Apudok Shup Douk Pol Nenekap Panam Eshesh Rom Iri 2:3 - God Ananin Balan

³ Wakuli ipak isave pechopokech balan kipahechili, ipak chopuk isave penek enyudak-mali atin. Namudak ali ipak pakli wosik deke pulhwas punak punobechukuk ali God eke kobi nunemepu kwotog waka? Wak meyoh.

Iruhin Ananin Baraen

³ Aria ipak ta padukemesh baraen kupaishi iri, ipak shopunek ta penek enyudokmori atin. Namudok aria ipak pakri wosik ta puruwok punak punabeshukuk aria Iruhin ta mare nunemep kwotog uwe, uwok? Namudok ta uwok meyoh.

Apudok Shup Douk Pol Nenekap Panam Eshesh Rom Iri 2:3 Iomraidhean Croise

Matyu 23:33

Ipak douk panubu yowepu pape kobi wanahwiguhwi iguhumali. Chanubu yowechi elpech chape kobi iguhumali echechipu batowich. Namudak ali luhut God eke nunemepu balan ali nuwachepu pugluk yowebuli wabul hel. Pulhwas umu yah douk wakepu.

Matyu 26:53

Nyak eke nyadukemech waka wak? Yek ikli ihwalu yekinu Aninu ele, anan deke wisnabul nukagasi chanubu wolobaichi ensel checholokuk 12-poleib lainab ami chunaki chugakome.

Iruhin Ananin Yopinyi Baraen Luk Nenyem Iri 12:14

Ali Jisas naklipanu nakli, “Wak. Yek douk omuni nyaklipemu inek jas umu ipak ali iyaisumepu echudak ipak biepamu?”

Iruhin Ananin Yopinyi Baraen Luk Nenyem Iri 22:58

Ali douk chapegu wo loubali e ali ananu alman wata natulunu ali nakli, “Nyak chopuk douk nyatanuh Jisas ananim uli.” Wakuli Pita nakli, anan wak.

Iruhin Ananin Yopinyi Baraen Luk Nenyem Iri 22:60

Wakuli Pita nakli, “Nya, balan nyak nyeyagwlehen uli, yek wak idukemen e.” Ali Pita wata nape neyagwleh ati ali owotu teyagwleh.

Apudok Shup Douk Pol Nenekap Panam Eshesh Rom Iri 1:32

Echech douk chadukemen enyudak God ananin duldulinyi lo. Enyen douk nyakli, “Elpech chugimu ehudak uli imas chugak.” Wakuli chapemu chenek yowenyi atin. Ali douk wo chunek enyudak yowenyi atin e, wak. Echech chopuk chape chenehilaumu elpech douk chapemu chenek enyudak atin yowenyi uli.

Apudok Shup Douk Pol Nenekap Panam Eshesh Rom Iri 2:1

Enyudak dokwechuk yenyemaluli balan douk adulin atin. Namudak ali ipak meipali douk isave pechopokech balan kipahechi pakli echech chenek yowenyili, yek yakli iklipu ipak atin ati. Ipak wo punokwnumu punobechuk umu yowenyi ipak peneken uli e, wak meyoh. Mnek! Ipak isave pechopokech balan kipahechi pakli echech chenek yowenyi. Namudak douk ipak penechopok balan nyatanamalimu ipak yet. Umu moneken, ipak douk pechopokech balan kipahechili, ipak douk chopuk isave penek enyudakmali atin.

Apudok Shup Douk Pol Nenekap Panam Eshesh Rom Iri 2:2

Apak douk madukemech. God isave nenek duldulinyi pasin nenekumech kwotog echebuk elpech chagimu ehudak-malili.

Apudok Shup Douk Pol Nenekap Panam Eshesh Rom Iri 9:20

Wakuli nyak elpen, nyak nyakli nyak monekenyu elpen, umu wata nyakli nyuwanam-umanu balan God umu? “Anap malup ananu alman nape nalap magus uli, apap douk wo putanamu puklipanu pukli, ‘Nyak nyale namudak umu moneken?’ Wak.”

1 Tesalonaika 5:3

Ababuk nyultab elpech eke chukli, “Nameitu apak mape yopuhi nyumnah ali mape kalbu.” Wakuli ahudak nyumnah eke hutoglu ahudak atuh kobi almatok kwomnek nyih umu kwulali batowin umu. Ali echech eke kobi chulhwas, wak. Echech eke chulau nebehi nyih ali chunubu chupe sisahw.

Hibru 12:25

Ipak imas punenek yologi. Kedeke pukli puwechikuk aligas ali pichegeik God ananin balan. Seiwak God douk naklipech enen dodogowinyi balan apakich yamech agundak apudak atap. Naklipech wakuli echech chakli wak umu chumneken. Namudak ali echech wo chunokw-labanu e, wak. Nahwech nekech yowenyi pe umu echechin yowenyi. Ali nameitu apak, God douk napeli iluh heven ali nakapali dodogowinyi balan. Douk mukli mukanaguk agabus umu, ati pakli deke mulhwasuk ali kobi nukapu yowenyi pe umu apakin yowenyi, waka? Aduligu atugu wak.

Hibru 2:3

Namudak ali sapos nameitu apak mukli mukenyuk agabus enyudak balan umu enyudak nyanubu susubein yopinyi moul douk God neneken umu nunolawapu mutanamali mupe kalbamu, apak douk yah wakapamu munokwlabu God mulhwas umu. Enyudak balan umu God nakli wata nunolawapu mutanamalimu, enyen susubati douk Diginali Jisas nalik naklipechen. Ali echebuk douk chemnekanu uli, echech douk chaklipapu ali madukemech umu enyen nyanubu adulin atin.