Matyu 5:9 - God Ananin Balan

⁹ Echebuk douk chapemu chagakomu elpech umu chupe atugun ali kobi chulpak chuhlitak uli, echech wosik chunehilau. Umu monoken, God eke nuhwalech ananich batowich.

Iruhin Ananin Baraen

⁹ “Eshudok douk shapeum shiyatak rupanitak iri, eshesh wosik ta shanadudareh. Umum maresh, Iruhin ta nuhwaresh ananish nugashish.”

Matyu 5:9 Iomraidhean Croise

Matyu 5:45

Pugimah namudak ali ipakinu Aninu nape iluh heven uli eke nuhwalepu ananipu batowich. Anan douk i save nenek ananih wah hatawomu yowechi chanu yopichi elpech alagun ati. Echah douk namudak ati. Nenekah halamoli chenek yopinyi atin uli chanu echebuk douk chenek yowenyili alagun ati.

Matyu 5:48

Namudak ali ipak imas punubu putoglu duldulipali elpech punek yopinyi atin kobi ipakinu Aninu nape iluh heven uli nanubu nape duldulinamu.”

Iruhin Ananin Yopinyi Baraen Luk Nenyem Iri 20:36

Echech eke chupe kobi douk ananich ensel umu ali eke kobi chugak, wak. Echech achape God ananich batowich. Umu moneken, anan douk wata nechuhul chaitak uli.

Iruhin Ananin Yopinyi Baraen Luk Nenyem Iri 6:35

Ali namudak wak! Ipak imas ulkwip punosuh ipakich birua ali punek yopinyi pasin umu echech. Ali pukech echudak ali kobi punek tin umu echech wata chubeyech-umepali wak. Ipak punek namudak ali anah nyumnah God eke nunubu nunekumepu wolobainyi yopinyi gani iluh heven. Ali chopuk, ipak eke putoglu nabouk ihechumali echudak chabihuk uli God ananipu batowich. Umu moneken, anan douk yopunamu echebuk douk wo chunek tenkyuma-naluli uli e, chanu echebuk douk chenek yowenyi uli ali nagakamech.

Aposel 7:26

Douk wehluwih ali Moses wata natik biam Isrel halpak. Natik namudak ali nakli nusuhwecham umu hupe atugun. Ali naklipam nakli, ‘Aipo! Ipak douk sanyowan. Namudak palpak penejijah umu moneken?’

Apudok Shup Douk Pol Nenekap Panam Eshesh Rom Iri 12:18

Kobi pukli ulkwip pulomu wanogwiluh, wak. Wakuli ipak imas pulimu yegwih umu punu ihech elpech pupe atugun ali apaluh hlulu kalbu.

Apudok Shup Douk Pol Nenekap Panam Eshesh Rom Iri 8:14

Echebuk elpech douk God ananin Michin nyalikech umu enenyi enen uli, echech douk God ananich batowich.

Apudok Shup Douk Pol Nenekap Panam Eshesh Rom Iri 8:16

God ananin Michin meyoh nyanaki nyenek pas apakich michich ali makli apak God ananipu batowich.

Apudok Shup Douk Pol Nenekap Panam Eshesh Rom Iri 8:19

Ihechumali enechi enech God nenekech uli echudak douk chanubu chape chatulugun ali chebeyagun umu abudak nyultab God nuwoleh apak ananipu batowich nunekapu mutoglu yopugunmu abali.

1 Korin 6:6

Wakuli nameitu enen Kristen douk nyalau kipainyi Kristen umu kot umu amabuk nebemi haiden douk hasuh kwotog ulimu hunek skelim umu echechin balan!

2 Korin 13:11

O yekipu elpech, yek douk enyudak yakli iyatak yekin balan ali yakli ikli, “Yopuhi nyumnah ipak.” Ipak imas punek moul dodogowipu atipu umu putoglu dodogowipamu bilip. Yakli pusuh yekin balan punubu pupe atum boglom ali apaluh hlulu kalbu. God anan douk nanubu bawagas umu agundak ulkwip panosuh kipahechi ali apaluh hlalu kalbu chape kalbamu. Ipak pugimeh namudak kobi yaklimu ali Anan eke nunepu pupe.

2 Korin 5:20

Namudak ali apak douk enyudak malau Krais ananitu yokwatu ali maklipepu ananin balan. Enyudak douk kobi God anan meyoh nakwu apakig yowatog nohwalali chanatimaguk elpech umu. Apak douk malau Krais ananitu yokwatu ali maklipu chanatimaguk elpech namudak. Makli, “Aipo, ipak aputukemu agundak penek biruamu God umu ali wata putanamu punu Anan pupe atugun.”

Galesia 5:22

Wakuli God ananin Michin douk nyokwalmu enyudakmali yopinyi pasin. Ulkwip panosuh kipahechimu, chunehilawamu, apaluh hlalu kalbu chape atugun umu, wo nyihihichich wisnabul atimu e, chagakomu kipahechimu, chenek duldulinyi yopinyi pasin umu kipahechimu, chanubu chape duldul kipahechi chatulich chakli adul umu,

Efesus 4:1

Yek Pol douk yape yenek Diginali ananin moul agundak ali dakio chowechike yape kalabus. Ali yek yakli iklipepamu ipahul umu punek namudak. Ipak imas pupe duldul punek yopinyi atin pasin kobi douk likuk susubati God nohwalepamu nakli pugipechen uli.

Filipai 4:2

Nyak Yuodia uli nyak Sintiki, ipak biepu almagou pumnek. Ipak douk apanadi-yagulmu ali yek dodogowiwe atuwe yakli ipak imas punubu pupe atum boglom umu agundak pugipech Diginalimu.

Kolosi 3:13

Ali sapos ipak enen elpen enen balan nyupenyin umu agundak kipainyi nyenek enen yowenyimu enyen umu, enyen imas nyukli wosik umu nyusah enyebuk hevi. Ali enyen kobi nyunohwen umu enyebuk yowenyi pasin enyudak kipainyi elpen nyenekenyumen uli ali nyukwleyenyuk. Umu moneken, susubati Diginali nalik wo nunohwen umu apakin yowenyi e ali nokwleyenyuk. Douk namudak ali ipak chopuk imas punek namobuk atimu kipaichi.

Hibru 12:14

Ipak imas dodogowipu atipamu punu elpech pupe kalbu ali apaluh hlulu kalbu. Chopuk ipak imas dodogowipu atipamu pulau Diginali ananin yopinyi pasin umu punubu pupe ananipu atipu. Elpech douk wo chulau enyudak ananin pasin uli e eke kobi chutik anan, wak.