Taitus 1:1 - God Ananin Balan

¹ O Taitas, yek Pol douk yape chakamomu God yenek ananin moul uli yeneku-menyagu asudak pas nyak. Yek Jisas Krais ananatalihe ali nakagemu inak inek enyudak moul aposel umu ilau ananin balan umu igakomu chunatimaguk elpech. Echebuk douk God nanatalihech umu chunubu chupe ananich atich ulimu chunek bilip ali chupe dodogowich. Ali chopuk umu igakomech umu chulau ananin adulin atinyi balan umu nyugilapech umu chugipech ananih yopuhi yah.

Iruhin Ananin Baraen

¹ O Taitus, eik Pol douk yape shakamum Iruhin yenek ananin mour iri yenekumenyugu apudok shup um nyak. Eik Jisas Krais nagraehe aria neshopoke um inak inek enyudok mour aposel um irao ananin baraen um itaurum ihishmorim arpesh. Eshudok douk Iruhin nagraehesh um shupe ananish atish abom iri um shunek bilip aria shupe dodogowish. Aria shopunek um itaurumesh um shurao ananin adurin atinyi baraen um nyiyabigesh um shugipesh ananih yopuhi yah.

Taitus 1:1 Iomraidhean Croise

Iruhin Ananin Yopinyi Baraen Luk Nenyem Iri 18:7

Ali ipak pakli malmu? Echebuk elpech douk God anonoglahech umu chupe ananich uli chukli chuleh chublamanu nyumnah wab umu nugakamech umu, anan deke kobi nugakamech wisnabul waka?

Aposel 13:48

Kipahechi elpech douk echech wak Juda uli e chemnek enyudak balan ali chenehilau. Chakli Diginali ananin balan nyanubu yopinyi. Ali echebuk douk God anatalihech umu chupe kalbu eheh nyumneh uli douk chasuh ananin balan dadag chagipechen.

Apudok Shup Douk Pol Nenekap Panam Eshesh Rom Iri 1:1

Yek Pol, douk yenek Krais Jisas ananin moul uli yenekumepagu asudak pas. Yenekas sanamogu ipak God ananipu elpech douk pape Rom uli. Yek onowe aposel douk God nohwale ali natalihemu inak iklipech ananin yopinyi balan.

2 Korin 1:1

Yek Pol, anan Krais Jisas ananiwe aposel. God anan meyoh nakli ali nautuwemu enyudak moul Aposel umu inak iklipech ananin balan. Yek yanu apakinu owaninu Timoti woneku asudak pas umu ipak God ananipu elpech douk pape wabul Korin uli. Wonekasumagu ipak panu ihech God ananich elpech douk chape ihalub walub enyebuk provins Akaia uli.

Efesus 2:8

Enyen douk God nagakomepu meyoh umu agundak ipak pasuh Krais ananin balan dadag pagipechen umu ali anan nanalawepu patanamali pape kalbu. Enyudak enyen douk wo ipak yet puklimu putanamu pupe kalbu e, wak. Enyen douk God yet nagakomepu meyoh nanalawepu patanamali pape kalbu.

Filipai 1:1

Yek Pol yanu Timoti douk wanubu wonek Jisas Krais ananin moul uli. Ohwak biohu woneku apudak chup umu ipak panatimaguk God ananipu elpech douk penek pas Krais ali pape wabul Filipai uli. Chopuk wonekap panamagu ipak nebepalimu God ananich elpech uli panu amabuk douk hagakomu ipak nebepalili.

Kolosi 2:2

Yek yeneken namudak umu yakli inek echech chunatimaguk chunu ipak pupe namudak. Yakli ipakip ulkwip uli apaluh chupe dodogowich ali ipakip ulkwip punosuh kipaichi God ananich elpech. Ali chopuk umu pulau enyudak nyunatimaguk yopinyi tinytin uli save. Ali ipak eke punubu pudukemech umu God ananin balan douk nyanubu adulin atin. Ali yek yenek enyudak moul umu yakli kipaichi chunu ipak punubu pudukemu bawogen umu enyudak God ananin balan douk seiwak nyonobechuk nyape uli douk nyaklimu Krais atunu.

1 Timoti 3:16

Seiwak bawogenyumu God ananin balan umu agundak apak monek lotumanamu douk nyonobechuk. Wakuli nameitu douk anyatoglu yopugunmu. Balan douk enyudak. Seiwak anan nalau elpechihw yegenyihw natoglu adulinu alman kobi apak umu. Ali God ananin Michin nyawichanu ali God nanubu nagilapu wolobaichi elpech chadukemech chakli anan douk God ananinu nuganinu. Ali wolobaichi God ananich ensel chopuk chatulunu. Ali ananich elpech chanak wolobainyi kantri chaklipech ananin balan chanatimaguk elpech. Ali enech chahwen dadag chagipechen. Ali God wata nalawanu naltomu

1 Timoti 6:3

Apakinu Diginali Jisas Krais ananin yopinyi balan douk nyaklipapamu musuh God ananin balan dadag mugipechen ali munek skulumu kipaichimu chugipech ananin pasin. Ali echebuk elpech douk chatukemaguk enyudak yopinyi balan ali chenek skulumech umu kipainyi lohwin balan uli chakli echech yet yeguh hwakihech ali chanubu chadukemech uli. Wakuli wak, echech douk chanubu chogugaku. Echech wo chudukemu God ananin balan e. Echech ulkwip polomu chakli chupemu chunowipu ati ali chape chahlitak umu nyanatimaguk enenyi enen balan. Ali chahu elpech ali echechiluh apaluh nyihihichiluh umu kipaichi chakli echech yowechi. Ali echech ulkwip polomu kipaichi elpech chakli echech chenek yowenyi. Wakuli echech chenek loh.

2 Timoti 2:10

Douk namudak ali yek yasah nyanatimaguk hevi wakuli yeyotu dadag umu igakomu echebuk douk seiwak God nanatalihech uli. Anan nanatalihech umu Jisas Krais nunolawech chutanamali chupe kalbu agnabuk hwalalagunmu eheh nyumneh.

2 Timoti 2:23

Ali nyak imas nyutukemaguk lahahaichi cheyagwlehen uli balan. Umu moneken, nyak nyadukemech, cheyagwleh enyudakmali balan uli isave nyihihichich ali chapemu chanowipu ati.

2 Timoti 2:25

Ali amam imas hupe chakamomu echebuk douk chakli wak God ananin balan uli ali huklipech chokubul. Amam huklipech namudak umu God nugakomech ali chukenyuk agabus yowenyi ali chutanamu chukanu apaluh chudukemu ananin adulin balan waka wak?

Jems 1:1

O ipak God ananipu elpech, ipak Juda. Ipak asudak 12-poleis nebesi awilas douk patukemaguk ipakilub walub panaku pape panakuk kipailubi walub uli. Yek Jems douk yenek God ananin moul yape chakamomu anan nanu Diginali Jisas Krais uli yenekumepagu asudak pas ipak. Yek yenemepagu gude ipak.

2 Pita 1:3

Krais douk nohwalepamu punaki punu anan pulau ananin yopinyi pasin nyunu ananin nebenyi yopinyi strong. Anan douk nalau God ananin strong ali anakapu enechi enech yopichi echudak douk apak tokwahepa-mech umu mupe kalbu ali mugipech God ananin pasin umu. Apak madukemu Krais ali anan dakio nakapali yopichi echudak.

2 Pita 3:11

Douk namudak ali ipak imas punek moneken pasin? Ipak pupe pubeyagunmu ahudak God ananih nebehi nyumnah umu hutoglu abali, ipak imas punubu pupe duldul pupe God ananipu atipu. Ali ipak pupe duldul pugipech God ananin atin pasin umu punek ahudak nyumnah hutoglu wisnabul. Ahabuk nyumnah, nebehi nyih eke hunu utagu gunak guwichuk. Ali chunatimaguk echudak chape iluh utagaluli eke nyih hukiyakechech ali chuweyeh chunenemu abal.

1 Jon 2:23

Meichi elpech douk chukanu agabus Nuganinaluli, echech douk chopuk chakanu agabus Aninu. Echebuk douk chukanu apaluh Nuganinaluli, echech douk chopuk chakanu apaluh ananinu Aninu.

Revelesen 1:1

Seiwak enyudak balan umu Jisas Krais nyonobechuk. Wakuli nameitu abudak nyultab enyen anyatoglu yopugunmu. God douk nakanu enyudak balan Jisas umu nuklipu chenek God ananin moul ulimu nugilapech umu chonobechuk uli echudak ahalakatimu chutoglu. Anan douk nagilapapu namudak. Anan nakagasi ananin ensel nyanamali yek Jon douk yenek God ananin moul uli ali nyaklipe enyudak balan.