Matyu 4:12 - God Ananin Balan

¹² Abudak nyultab Jisas nemnek umu chowechik Jon nape haus kalabus ali naitak natanomu nanamu enyudak provins Galili.

Iruhin Ananin Baraen

¹² Abudok nyutob Jisas nemnek Jon da nonoweshik nape shunuweshik-ati urupat, aria anan nakitak natanam nanak agudok nahobig Galili.

Matyu 4:12 Iomraidhean Croise

Matyu 11:2

Anudak nenek baptaisumech uli Jon douk alikuk chowechikanu nape haus kalabus. Douk nemnek umu enyudak Krais nape neneken uli moul ali nakagas ananim disaipel hanak umu husalikanu enen balan.

Matyu 14:3

Susubati Herot natik ananinu owaninu Filip ananik almatok Herodias nahwok. Jon natik namudak ali naklipu Herot nakli, “Enyebuk douk nyablo lo, umu nyatulunu ananik almatok umu.”

Iruhin Ananin Yopinyi Baraen Mak Nenyem Iri 1:14

Douk Jon nenek kalabus napeik, ali Jisas nanamu provins Galili ali nape naklipech God ananin yopinyi balan.

Iruhin Ananin Yopinyi Baraen Mak Nenyem Iri 6:17

Anan nakli namudak umu moneken, seiwak Herot nanatulunu almatok ananinu owaninu Filip ali Jon nape naklipu Herot wolobaihi atih nakli, “Nyak nyablo God ananin lo umu nyanatulunu almatok nyakinu owaninamu!” Jon nape naklipanu namudak ali Herot nakagas ananim soldia hahwanu halawanu hanak henek kalabusumonu.

Iruhin Ananin Yopinyi Baraen Luk Nenyem Iri 23:5

Wakuli amam dodogowim atum hakli, “Anan nenek skulumech enen balan echech almam almagou ali nohul echechiluh apaluh umu chunu gavman chulpak. Enyudak douk nenyuhuli provins Galili ali nanak ihalub walub apak Isrel apakilub. Ali nameitu douk enyudak nyanak nyatogloli agundak.”

Iruhin Ananin Yopinyi Baraen Luk Nenyem Iri 3:20

Ali Herot wata chopuk nenek enen nyanubu yowenyimu nenek kalabus umu Jon umu.

Iruhin Ananin Yopinyi Baraen Luk Nenyem Iri 4:14

Ali God ananin Michin nyape Jisas nyenekanu dodogwinu ali anan wata natanamu nanamu provins Galili. Ali balan nyoweyeh nyanak gnanatimaguk enyudak provins umu enyudak Jisas neneken uli.

Iruhin Ananin Yopinyi Baraen Luk Nenyem Iri 4:31

Ali Jisas nanamu wabul Kapaneam douk blape provins Galili uli. Anan nanak natoglu ali ahudak nyumnah Sabat echech Juda moul wak, chape meyoh ahi hatoglu. Ali anan nape nenek skulumech umu God ananin balan.

Iruhin Ananin Yopinyi Baraen Jon Nenyem Iri 1:43

Wehluwih ali Jisas nakli nunamu enyudak provins Galili. Nanak douk nogwatu Filip ali naklipanu nakli, “Yowi nyugipech yek.”

Iruhin Ananin Yopinyi Baraen Jon Nenyem Iri 2:11

Ali enyudak douk nyanubu susubein dodogowinyi moul mirakel douk Jisas neneken uli. Neneken abuldak wabul Kana douk blape enyudak provins Galili uli. Neneken ali nagilapech umu agundak anan douk nanubu dodogowinu atunamu. Ali ananipu disaipel matulin monek bilip makli anan douk God ananinu Nuganinu.

Iruhin Ananin Yopinyi Baraen Jon Nenyem Iri 3:24

Ali ababuk nyultab, Herot douk watak nuwechik Jon nupe haus kalabus e, watak.

Iruhin Ananin Yopinyi Baraen Jon Nenyem Iri 4:43

Douk nape ablabuk wabul bieh nyumneh umu julug ali natukemabuluk nanamu provins Galili.

Iruhin Ananin Yopinyi Baraen Jon Nenyem Iri 4:54

Jisas douk anatukemaguk Judia nanaki nape Galili. Ali enyudakmali God atunu neneken uli moul douk nenek enyudak ali nyatoglu bien.