Iruhin Ananin Yopinyi Baraen Jon Nenyem Iri 11:41 - God Ananin Balan

⁴¹ Namudak ali echech chanak chahinoguk amudak utam. Ali Jisas nanigu natik iluh ali nakli, “Aninu, yek douk yenek tenkyumenyu. Umu moneken, nyak douk anyemnek yekin beten.

Iruhin Ananin Baraen

⁴¹ Namudok aria eshesh shanak shabodiguk amudok utom. Aria Jisas nanig natik iruhw aria nakri, “Yain, eik douk yenek tenkyumen. Um maresh? Nyak douk nyemnek eikin beten.

Iruhin Ananin Yopinyi Baraen Jon Nenyem Iri 11:41 Iomraidhean Croise

Matyu 11:25

Ali ababuk nyultab, Jisas nakli namudak. Nakli, “O yekinyu Aninu Diginyalimu iluh atap uli, yek douk yenek tenkyumenyu. Umu monoken, nyak douk nyobechuk bawogen umu nyakin balan umu echebuk douk chanubu chadukemech uli chanu chalau wolobainyi save uli, wakuli nyak wata nyagilapu echudak atich douk chape kobi chokwichi batowich ulimu.

Matyu 11:26

Adul Aninu, nyak douk nyagipech nyakin atin laik ali nyenehilau nyenek namobuk.”

Matyu 27:60

Ali nanak nawich nonowemaguk numun onoh namuhwi hulupihw. Ohudak hulupihw douk nobowokih ati anan Josep yet nenekah onok bulbuduk. Nanabukuk ali nahinali amam nebemi utam nanaki nagahuk ohudak hulupihw ali nanak.

Iruhin Ananin Yopinyi Baraen Mak Nenyem Iri 15:46

Ali Josep nanak natal anah yopuhi chogalihwihi lupah nahwoh ali nanak nobleli Jisas lowag kruse nabihi atap nechlehanu ali nanak nanugomonu. Anan nanak nawich nanabuk numun onohw hulupihw douk chalagun chenekoh onok bulbuduk uli. Douk nawich nanabukuk ali natoglu nahinali anam nebemi utam nanaki nechopom nagahuk ohwudak hulupihw.

Iruhin Ananin Yopinyi Baraen Luk Nenyem Iri 10:21

Ali ababuk nyultab God ananin Michin nyenek Jisas nanubu nenehilau ali nakli, “Yekinyu Aninu, Diginyalimu iluh atap uli! Yek yenehilau ali yatuk nyakin yeul nyakih. Umu moneken, nyak nyobechuk bawogen umu nyakin pasin uli balan umu echudak elpech douk chakli echech chanubu chadukemech ali chalau wolobainyi save uli. Wakuli nyak wata nyagilapu echudak kobi douk chokwichi batowich ulimu. Adul Aninu, nyak douk nyagipech nyakin atin laik ali nyenehilau nyenek namudak.”

Iruhin Ananin Yopinyi Baraen Luk Nenyem Iri 18:13

Wakuli anudak nalau takis uli neyotuk lougun ali wo kwalowi nipuhul nutik iluh heven e, wak. Anan neyotu ali nape naguduk mehekog ali nakli, ‘God, yek yenek enenyi enen yowenyi uli. Nyak nyukli mapiliwe!’”

Iruhin Ananin Yopinyi Baraen Luk Nenyem Iri 24:2

Douk owo wanak watoglu ali watik umu amudak utam douk chagah hulupihw Jisas nakus umu douk amatihanu manak makusuk algas.

Iruhin Ananin Yopinyi Baraen Jon Nenyem Iri 11:22

Wakuli nameitu douk chopuk yadukemech umu, monekech echebuk douk nyak nyunek beten nyusolik God umu nukenyeyech uli, anan eke nukenyeyech.”

Iruhin Ananin Yopinyi Baraen Jon Nenyem Iri 17:1

Douk Jisas nakliyuk enyudak julug ali nepuhul natik iluh heven ali nenek beten nakli, “Yekinyu Aninu, abudak nyultab umu yek igak umu abudak abatoglu. Ali nyak nyutuk yekin yeul nyukih umu yek nyakiwe Nuganinu chopuk eke ituk nyakin yeul nyukih.

Iruhin Ananin Yopinyi Baraen Jon Nenyem Iri 20:1

Ali wehluwih aglupil ahudak susubeih nyumnah umu wik, wata yomotokweh ali Maria douk kwanaki Makdala uli kwaitak kwanak umu kutik hulupihw agundak hanugomu Jisas umu. Douk kwanak wakuli kwatik umu amudak utam douk hechosom umu hagah nuguhigamu iwagaluli douk wo mutaku nuguhigamu e, wak. Manak makusuk algas.

Aposel 7:55

Wakuli Stiven douk nanubu chukninamu God ananin Michin uli, ali nepuhul natulugun duk iluh heven. Natulugun ali natik umu agundak God napemu douk gnanubu dudukagun gnaglak gnape anagun sik. Ali natik Jisas neyotu agundak God ananin anin logul umu.

Filipai 4:6

Ipakich michich kobi yowech umu enech echudak, wak. Wakuli enechi enech echudak chukli chutoglo-mepamu, ipak imas punek beten pusolik God. Pusolikanamu eke nugakomepamu echudak douk ipak pukli nugakome-pamech uli. Punek beten pusolikanu ali punek tenkyumanu.