Taitus 1:2 - God Ananin Balan

² Ali bawogen umu enyudak balan douk namudak. Apak manubu madukemech umu apak eke mupe kalbu eheh nyumneh. Ali seiwak God douk wo nunek loh atili e wata nunek apudak atap e, wakuli anan anakli enen adulin atinyi balan umu apak eke mupe kalbamu.

Iruhin Ananin Baraen

² Aria baugenyum enyudok baraen douk namudok. Apak madukemesh abom um apak ta mupe wosik ihih nyumneh. Aria seiwok Iruhin douk madae nunek rohw atin uwe wata nunek agundok atap uwe, aria anan nakri enen adurin atinyi baraen um apak ta mupe wosik um.

Taitus 1:2 Iomraidhean Croise

Matyu 25:34

Ali yek nebeweli king eke iklipu echudak cheyotu onuwemu uli ikli, ‘Ipak yowi. Yekinu Aninu douk anenekumepu yopinyi. Punaki puwich pupe yopubuli wabul ali pulau yopichi echudak. Echudak douk seiwak agudak nahabigu gatoglu ati natalihech ali nechubuk chakusumepu uli.

Matyu 25:46

Ali echudak yowechi elpech eke chunak chulau nebehi nyih chupe namobuk ati eheh nyumneh. Wakuli yopichi eke chunak chunubu chupe kalbu eheh nyumneh.”

Iruhin Ananin Yopinyi Baraen Mak Nenyem Iri 10:17

Douk Jisas natukemaguk agnabuk naitak nape nanak yah, wakuli ananu alman nasahul nanak natoglomanu. Ali nanak nabih noduk ohlubus natik atap ali nasalik Jisas nakli, “Yopinyali tisa, yek imas inek moneken ali, eke dakio inubu ipe kalbu eheh nyumneh?”

Iruhin Ananin Yopinyi Baraen Jon Nenyem Iri 10:28

Chagipeche ali eke igakomech umu kobi chunubu chunak chuwichuk, wak. Yek eke igakomech umu chunubu chupe kalbu eheh nyumneh. Ali eke kobi enen elpen nyunaki nyutuliweyech yekis wis, wak meyoh.

Iruhin Ananin Yopinyi Baraen Jon Nenyem Iri 17:2

Umu moneken, nyak douk anyeke enyudak namba umu ipe nebewelimu chanatimaguk elpech umu igakamu echebuk elpech douk nyak nyukeyech uli umu chupe kalbu eheh nyumneh.

Iruhin Ananin Yopinyi Baraen Jon Nenyem Iri 17:24

Aninu! Seiwak nyak watak nyunek apudak atap e ali nyak douk nyanubu ulkum manosuh yek. Namudak ali nyeneke yehiyatik yatoglu dodogowiwe otuwe. Douk namudak ali nameitu yakli echudak elpech nyak nyekeyech uli douk chunaku chunu yek mupe agundak yek yapemu. Yakli mupe ali chutik agundak douk yek yanubu yehiyatik ali dodogowiwe otuwemu.

Iruhin Ananin Yopinyi Baraen Jon Nenyem Iri 5:39

Ipak pakli enyudak balan nyetemu God ananik buk uli eke nyunekepu pupe kalbu eheh nyumneh! Douk namudak ali ipak pape patalih wolobainyi balan nyetemu okudak buk uli, ali penek tinyumen umu pakli pulau save. Enyudak nyetemu buk uli balan douk nyaklimu yek!

Iruhin Ananin Yopinyi Baraen Jon Nenyem Iri 6:54

Wakuli echebuk elpech douk chuwak yekih yegenyihw hwunu yekig butog uli, echech eke chupe kalbu eheh nyumneh. Ali ahudak hugikuk uli nyumnah hukli hutoglu abali, yek douk eke wata ichuhul chitak chupe.

Iruhin Ananin Yopinyi Baraen Jon Nenyem Iri 6:68

Ali Saimon Pita nebemanu balan nakli, “Diginyali, apak mutukemaguk nyak ali eke wata munamu omuni? Ati wak. Balan douk eke nyugakamapamu munubu mupe kalbu eheh nyumneh umu douk nyapemu nyak atinyu.

Aposel 15:18

Seiwak Diginali nakliyuk enyudak balan ali nameitu chopuk douk nakliyen.”

Apudok Shup Douk Pol Nenekap Panam Eshesh Rom Iri 1:2

Enyudak yopinyi balan douk seiwak God nagilapu ananim profet umu kwali enyudak yopinyi balan eke nyutoglu adulin atin. Nagilapam ali amam henyemu nyetemaguk ananik buk.

Apudok Shup Douk Pol Nenekap Panam Eshesh Rom Iri 16:25

Apak mutuk God ananin yeul nyukih. Anan atunu nanokwnumu nunekepu piyotu dodogowipamu pusuh ananin yopinyi balan dadag pugipechen. Kobi douk ayaklipepu God ananin yopinyi balan umu Jisas Krais umu. Anan eke nunekumepu namudak kobi enyudak balan seiwak nyonobechuk nyape aliga nameitu God nowolehen nyatoglu yopugun-maluli nyaklimu.

Apudok Shup Douk Pol Nenekap Panam Eshesh Rom Iri 2:7

Echebuk elpech douk chapemu chenek yopinyi chaulimu yah umu God nutuk echechich yeguh chukih ali nugakomech chupe kalbu eheh nyumneh uli, echech God eke nugakomech ali chunubu chupe kalbu eheh nyumneh.

Apudok Shup Douk Pol Nenekap Panam Eshesh Rom Iri 5:2

Apak douk monek bilip umu Jisas. Namudak ali anan meyoh nalawapali manaki mawich agundak God nagakomapu meyoh umu. Ali douk monehilau malikuk. Umu moneken, apak douk manubu madukemech umu kwali apak eke munak iluh heven mulau nebechi yeguh ali munu God mupe.

Apudok Shup Douk Pol Nenekap Panam Eshesh Rom Iri 5:21

Likuk enyudak yowenyi nyape nebeben ali dakio nyokwalmali gak. Ali nameitu douk namudak ati. Anudak God nagakomapu meyoh umu douk gnonowachak gnape nebebegun. God nagimeh namudak nohwalapu duldulipali elpech umu eke mupe kalbu eheh nyumneh. Anan nenekumapu namudak umu enyudak apakinu Diginali Jisas Krais neneken uli moul.

Apudok Shup Douk Pol Nenekap Panam Eshesh Rom Iri 5:4

Ali enyudak pasin umu apak dodogowipamu miyotu musah enenyi enen nyutoglomapu ulimu, enyudak pasin eke nyunekapu mutoglu yopupali elpech ali miyotu dadag. Ali enyudak pasin umu miyotu dadag umu eke nyunekapu munubu mudukemech umu Krais eke nunaki ali nunekumapu yopinyi.

Apudok Shup Douk Pol Nenekap Panam Eshesh Rom Iri 6:23

Yowenyi isave nyekech pe echebuk elpech douk chapemu cheneken uli. Enyudak pe douk chagak. Wakuli enyudak God nakapeyen meyoh uli yopinyi presen douk enyudak. Eke munubu mupe kalbu eheh myumneh. Apak douk monek pas Krais Jisas ali eke nunekapu mupe namudak.

Kolosi 1:27

God ananim ulkum douk molomu nakli nunek namudak. Anan nakli nugilapu apak ananipu elpech enyudak balan douk likuk nyonobechuk nyape uli. Enyudak balan enyen douk nyanubu duldulin yopiyopinyi ali yeul nyakihen. God douk nakli enyen nyutoglu yopugunmomu nyugakomu bunatimaguk lainab elpech. Balan douk enyudak. Krais nape numun ipakiluh apaluh. Ali bawogen umu enyudak balan nyakli namudak. Aduligu atugu, God eke nunekepu punubu putoglu duldulipali yopiyopipali kobi douk anan yet nanubu duldulinu yopuyopu-nalimu.

1 Tesalonaika 2:15

Seiwak echech Juda chabo wolobaimi profet hagak. Aliga ali nubuwakihin yohwlegul chabo apakinu Diginali Jisas nagak. Ali apak biam atunu chopuk chakliwakapu ali dakio chenekapu anagu anagu ali chahiyahapu malhwas manamu kipaigunmu. Apak manak maklipech God ananin balan kipaichi elpech douk wo Juda uli e. Apak makli muklipech umu chumneken chugipechen ali anan nunalawech chutanamali chupe kalbu. Wakuli echech Juda chakli wak ali chakli chugalu apakih yah umu kobi munak muklipech. Namudak ali echech chablo God ananin laik ali chatoglu chanatimaguk elpech echechich birua. Likuk echech chape chenek wolobainyi yowenyi. Ali nameitu enyen douk nyanubu nyatoglu wolobainyi. Ali anan dakio nyihihichi-namech ali nakli ajulugin. Ali kwali anan eke nech.

1 Tesalonaika 5:8

Wakuli apak wak. Apak douk mape hwalalagunmaluli. Douk namudak ali apak imas munek bosumu apak yet ali musuh God ananin balan dadag mugipechen ali apak ulkwip punosuh kipaichi. Ali sapos munek namudak umu, apak eke mupe kobi ananu nasuh idap nonobechuk ananihw yegenyihw uli nape kalbu ababuk nyultab nenek wanoh umu. Ali apak imas munubu mudukemech umu God eke nunalawapu mutanamali mupe kalbu. Sapos apak mudukemu enyudak umu, apak eke mupe kalbu kobi ananu nowemu ainitu hat uli nape kalbu ababuk nyultab anan nenek wanoh umu.

1 Timoti 6:12

Nyak imas nyusuh Krais ananin balan dadag nyugipechen kobi douk ananu nene resis uli nasahul nebegun umu. Ali nyak alagun douk namudak ati. Nyak imas nyunubu dodogowinyamu nyugipech Krais ananin balan ali nyunubu nyulau agundak umu kwali nyupe kalbu eheh nyumneh umu. Kobi douk seiwak God nohwalenyu ali ababuk nyultab nyak nyanu wolobaichi elpech pape penek lotu ali nyaitak nyaklipech enyudak yopinyi balan umu. Nyak nyakli Krais Jisas anan douk dodogowinali ali nyak nyasuh ananin balan dadag nyagipechen. Ali douk ababuk nyultab nyak nyakli namudak ali God nanalawenyu nakli nyak nyupe kalbu eheh nyumneh.

1 Timoti 6:19

Sapos chunek yopinyi namudak umu, aduligu atugu echech eke chunabuk echechich yopichi echudak chukusumech iluh heven. Echech eke chukus iluh aliga ahudak nyumnah hunaki ali God eke wata nubeyechumech.

2 Timoti 1:1

O Timoti, yek Pol yet yenek-umenyagu asudak pas nyak. Yek douk ulkum manubu manohwenyu. Ali nyak nyasuh God ananin balan nyagipechen ali yek dakio yohwalenyu nuganinu. Yek douk God nagipech ananin atin laik ali Krais Jisas natalihemu ipe ananiwe aposel ali inak iklipech God ananin adulin balan. Enyudak balan umu apak monek pas Krais Jisas uli amalau agundak umu mupe kalbu eheh nyumneh umu. Ali yek yakli Aninu God nunu apakinu Diginali Krais Jisas hugakomenyu meyoh ali nyakihw apahw hwulu kalbu.

2 Timoti 1:9

God douk ananalawapu matanamali mape kalbu ali anohwalapamu munubu mupe ananipu atupu ali mupe duldulipali. Anan douk wo nutik enen yopinyi pasin apak moneken uli ali dakio nuhwalapu e, wak. Anan nagipech ananin atin laik ali nohwalapu meyoh. Umu moneken, seiwak bawagas umu, God ulkum molomu apak ali nakagasi Krais Jisas nanaki nagakomapu nanalawapu meyoh.

2 Timoti 2:10

Douk namudak ali yek yasah nyanatimaguk hevi wakuli yeyotu dadag umu igakomu echebuk douk seiwak God nanatalihech uli. Anan nanatalihech umu Jisas Krais nunolawech chutanamali chupe kalbu agnabuk hwalalagunmu eheh nyumneh.

2 Timoti 2:13

Ali sapos apak mutukemaguk ananin balan umu, anan eke kobi nutukemenyuk, wak. Anan eke nunubu nugipechen kalbu.”

2 Timoti 2:15

Ali nyak imas dodogowinyamu nyuneken kalbu God ananin moul umu nyunekanu nunehilaumenyu. Ali chopuk, nyak imas nyunek skulumech umu ananin adulin atinyi balan nyukwukwihen umu kwali alagun anan eke nunehilaumenyu. Ali nyak eke kobi nyunenek ablan umu anan, wak.

Taitus 2:13

Ali nameitu abudak nyultab apak mupe munek enyudak yopinyi pasin abali, apak munehilau ali mupe mubeyagunmu ahudak yopuhi dudukah nyumnah douk apak madukemech umu eke hutogloluli. Ahudak nyumnah apakinu Nebenali God Jisas Krais nunaki ahi, anan eke nunubu nuhiyatiki ali nutoglu yopugunmu. Anan douk anudak alman douk nagakomapu nalawapu matanamali uli.

Taitus 2:7

Ali nyunatimaguk moul nyak yet nyuneken uli, nyak imas nyugilapech yopinyi atin pasin umu echech chutulinyu ali chugipechenyu. Ali nyak nyunek skulumech umu, nyak imas ulkum mulomu yopinyi atin pasin ali nyunek enyudak moul.

Taitus 3:7

Ali God nagakomapu meyoh ali nohwalapu yopupali mape duldul uli elpech. Ali anan nakli apak ananipu batowich munubu mupe kalbu eheh nyumneh. Namudak ali apak manubu madukemech umu enyudak balan douk adulin ali mape mobeyagunmu kwali mupe kalbu namudak umu.

1 Jon 2:25

Ali Krais anan yet douk naklipapu enyudak adulin atinyi balan. Naklipapamu eke nunekapu munubu mupe kalbu eheh nyumneh umu.

1 Jon 5:20

Ali apak douk madukemech. God ananinu Nuganinu douk ananaki nagilapapu madukemu anudak aduligeinu God. Apak douk monek pas anudak aduligeinu God ali monek pas ananinu Nuganinu Jisas Krais. Jisas Krais anan douk aduligeinali God. Anan douk bawagas umu agundak apak mupe kalbu eheh nyumneh umu.

Apudok Shup Douk Jut Nenekap Iri 1:21

Ali God douk ulkum manohwepu ali ipak imas pupe halakatimu anan ali kobi punek enen yowenyimu anan nutulin ali nukli wakepu, wak. Ali ipak pupe pubeyagunmu apakinu Diginali Jisas Krais douk neneleke-palulimu nunekepu pupe kalbu eheh nyumneh.

Revelesen 13:8

Ali chunatimaguk elpech douk chape apudak atap uli eke chunek lotumu enyudak mahin. Chanatimaguk echudak elpech douk seiwak God wata nunek apudak atap e, ali anan wo nuwemu echechiguh yeguh hwutemu okwudak buk douk echudak elpech eke chupe kalbu eheh nyumneh uli echechiguh yeguh hwutemeyokwi. Okwudak buk douk enyudak Nugan Sipsip douk seiwak chan nyagak uli enyenyik.

Revelesen 17:8

Enyudak nyatulin uli mahin douk seiwak nyape wakuli nameitu wak, anyagak. Ali enyen eke nyutukemaguk agudak bobigu douk gagal gagluk gani atap uli nyikihi ali eke nyunubu nyunak nyuwichuk. Ali onok buk kwakus. Okwok douk echudak elpech douk eke chupe kalbu eheh nyumneh uli echechiguh yeguh hwotemeyokwi. Ali enech elpech douk seiwak God wata nunek apudak atap e, ali wo nuwemu echechiguh yeguh okwudak buk uli e eke chutik enyudak mahin ali eke loguh hwunechlukech. Umu moneken, seiwak enyen nyape ali nameitu wak, enyen anyagak. Wakuli anah nyumnah enyen eke wata nyitak nyupe.