mape kalbaluli nunehilau. Ali anan chopuk douk nakli nunalau chunatimaguk elpech chutanamu chupe kalbu ali chudukemu adulin atinyi balan ali chuhwen chugipechen uli.

1 Timoti 4:10

Apak manubu madukemech umu kwali God douk nape eheh nyumneh uli eke wata nunalawapamu. Douk namudak ali apak monek ananin moul dodogowipu atupu. Ali memnek nebehi nyih umu, apak isave meyotu dadag. Umu moneken, apak manubu madukemech umu kwali anan eke nunalawapu. Adul anan eke nugakomu apak manatimaguk mape apudak atap uli. Wakuli aduligu atugu anan eke nunalau apak douk masuh ananin balan dadag magipechen uli mutanamali mupe kalbu.

2 Timoti 1:10

Ali nameitu enyudak seiwak God naklien uli douk anyatoglu. Krais Jisas douk ananaki ali nanalau apak matanamali mape kalbu. Ali nabo agundak umu apak munubu mugak munak muwichuk umu gnabihuk. Namudak ali apak eke kobi munubu mugak munak muwichuk, wak. Apak eke mupe kalbu eheh nyumneh kobi God ananin balan nyaklipapamu.

Taitus 1:3

Ali douk aliga ahudak nyumnah God nakliah uli hutoglu ali anan yet eke nunek ananin balan nyutoglu yopugunmu. God douk nagakomapu matanamomu anan uli naklipe dodogowinu atunamu inak inek enyudak moul umu iklipech ananin balan wolobaichi elpech.

Hibru 9:26

Wakuli douk nunek ofa wolobaihi atih ele, orait anan imas numnek nyih wolobaih atih seiwak God nokwalmu agudak nohobigamu aliga nameitu. Wakuli wak. Nameitu abudak nyultab halakatimu hagikuk uli nyumnah umu, ali Krais natoglu apudak atap. Natogloli atuh meyoh umu nunek ofa nukanu anan yet God umu nunekuk elpechin yowenyi.

1 Pita 2:3

Kobi douk balan nyetemu God ananik buk uli nyaklimu. Balan enyudak, “Ipak apechakomu Diginali ananin pasin ali padukemanamu anan douk nanubu yopuyopunali.”