Iruhin Ananin Yopinyi Baraen Luk Nenyem Iri 1:6 - God Ananin Balan

⁶ Ali God natulich umu, echudak biech douk chanubu chape duldul. Echech chanubu chagipechen cheyaten Diginali naklipech enyi balan nyanu lo seiwak nakaguk Moses enyi.

Iruhin Ananin Baraen

⁶ Aria Iruhin natrish um, eshudok biyesh shagipesh lo atin abom iri biyesh shape. Eshesh shagipeshen sheyaten um Debeini nakripesh-enyi baraen nyani lo seiwok nakoguk Moses enyi.

Iruhin Ananin Yopinyi Baraen Luk Nenyem Iri 1:6 Iomraidhean Croise

Iruhin Ananin Yopinyi Baraen Luk Nenyem Iri 1:7

Ali echech douk batowich wakech. Umu moneken, Ilisabet kipik. Ali echech biech douk chanubu jugwahech.

Iruhin Ananin Yopinyi Baraen Luk Nenyem Iri 16:15

Ali Jisas naklipam nakli, “Ipak pakli punek ipakin yopinyi pasin agundak kipaichi elpech chapemu umu chutulipu ali chuhwalepu duldulipali elpech. Wakuli God douk anadukemu ipakip ulkwip polu panak umu. Echebuk douk elpech chatulich ali oub banubu baitakumech uli, echebuk douk God natulich nakli chanubu yowechi.

Iruhin Ananin Yopinyi Baraen Luk Nenyem Iri 2:25

Ali ababuk nyultab, ananu alman douk chohwalanamu Simion uli nape Jerusalem. Anan nanubu duldulinali alman ali isave nenek lotumu God. Ali anan isave nape natulugunmu alman douk God natalihanu nakaganu nanamali nunolau echech Isrel chupe kalbaluli. Ali Simion, God ananin Michin douk nyawichanu ali nyapenyunu.

Aposel 2:25

Seiwak king Devit douk nakliyuk enyudak balan umu Jisas. Nakli, ‘Yek yatik Diginali nane halakati eheh nyumneh. Neyotu nagime agundak onuwemu ali eke kobi elgeiwe ikli inehekich umu enech echudak, wak.

Aposel 23:1

Pol neyotu natulum duk amudak nebemi Juda isave hape hasuh kwotog uli ali naklipam nakli, “Yekipu sahlim, yekih nyumneh yape yenek moneken pasin o moul aliga doumeih ali God natuluwemu, yekim ulkum douk manubu molu duldul.”

Aposel 24:16

Namudak ali wihlu wehlu yek dodogowiwe atuwe yenek duldulin pasin ali ulkum molu wo ikli yek yenek enen yowenyi e, wak. Yakli wak umu inek enen pasin ali God nunu elpech chutuliwe chukli yenek yowenyi, wak.

Aposel 8:21

Nyak kobi nyunaki nyunapu suhsuh umu nyukli nyugakamapamu enyudak God ananin moul, wak. Umu moneken God natulinyamu, nyakigun numun douk gnanubu gnanobosusih.

Apudok Shup Douk Pol Nenekap Panam Eshesh Rom Iri 8:4

God nagakomapu namudak umu nameitu apak munubu mugipechen miyaten enyudak duldulin pasin douk lo nyaklimu apak muneken uli. God nenekumapu enyudak apak douk wo mupemu mugipech enyudak nyalik nyapenyu-paluli yowenyi pasin uli e. Anan douk neneken umu apak douk mapemu magipech enyudak God ananin Michin nyaklipapu enyili.

1 Korin 11:2

Wihlu wehlu ipak ulkwip polomu yek ali pahwen dadag pagipechen yekin balan douk yaklipepeyen uli. Douk namudak ali nameitu yek yenehilau-mepu yatuk ipakich yeguh chakih.

2 Korin 1:12

Yek isave yanahlagul umu enyudak atin. Enyudak. Yekim ulkum molu duldul ali yanubu yadukemech umu yek isave yenek aduligeinyi nyanu duldulinyi pasin. Yanu ipak mape abali douk yeneken yalikuk. Enyudak pasin, yek douk wo igipech apudak atapichi elpechin save ali dakio ineken e, wak. Enyen douk nyanamali God atunu. Anan douk nagakome meyoh ali neyohul yeneken.

Filipai 2:15

Punek namudak umu eke punubu pupe duldul ali kobi enen balan nyupenyipu, wak. Umu eke punubu pupe God ananipu yopiyopipali batowich ali kobi punek yowenyi. Ali ipak imas pugilapu elpech umu chupe kalbu. Sapos punek namudak umu, ipak eke pupe kobi lait umu puglak agundak apudak atapichi elpech chapemu. Ehudak nyumneh ipak pupe kobi lait umu abali, ipak douk puklipech enyudak God ananin balan umu chumneken ali chugipechen. Sapos chugipechen umu, enyen eke nyugakomech umu chupe kalbu apudak atap ali kwali chopuk eke chupe eheh nyumneh. Apudak atapich elpech douk chakli wak yopinyi pasin ali chapemu chenek wo duldulin uli e pasin. Ipak punek namudak umu, ahudak nyumnah Krais nutanamali ahi hunak hutogloli ali yek eke inehilaumepu. Ali eke idukemech namudak. Yek douk yenek enyudak nebenyi moul umu yagakomepu ali wo iul ouchibal meyoh e, wak.

Kolosi 1:22

Wakuli nameitu Krais nalau elpenyihw yegenyihw ali chanu nagak. Ali God nanalawepu patanamu pape ananipamu agundak Krais nagak umu. Umu anan nunalawepu punak umu anan napemu ali pupe duldulipali elpech. Ali anan kobi nutik enen balan nyupenyipu, wak.

1 Tesalonaika 3:13

Ali chopuk yakli apakinu Diginali nugakomepu nunekepu dodogowipu numun ipakiluh apaluh ali piyotu dadag. Anan nunekepu namudak umu ahabuk nyumnah apakinu Diginali Jisas nunali chunatimaguk ananich elpech chunaki ahi, God apakinu Aninu eke nutulipu ali nukli ipak balan wak enen nyupenyipu e ali pape ananipu atipu.

2 Pita 3:14

Wakuli ipak yekipu elpech douk yek ulkum manubu manohwepaluli douk pape pobeyagunmu echudak. Douk namudak ali ipak imas punek moul dodogowipu atipamu God nutulipamu, anan kobi nutik enen yowenyi nyupenyipu ali nukli ipak yopipali. Ali punu anan pusuh atin tinytin ali ipakiluh apaluh hlulu kalbu.

1 Jon 2:29

Ipak douk wosik padukemech umu Krais anan douk nanubu duldulinali yopunali alman. Namudak ali ipak douk pudukemech namudak. Chunatimaguk elpech chunek yopinyi atin uli, echech douk chanubu chatoglu God ananich batowich.

1 Jon 2:3

Sapos apak mukli mugipech God ananin lo umu, namudak douk munubu mudukemech namudak. Apak adul manubu madukemanu kalbu God.

1 Jon 3:7

Yekipu elpech, ipak pugamu punek yologi. Kedeke enen elpen nyunek lohumepu ali pugipechuk kipainyi balan. Elpech chapemu chenek yopinyi atin uli, echech douk chanubu duldulich kobi Krais anan nanubu duldulinamu.