Biblia Todo Logo
Bìoball air-loidhne

- Sanasan -




Apudok Shup Douk Pol Nenekap Panam Eshesh Rom Iri 3:4 - God Ananin Balan

4 Aduligu atugu wak. Ihech elpech isave chene loh. Wakuli God wak. Anan douk napemu neyagwleh adulin atinyi balan kobi ananik buk kwaklimu. Kwakli namudak. “Nyak nyeyagwleh-enyi balan douk adulin atin. Ali enech elpech chunemenyu kot abali, nyak eke nyunek winyumatu.”

Faic an caibideil Dèan lethbhreac

Iruhin Ananin Baraen

4 Adur atin ta uwok. Ihish arpesh apa shenek rohw, aria Iruhin uwok. Anan douk napeum neyagwreh adurin atin baraen kabi ananik Buk kwakrium. Kwakri namudok, “Ihish arpesh ta shutik nyak aria shukri nyakin baraen douk adurin atin. Aria enesh arpesh shunemen kwot obi nyutob, nyak ta nyunek uhwinyumat.”

Faic an caibideil Dèan lethbhreac




Apudok Shup Douk Pol Nenekap Panam Eshesh Rom Iri 3:4
33 Iomraidhean Croise  

Ali yek Anudak Alman douk yatoglu aduligeinyi elpen uli douk yanaki yawak kakwich wihluwehlu, yawak wainibal abal. Ali enech douk chatiwe chakli, ‘Tik, anan douk napemu nawak kakwich uli wainibal abal nalikuk.’ Chopuk echech douk chakli, ‘Anan douk nanahwech umu elpech echudak douk chenek yowenyili chanu amudak halau tagis uli.’ Wakuli douk yaklipepu: Ipak eke putik echebuk elpech chulau God ananin yopinyi save chuhwen dadag chunek yopinyi pasin ali eke pudukemech pukli echechin pasin douk yopinyi.”


Yek yaklipepu, anan eke nunaki nom hugak ali nuklipu kipaimi hunaki hunek moul ananigu nahabigu.’ Ali douk echech elpech chemnek namudak ali chakli, ‘Apak makli wak umu nunek namobuk, wak.’”


Echebuk douk chemnek ananin balan chahwen chagipechen uli, echech chakli God naklienyi balan douk adulin atin.


Namudak ali douk yakli. Ati God douk eke nanubu nekechuk agab ananich elpech, waka? O wak meyoh! Yek Pol douk chopuk onowe Isrel. Onowe Ebraham ananiwe yamenu. Yek douk yaitak apudak Bensamin ananip awilop.


Namudak ali yakli isolikepu chopuk. Agundak echech Juda chagoul umu, ati douk eke chanubu chanak chawichuk waka? Aduligu atugu wak. Echech douk chatukemaguk yah chenek yowenyi. Namudak ali God dakio wata nagakomu kipahechi wata nanalawech chatanamali chape kalbu. Nenek namudak umu nakli echech Isrel chutulunamu nagakomu kipahechi namudak ali chunek hinyigimech.


Apak monek bilip umu Krais ali dakio God nohwalapu duldulipali elpech. Ali ati douk eke enyudak bilip nyenekapu mechegeik enyudak lo nyabihuk, waka? Aduligu atugu wak. Apak monek bilip umu Krais ali manubu monek enyudak lo nyatoglu dodogowin.


Nameitu apak awata mupe chakamomu enyudak lo God nakaguk Moses enyi ali mugipechen e, wak. Nameitu douk mape chakamomu agundak God nape nenelekapu ali nagakomapu meyoh umu. Ali douk malmu? Ati mape namudak ali eke kalbamu wata mupe munek yowenyi, waka? Aduligu atugu wak.


Aduligu atugu wak. Apak douk kobi amagak ulimu. Ali enyudak pasin chenek yowenyimu douk amatukemenyuk. Ali namudak malmu, umu nameitu wata mupe munek yowenyi namudak atimu? Namudak wak.


Ali douk malmu? Ati eke ikli enyudak yopinyi nyae yagak waka? O aduligu atugu wak. Yowenyi meyoh nyae yagak. Yowenyi meyoh nyakwu enyudak yopinyi lo ali nyae yagak umu apak mutik enyudak yowenyi ali mukli o aduligu atugu, enyudak yowenyi. Namudak ali enyudak lo nyagilapapu yowenyi manubu madukemen umu enyen douk nyanubu yowen chuknin.


Ali eke mukli malmu? Mukli enyudak lo enyen yet douk yowenyi, waka? O aduligu atugu wak. Wakuli sapos enyudak lo kobi nyugilape moneken pasin yowenyi ele, yek deke kobi idukemu yowenyi, wak. Enyudak lo atin nyeneken yadukemu yowenyi. Douk namudak. Lo nyakli, “Nyak kobi nyunek hinyigimu kipahechich echudak.” Douk lo kobi nyukli namudak ele, orait enyudak pasin umu chene hinyigimu deke kobi idukemen, wak.


Namudak ali eke mukli malmu? Ati eke mukli God nenek yowenyi pasin, waka? Aduligu atugu wak.


Ali ipak wo pudukemech e? Ipak douk pape anagunihw umu Krais ananih yegenyihw. Douk namudak ali sapos yek ilau anagunihw umu Krais ananihw yegenyihw inak ichapagun umu okudak douk kweyotu yegwih uli okwokwihw yegenyihw umu, enyen douk kalbu waka wak? Aduligu atugu, namudak douk wak.


God isave nagipech ihenyumali ananin balan kalbu. Ali douk namudak ati. Yek isave yaklipepu adulin atin balan. Wak ipemu iklipepu wosik ali wata inek senis iklipepu wak alagun ati e, wak.


Apak douk makli Krais ananin balan adulin magipechen ali makli God nuhwalapu duldulipali elpech umu namudak. Namudak ali abudak nyultab apak kobi mugipech lo ali enech Juda chutulupu chukli apak mape monek yowenyi kobi echech wak Juda ulimu e, namudak apak eke mukli malmu? Ati eke mukli Krais napahul monek yowenyi, waka? Aduligu atugu wak.


Yek douk wo ikli God nuhwalapu duldul-ipalimu agundak apak mugipech lo umu e, wak. Douk ikli namudak ele, namudak douk yekenyuk agab enyudak God neneken uli moul umu nagakomapu meyoh ali nakagasi Krais nanaki nagak-umapamu. Umu moneken, sapos God nuhwalu elpech duldulichimu agundak chagipech ananin lo umule, orait Krais douk nagak meyoh meyoh.


Wakuli yek douk eke kobi inotuk yek yet o ituk enech kipaichi echudak chukih, wak. Yek eke ituk Diginali Jisas Krais ananin yeul atin nyukih, umu agundak nagak lowag kruse umu. Yek ulkum molomu agundak Jisas nagak kruse umu ali yatik apudak atapinyi pasin umu douk yakli anyagak. Ali yek douk chopuk kobi ayagak ulimu. Wo dodogowiwe umu inek enen apudak atapinyi pasin e, wak.


Seiwak bawogenyumu God ananin balan umu agundak apak monek lotumanamu douk nyonobechuk. Wakuli nameitu douk anyatoglu yopugunmu. Balan douk enyudak. Seiwak anan nalau elpechihw yegenyihw natoglu adulinu alman kobi apak umu. Ali God ananin Michin nyawichanu ali God nanubu nagilapu wolobaichi elpech chadukemech chakli anan douk God ananinu nuganinu. Ali wolobaichi God ananich ensel chopuk chatulunu. Ali ananich elpech chanak wolobainyi kantri chaklipech ananin balan chanatimaguk elpech. Ali enech chahwen dadag chagipechen. Ali God wata nalawanu naltomu


Ali bawogen umu enyudak balan douk namudak. Apak manubu madukemech umu apak eke mupe kalbu eheh nyumneh. Ali seiwak God douk wo nunek loh atili e wata nunek apudak atap e, wakuli anan anakli enen adulin atinyi balan umu apak eke mupe kalbamu.


God nenek enyudak umu apak mumnek, miyotu dodogowipamu bilip ali mudukemech umu enyudak God ananin adulin atinyi balan eke nyutoglu adulin atin. God nakli enyudak balan nyanamali apak douk amatukemaguk yowenyi ali anan nagakomapu nohwalapu manamu anan uli. Nameitu douk bien balan nyape. Enyudak anan nakli enyi adulin atinyi balan nyanu enyudak douk nalimu ananin yet yeul umu. Enyudak bien balan eke kobi nyunek senis, ali God nunubu eke kobi nunek loh, wak.


Namudak ali echebuk elpech douk chapemu chenek bilip umu God ananinu Nuganinaluli, echech douk chalau enyudak God naklipapu enyi adulinyi balan nyape echechiluh apaluh. Wakuli echebuk elpech douk wo chunek bilip umu God uli e, echech douk chohwalu God chakli napemu nenek loh atili. Umu moneken, echech douk wo chunek bilip umu enyudak balan e, douk God naklipapamu ananinu Nuganinamu, wak.


Ali apak douk madukemech. God ananinu Nuganinu douk ananaki nagilapapu madukemu anudak aduligeinu God. Apak douk monek pas anudak aduligeinu God ali monek pas ananinu Nuganinu Jisas Krais. Jisas Krais anan douk aduligeinali God. Anan douk bawagas umu agundak apak mupe kalbu eheh nyumneh umu.


Ali Jisas naklipe nakli, “Jon, nyak wemu enyudak balan anap chup nyunamu enyudak ensel douk nyape nyenek lukautumu God ananich elpech chape Filadelfia uli. Ali yek Jisas yekin balan douk enyudak. ‘Yek douk yanubu dulduliweli douk yasuh ki umu enyudak dua douk seiwak King Devit nahwen uli. Ali sapos yek ijik dua umu, eke kobi enen elpen dodogowin umu nyinyalu. Ali chopuk, sapos yek inyalumu, eke kobi enen elpen dodogowin umu nyijiken.


Lean sinn:

Sanasan


Sanasan