Biblia Todo Logo
Bìoball air-loidhne

- Sanasan -




Iruhin Ananin Yopinyi Baraen Luk Nenyem Iri 4:7 - God Ananin Balan

7 Ali sapos nameitu nyak nyuduk ohlubus nyunek lotumemu, yek eke ikenyu chunatimaguk echudak.”

Faic an caibideil Dèan lethbhreac

Iruhin Ananin Baraen

7 Aria ta douk nyak nyuduk ohrubus nyunek lotume um, eik ta iken ihishmorim eshudok eneshenesh.”

Faic an caibideil Dèan lethbhreac




Iruhin Ananin Yopinyi Baraen Luk Nenyem Iri 4:7
11 Iomraidhean Croise  

Aliga douk hanak hawich atudak wilpat ali hatik nuganinu nanu mamakik Maria chape. Ali habih hoduk ohlubus hatau atap henek lotumanu. Ali hejik amamis paus hatuki echudak hatalichi nebebali utabal uli hakanu. Hakanu gol lanu paura nyeih yopuli yabil douk chohwaklen umu frankinsens uli chanu enen yopinyi sanda yeulinyumu mer.


Ali nanak nabih nogwohebil nakus atap halakatimu Jisas neyotumu ali nenek tenkyumanu. Anudak alman, anan douk ananu echech Sameria.


Ali Satan naklipanu nakli, “Yek eke ikenyu enyudak nyunatimaguk kantri nyunu enechi enech yopichi echudak chunu elpech chape enyudak kantri uli. Ali nyak eke nyulau namba umu nyak atinyu nyunek bosumu chunatimaguk enechi enech echudak chunu elpech chape nyanatimaguk enyudak kantri uli. Chanatimaguk echudak echech douk aseiwak yanalawech yenek bosumech. Ali nameitu yek ikli iku enen elpen umu, yek eke iken.


Wakuli Jisas wata naklipanu nakli, “Balan nyetemu God ananik buk uli douk nyakli namudak, ‘Nyak nyunek lotumu Diginali nyakinu God ali nyusuh ananin atin moul.’”


Ali yek Jon, yek yet yemnek nyanatimaguk balan ali yatik chanatimaguk echudak douk yechemu okwudak buk uli. Ali douk yemnek enyudak balan ali chopuk yatik echudak chanatimaguk iyuh ali yabih yoduk ohlubus halakatimu enyudak ensel douk dukwechuk nyape nyogilape chanatimaguk echudak uli enyenyiluh yaliluh ali yakli inek lotumen.


Douk enyen nyatuluneyok wakuli echudak 4-poleich dodogowichi douk michich choleyech uli chanu amudak 24-poleim nebemi chabih choduk ohlubus chakus halakatimu Nugan Sipsip ali chenek lotumen. Ali hanatimaguk amudak nebemi hahwech silisili ati enech echudak kobi gitahas umali chanu anas dis douk chenekas gol uli. Asudak dis douk chuknis umu enyudak paura douk enyenyig nyugus gweih kalbaluli. Enyudak paura douk nyakli woblen balan umu beten douk God ananich elpech chape cheneken uli.


Lean sinn:

Sanasan


Sanasan