Matyu 27:2 - God Ananin Balan

² Haitak howechikanu onoh dodogowihwi naduh ali halawanu hanamu Pailat. Pailat anan douk nape nebenalimu gavman.

Iruhin Ananin Baraen

² Aria hakitak haweshikan onohw dodogoihwi maduhw aria haran hanam Pailat douk nape debeini gavman iri.

Matyu 27:2 Iomraidhean Croise

Matyu 20:19

Ali eke hulawemu amam douk wo Juda uli e. Hulawe ali amam eke huneke enen enen hiyokosue, huleye nadululuh umu julug ali eke hunek nyilimume lowag kruse ali igak. Wakuli huklimu bieh atuh nyumneh umu, yek eke wata itaki ipe.”

Matyu 28:14

Sapos Pailat douk nebenalimu gavman uli numnek enyudak balan ali nukli malmu, apak wosik eke munonu mugabe balan. Ipak balan eke kobi enen nyupenyipu, wak.”

Iruhin Ananin Yopinyi Baraen Luk Nenyem Iri 13:1

Ali ababuk nyultab, enech elpech chape agnabuk uli chaklipu Jisas umu agundak nebenalimu gavman uli Pailat nabo enech Galili chagak umu. Anan nach ababuk nyultab echech chape chenek ofamu enechi enech echudak choku God abali.

Iruhin Ananin Yopinyi Baraen Luk Nenyem Iri 20:20

Ali amam hape hatulugunmu anabu yopubali nyultab umu amam hugwatanu anagun ali adakio huwanu. Ali amam hakagasi anam almam hanaki hape hatulunu. Amudak almam douk nebemi hakagam hanaki uli, amam douk henek loh hakli amam adul duldulimi henek yopinyi atin uli. Amam hanaki hatik Jisas umu hunanu hiyagwleh umu hakli humnekanu nukli niyagwleh enen balan douk wo duldulinyi e ali amam huhwanu hulawanamu nebenalimu gavman umu provins Judia uli ali hunemanu kwot.

Iruhin Ananin Yopinyi Baraen Luk Nenyem Iri 23:1

Douk amam hemnek Jisas ananin balan umu julug ali amam hanatimaguk haitak halawanu hanamu Pailat douk nape nebenalimu gavman uli.

Iruhin Ananin Yopinyi Baraen Luk Nenyem Iri 23:12

Ali likuk Herot nanu Pailat isave henenemu birua. Wakuli hanubu ahabuk nyumnah Pailat nakagas Jisas nanamu Herot ahi, amam wata hanagabemu hape atugun.

Iruhin Ananin Yopinyi Baraen Luk Nenyem Iri 3:1

Ababuk nyultab Taibirias Sisa nape nebenalimu gavman umu Rom umu 15-poleich yohwleguh abali, Pontias Pailat nape nebenalimu gavman umu provins Judia. Ali Herot nape nebenalimu provins Galili, ali ananinu owaninu Filip nape nebenalimu bien provins, Ituria uli Trakonaitas. Ali Laisenias nape nebenalimu provins Abilini.

Iruhin Ananin Yopinyi Baraen Jon Nenyem Iri 18:12

Ali amudak soldia hanu amaminu nebenali soldia hanu amudak anam henek was umu God ananitu nebetali wilpat uli hasuh Jisas howechikanu.

Iruhin Ananin Yopinyi Baraen Jon Nenyem Iri 18:24

Ali ababuk nyultab Anas nakagas Jisas nanamu nanubu nebenali pris Kaiafas abali, ohudak naduh douk howechik Jisas ananich loguh umu douk wata hwolu.

Iruhin Ananin Yopinyi Baraen Jon Nenyem Iri 18:28

Ali aglupil atul echech Juda chaitak chatukemaguk Kaiafas ananitu wilpat chalau Jisas chanak. Chalawanu chanamu Pailat douk nape nebenalimu gavman umu Judia uli ananitu wilpat. Agagun douk watak aglupil ali chakli wak umu chuwich numun wilpat, wak. Chakli kedeke chuwich ali God nutulich nukli chanobosusih ali echech eke kobi chuwak agundak woligun Pasova, wak. Namudak ali douk cheyotuk aduk.

Aposel 12:6

Herot nakli wehluwih ali adakio nulawanu nutogloli aduk umu nunemanu balan. Ali ababuk wab, biam soldia heyotu wibul wobul ali Pita douk howechikanu biab senab nechuh olokohun. Amam soldia douk henek was heyotu duaitamu atudak kalabus chechuh atali wilpat.

Aposel 21:33

Anudak nebenali soldia nanamu Pol nahwanu ali nanalak umu ananim soldia howechikanu biab senab. Ali nasolikech nakli, “Anudak meinali alman ali nenek moneken?”

Aposel 22:25

Wakuli howechikanu neyotu umu hakli huleyanu enech echudak ali nohul yokwatu naklipu ananu nebenalimu 100-poleim soldia uli nakli, “Ati ipak pakli lo wosik nyaklipepamu pubo enen elpen echech Rom waka? Ipak douk watak puneme kot e ali palik poleye echudak. Enyudak pasin douk pakli penek duldulinyi, waka?”

Aposel 22:29

Ali ahudak atuh amudak soldia haklimu hubo Pol uli wata hatukemanaguk. Nebenali soldia natik umu Pol douk adukwechuk naklipam howechikanu neyotu. Chopuk nemnek umu Pol nakli anan douk ananu echech Rom ali anan nanubu elgeinu.

Aposel 24:27

Douk aliga biech yohleguh chanak chadiyuk ali Porsius Festas nalau Filiks ananin moul nape nebenalimu gavman. Filiks nakli nunek echech Juda chunehilau-manu, namudak ali natukemaguk Pol nonowechik napeik.

Aposel 28:20

Douk namudak ali dakio yenemepagu balan umu punaki itulipu ali iklipepu balan. Yek yenek bilip ali yape yatulugun umu anudak alman douk apak manatimaguk Isrel madukemech umu eke nutoglu ali mape matulugun-manu uli. Ali bawogenyumu balan umu anudak sen nolu yekis wis umu douk anamudak.”

Aposel 3:13

Apakim yamem Ebraham nanu Aisak uli Jekop amaminu God nagapechanu yopunu ali dakio nalahe. God nenek enyudak ali natuk ananinu nuganinu Jisas douk nenekumanu moul uli ananin yeul nyakih. Ali douk nanubu anabuk Jisas douk pahwonu poku amam birua umu hunak honu nugak. Pailat anudak nebenalimu gavman uli douk nakli nukwechihanu nunak fri, wakuli wak. Panubu pakanaguk agabus pakli wakanu.

Aposel 4:27

Ali aduligu atugu, nubuwakih amudak biam nebemimu gavman uli, Pontias Pailat nanu Herot douk hanaki howachabal hape atugun. Hanu echech Isrel chanu enech elpech douk echech wo Juda uli e alagun. Chowachabal chape abuldak wabul Jerusalem ali chowechik balan umu chichagiyuk Jisas. Anudak yopunali alman douk seiwak nyatalihanu ali nasuh nyakin moul uli.

Aposel 9:2

ali nasolikanu nenekumanu wolobaisi pas umu amam nebemi umu echech Juda chape cheyagwleh balan ogwi wilag gani Damaskas ali nakaneyas nahwas nanak. Balan nyetemu asudak pas uli douk nyakli wosik umu Sol nuwich Damaskas ali nukli nugwatu enech almam o almagou douk chagipech ahudak yah Jisas ananih chupe agnabuk umu, anan wosik nuhwech nuwechikech ali wata nulawech umu Jerusalem.

1 Timoti 6:13

Seiwak bawagas umu, God nokwalmu chanatimaguk enechi enech chape iluh atap uli ali echech dakio chape. Ali likuk Krais Jisas douk naklipech yopinyi balan yopugunmu ali anudak nebenalimu gavman uli Pontias Pailat nemneken ali nenek kotumanu. Ali nameitu anudak God nanu Krais Jisas hatuluhwu amamis nabes ali yek yakli iklipenyu enyudak balan umu nyumneken ali nyugipechen. Nyak imas nyupe duldul umu kobi enech elpech chukli nyak yowenyali, wak. Nyak nyunubu nyuhwen dadag God ananin balan nyugipechen ali nyunek namudak ati aliga nyunak nyutoglomu ahabuk nyumnah apakinu Diginali Jisas Krais nutanamali ahi.

2 Timoti 2:9

Wakuli enech elpech chakli wak umu yek iklipech enyudak balan umu ali echech cheneke yemnek nebehi nyih. Ali chowechike senab kobi douk chowechik chenek yowenyi uli elpech umu. Echech cheneke namudak wakuli echech wo dodogowich umu chubo God ananin balan nyubihuk e, wak. Enyen nyalahe nyeyatak walub.

Hibru 13:3

Ipak imas ulkwip pulomu God ananich elpech douk chonowechik chape haus kalabus uli. Ipak douk punech pusah hevi kobi ipak chopuk panech ponowechik papemu. Elpech douk birua chenekech anagu chalau nyih uli, echebuk ipak imas ulkwip pulomech ali pugakomech. Ipak imas punek tin pukli enyudak douk kobi ipak panech pemnek nyih umu.