Matyu 1:1 - God Ananin Balan

¹ Jisas Krais ananich popech yamech echechiguh yeguh douk oguhudak: Jisas ananinu yamenu Devit. Devit ananinu yamenu Ebraham.

Iruhin Ananin Baraen

¹ Jisas Krais ananish popehesh yamehesh esheshish nyeiguhw douk eshudok. Jisas ananin yamenen Devit. Devit ananin yamenen Abraham.

Matyu 1:1 Iomraidhean Croise

Matyu 1:18

Jisas Krais naitak umu douk namudak. Ananik mamakik Maria douk chasonukok umu Josep. Echech douk watak chunosupu e ali God ananin Michin nyanaki nyawichok ali chatik umu okwok douk apahwik.

Matyu 1:2

Ebraham ananinu nuganinu Aisak. Aisak ananinu nuganinu Jekop. Ali Jekop douk nololi Juda nanu ananim owahlim.

Matyu 15:22

Ali onok almatok echech Kenan douk kwape agnabuk. Okudak almatok kwanaki halakatimu Jisas ali kwohwalu nebegun kwakli, “O Diginyali, Devit ananinu Yamenu, nyak nyukli mapiliwe yek. Enen sagabu douk nyape yekik nugawik ali nyenekok kwanubu kwape sisahw.”

Matyu 3:16

Douk Jon nenek baptaisumanu julug, ali nanubu natukemaguk abal nalto buknap. Nakih ali ahudak atuh natik umu iluh utagu genek op ali natik God ananin Michin nyagluki kobi enyudak almin manyun umu nyabihi nyape Jisas.

Matyu 9:27

Jisas natukemaguk ablabuk wabul nape nanak ali biom nabes sechukomi almom hagipechanu hape hohwalu hanak hakli, “Nya Devit ananinu yamenu, nyak nyukli mapilihu ohwak.”

Iruhin Ananin Yopinyi Baraen Luk Nenyem Iri 1:33

Ali eheh nyumneh anan eke nupe nebenalimu Jekop ananich popech yamech. Anan eke nupe nebenalimu ananich elpech namudak ati eheh nyumneh.”

Iruhin Ananin Yopinyi Baraen Jon Nenyem Iri 7:42

Umu moneken, balan nyetemu God ananik buk uli nyakli Krais eke nitak apudak Devit ananip awilop, ali mamakik eke kunalali abuldak wabul Betlehem douk seiwak King Devit napemu.”

Aposel 2:30

Anudak Devit anan douk ananu profet. Namudak ali nadukemu enyudak God ananin balan, douk nalimu iluh nakli adul atimu eke nunek ananu anan Devit ananinu yamenu nutoglu king kobi anan Devit umu.

Apudok Shup Douk Pol Nenekap Panam Eshesh Rom Iri 1:3

Enyudak balan douk nyaklimu God ananinu nuganinu, apakinu Diginali Jisas Krais. Anan douk nalau elpenyihw yegenyihw natoglu elpen ali naitak king Devit ananip awilop.

Apudok Shup Douk Pol Nenekap Panam Eshesh Rom Iri 4:13

Seiwak God naklipanu enen adulin atinyi balan Ebraham. Naklipanamu eke nukanu ihab amnab anan Ebraham nunu ananich bahlagas douk kwali chugikuk chutogloluli umu chuneglemab. Ali tik, Ebraham douk wo nugipech enyudak lo ali dakio God natulunu naklipanu enyudak ananin adulin atinyi balan e, wak. Anan douk nasuh God ananin balan dadag nagipechen ali God natulunu nohwalanu duldulinu alman. Anan douk nenek enyudak ali God dakio naklipanu enyudak balan.

Apudok Shup Douk Pol Nenekap Panam Eshesh Rom Iri 9:5

Echech douk chaitak amudak yeguh hwakihami nebemi popem yamem amamip awilop. Krais anudak alman God nakaganu nanakili, anan douk nanaki natoglu elpen ali naitak echech Isrel. Anan nape Nebenalimu ihechumali echudak. Anan douk nanubu aduligeinu God ali yakli wihluwehlu apak imas mutuk ananin yeul nyukih. Aduligu atugu.

Galesia 3:16

Enyudak adulin atinyi balan, God douk naklipu Ebraham nanu enen ananin bahlen. God ananik buk douk wo kwuklimu wolobaichi elpech e. Wo kwukli, “Nyak nyunu nyakich bahlechich” e, wak. Wakuli God ananik buk kwakli, “Nyak nyunu enen nyakin bahlen.” Enyudak balan douk nyakli atin elpen. Ali enyudak elpen douk Krais.

1 Timoti 2:5

Ali apak madukemech umu douk nanubu atunu meyoh God nape. Ali apak manatimaguk elpech mape wobul ali anan nape wobu. Ali nanubu atunu meyoh alman nape olokohun umu apak ali nanukapu manak halakatimu God. Anan douk Krais Jisas.

2 Timoti 2:8

Ali nyak imas nyunek tin umu Jisas Krais, king Devit ananinu yamenu. Anan douk chanu nagak wakuli God wata nanahul naitak nape kobi douk God ananin yopinyi balan yek yaklipech-enyi nyaklimu.

Revelesen 22:16

Ali douk yek Jisas yakagasu enyudak yekin ensel nyanakumogu ipak ali nyaklipepamu enyudak enenyi enen douk nyetemu okwudak buk uli ipak God ananipu elpech. Yek douk Devit ananiwe bahlaninu douk yaitaki ananip awilop uli. Ali yek douk okwudak unuk douk kwonohwalomu kwaginech uli.”