Iruhin Ananin Yopinyi Baraen Jon Nenyem Iri 2:4 - God Ananin Balan

⁴ Ali Jisas naklipok nakli, “Nya, kobi nyuklipemu inek enech echudak, wak. Yekibu nyultab umu inek enyudakmali moul umu douk watak bunaki e, watak.”

Iruhin Ananin Baraen

⁴ Aria Jisas nakripok namudok, “Nya, nyak yopukwi armatok mare nyukrip eik um inek enesh eshudok uwe, uwok. Eikib nyutob um inek enyudokmorim mour um douk watak bunaki uwe, uwok.”

Iruhin Ananin Yopinyi Baraen Jon Nenyem Iri 2:4 Iomraidhean Croise

Matyu 15:28

Jisas nemnek namudak ali nebemok balan nakli, “Nya, nyak douk nyanubu nyenek bilip umu yek. Namudak ali enyudak nyak nyaklimu inekenyumenyu uli douk yakli nyutoglomenyu.” Ali banubu ababuk nyultab okwokwik nugawik wata yopuk.

Matyu 8:29

Ali hohwaloli Jisas nebegun atugun hakli, “Hei, God ananinu Nuganinu! Nyak nyakli nyunekapu malmu apak? Duldulibu nyultab umu nyopu mulau nyih umu douk watak butoglu e, wak. Wakuli nyak douk nyanamali agundak umu nyopu mulau nyih, waka?”

Iruhin Ananin Yopinyi Baraen Luk Nenyem Iri 2:49

Ali Jisas nebemech balan nakli, “Ipak pape paulimemu moneken? Ipak eke padukemech waka wak? Yek imas ipe yekinu Aninu ananitu wilpat.”

Iruhin Ananin Yopinyi Baraen Jon Nenyem Iri 12:23

Haklipanu ali anan nebemom balan nakli, “Abudak nyultab umu God nunek Yek Anudak Alman douk yatoglu aduligeinyi elpen uli ilau nebenyi yeul umu douk abudak abatoglu.

Iruhin Ananin Yopinyi Baraen Jon Nenyem Iri 13:1

Ahudak nyumnah umu chunek agundak nebeguni woligun Pasova umu douk ahanaki halakati. Ali Jisas douk anadukemech umu abudak nyultab eke nutukemaguk apudak atap nunak nunu Aninu hupemu douk abanaki. Ali abudak nyultab anan napemu, ananim ulkum douk manubu manosuh manatimaguk ananipu elpech douk mape apudak atap uli aliga nagak. Ali nameitu chopuk anan wata ulkum manohwopu ati.

Iruhin Ananin Yopinyi Baraen Jon Nenyem Iri 2:3

Douk aliga chawak wainibal abal cheyatabal ali Jisas ananik mamakik kwaklipu Jisas kwakli, “Wainibal abal douk chabalah cheyatabal.”

Iruhin Ananin Yopinyi Baraen Jon Nenyem Iri 20:13

Ali chasolikokwi chakli, “Nyak nyape nyeleh umu moneken?” Ali okwok kwakli, “Enech chanaki chohul yekinu Diginali chalawanu chanak. Chalawanu ali yek douk wo idukemu agundak chanak chanabuk umu e, wak.”

Iruhin Ananin Yopinyi Baraen Jon Nenyem Iri 20:15

Ali Jisas nasolikok nakli, “Nya, nyak nyape nyeleh umu moneken? Ali chopuk douk nyape nyaulimu omuni?” Douk nasolikok namudak ali okwok kwakli anan eke nenek moul agnabuk yawihas uli. Namudak ali kwaklipanu kwakli, “Nebenyali, sapos nyak nyunahul nyunak nyunabukuk anagun umu, nyak wata nyuklipemogun ali inak inahuli.”

Iruhin Ananin Yopinyi Baraen Jon Nenyem Iri 7:30

Douk nakli enyudak balan ali amam nebemi hakli huhwanu hunak huwechikanu nupe haus kalabus. Wakuli wo kwalowi ananu nuwemeyanu wis e, wak. Umu moneken, abudak nyultab douk eke chonu nugak umu douk watak butoglu e.

Iruhin Ananin Yopinyi Baraen Jon Nenyem Iri 7:6

Jisas nemnekam ali nakli, “Yekibu duldulibu nyultab umu inak umu douk watak butoglu e, watak. Hanatimaguk nyumneh eheh douk ipakih. Ipak pukli punak umu, orait ipak douk wasik iken punak meibali nyultab ipak pakli punak umu. Yek watak.

Iruhin Ananin Yopinyi Baraen Jon Nenyem Iri 7:8

Ipak atipu wasik punamu agundak nebeguni woligun. Yek eke kobi kebes inaku watak. Umu moneken, yekibu duldulibu nyultab umu inak umu douk watak butoglu e, wak.”

Iruhin Ananin Yopinyi Baraen Jon Nenyem Iri 8:20

Jisas naklipech enyudak balan abudak nyultab nape nenek skulumech God ananin balan abali. Naklipechen numun banis agundak God ananitu nebetali wilpat tatawomu halakatimu amudak rum douk chobuk ofain mani nyakus umu. Nape naklipech ali wak anam almam hitak huhwanu hunak hunekumanu balan e, wak. Umu moneken, ananibu nyultab umu chonu nugak umu douk watak bunaki e.

2 Korin 5:16

Namudak ali nameitu apak douk wo mupemu mugipech chapemu chagipech apudak atapinyi pasin uli echechin tinytin ali munek skel umu enech elpech echechin pasin e, wak. Adul, likuk apak douk magipech enyudakmali tinytin ali mape mechakomech umu mudukemu Krais ananin pasin, wakuli nameitu awak mugimah namobuk ati e, wak.