Apudok Shup Douk Pol Nenekap Panam Eshesh Rom Iri 1:4 - God Ananin Balan

⁴ Ali nameitu God nowolehanu umu ananin dodogowinyi strong. Ananin michin nyowolehanu nyagilapapu umu anan douk God ananinu nuganinu. Enyen nyowolehanu abudak nyultab echech chanu nagak ali God wata nanahul naitak napemu.

Iruhin Ananin Baraen

⁴ Aria douk Iruhin nowerehan um ananin dodog. Yaken ananin Mishin nyowerehan nyeyabigap um anan douk Iruhin ananin Nuganin. Enyen nyowerehan abudok nyutob eshesh shan nagok aria Iruhin wata nonohur nakitak napeum.

Apudok Shup Douk Pol Nenekap Panam Eshesh Rom Iri 1:4 Iomraidhean Croise

Matyu 4:3

Ali Satan nanaki naklipanu nakli, “Sapos nyak God ananinu Nuganinamu, nyak klipu abaludak utabal blutoglu bret.”

Aposel 17:31

Anan douk anatalih anah nyumnah hape umu eke nebetali kot tunenek umu. Atudak kot eke nunekatamu manatimaguk elpech umu enenyi enen moneken uli. Atat douk tanubu duldulitu kot. Ali God anatalih ananu alman umu eke nupe nebenali nusuh atudak kot uli. Anudak alman douk nagak ali God wata nanahul naitak nape. Namudak ali apak manatimaguk douk manubu madukemech makli adul umu luhut anan eke nusuh atudak nebetali kot.”

Aposel 2:24

Douk panu nagak wakuli God nanahul naitak nape. Wo nutukemanu nupemaguk ehudak nyih douk chagak uli chemnekeh uli e, wak. Umu moneken, gak douk wo dodogowin umu nyuwechikuk anudak alman e, wak.

Aposel 2:32

Anudak Jisas nagak umu, God douk ananahul naitak nape. Apak manatimaguk douk matulunu ali makli adul.

Aposel 3:15

Ali anudak yopunali alman douk nape Nebenalimu ahudak yah douk mugipechah ali mupe kalbu eheh nyumneh umu douk panu nagak. Wakuli God wata nanahul naitak nape. Ali ohwak douk watulunu wakli adul ali waklipech-umanu.

Apudok Shup Douk Pol Nenekap Panam Eshesh Rom Iri 1:3

Enyudak balan douk nyaklimu God ananinu nuganinu, apakinu Diginali Jisas Krais. Anan douk nalau elpenyihw yegenyihw natoglu elpen ali naitak king Devit ananip awilop.

2 Korin 13:4

Adul, likuk ababuk nyultab chanu chenek nyilimumanu kruse abali, anan douk wo dodogowinu e, wak. Wakuli God anan douk nanubu dodogowinu atunu uli, ali wata nanahul naitak ali nameitu douk nape. Kobi douk Jisas nape apudak atap ali wo dodogowinamu e, nameitu apak chopuk monek pas anan wata mape apudak atap ali wo dodogowipu e. Wakuli abudak nyultab apak munaku agnabuk Korin abali, Krais eke nunapu mupe munechlepu ali God eke nugakomapu dodogowipamu mugakomu ipak.

Hibru 9:14

Wakuli Krais ananig butog douk gwanubu gwechalakuk enyudak nyalik uli pasin. Enyudak God ananin Michin nyape eheh nyumneh uli nyakanu strong ali nakanu anan yet God kobi enen ofa umu. Anan douk wak nunek enen yowenyi nyupenyunu e, wak meyoh. Douk namudak ali chanu ananig butog gwanubu gwakwlupaguk apak moneken uli yowenyi. Ali apak ulkwip polomu, apak douk madukemech umu apak wak enen yowenyi nyupenyupe e, wak. Nagakomapu namudak umu apak kobi wata munek yowenyi ali nyopu mugak, wak. Wakuli apak douk mupe munek anudak God douk nape eheh nyumneh uli ananin moul.

1 Pita 1:11

Krais ananin Michin douk nyape numun amamiluh apaluh uli nyakli enen balan umu kwali eke enenyi enen yowenyi nyulik nyutoglomu Krais nyunekanu numnek nebehi nyih ali eke wata chutuk ananin yeul nyukih umu. Namudak ali amam atunu ati hape hanasolikagas umu hakli, “Enyudak eke nyutoglu meibali nyultab?”

2 Pita 1:21

Umu moneken, seiwak douk wak enen balan amam profet haklien uli nyutogloli amam yet amamin tinytin e. Amam douk God ananin Michin atin nyawicham nyomuhul ali hakli enyudak God ananin balan.

Revelesen 1:18

Yek douk wo igak uli e, wak. Yek yape uli! Seiwak yagak wakuli nameitu yape, ali chopuk eke ipe eheh nyumneh. Ali yek douk yalau nebenyi namba uli pawa umu ipe nebewelimu agundak elpech chugak umu. Umu ikli echech chunamu yowebuli wabul o chunamu yopubuli.

Revelesen 19:10

Ali yek yabih yoduk ohlubus halakatimu enyenyiluh yaliluh umu yakli inek lotumen. Wakuli enyen nyaklipe nyakli, “Nyak kobi nyunek lotumu yek, wak. Nyak nyunek lotumu God atunu. Yek yanu nyak wanu echech Kristen, apak manatimaguk douk monek God ananin moul uli atupu. Ipak douk pasuh enyudak balan Jisas naklipepeyen pagipechen uli. Enyen douk enyudak atin balan nyohul amam profet amamiluh apaluh ali haklipech God naklipomenyi balan.”