Iruhin Ananin Yopinyi Baraen Jon Nenyem Iri 11:4 - God Ananin Balan

⁴ Douk Jisas nemnek namudak ali nakli, “Bawogas umu agudak sik ganamu douk wo gonomu nunubu nugak e, wak. Agag douk ganamu elpech chutik God ananin strong ali chutuk anan nunu yek ananiwe Nuganinu ohwakich yeguh chukih.”

Iruhin Ananin Baraen

⁴ Douk Jisas nemnek namudok aria nakri, “Baugos um ehudok arugeh han um douk madae hon um adur nugok uwe, uwok. Eheh douk han um arpesh shutik Iruhin ananin dodog aria shutuk anan nini eik ananin Nuganin ohwakish nyeiguhw shuto iruhw.”

Iruhin Ananin Yopinyi Baraen Jon Nenyem Iri 11:4 Iomraidhean Croise

Iruhin Ananin Yopinyi Baraen Jon Nenyem Iri 10:38

Wakuli yek douk adul yenek ananin moul. Ali sapos ipak pukli wak umu punek bilip umu yek umu agundak yakli yek douk God nekege yanakumali, orait ipak douk patuliwe yenek wolobainyi God atunu neneken uli moul nyatoglu ali douk deke punek bilipume. Punek namudak umu ipak punubu pudukemech umu Aninu nape yek ali yek yape anan.”

Iruhin Ananin Yopinyi Baraen Jon Nenyem Iri 11:40

Wakuli Jisas naklipok nakli, “Yek douk adukwechuk yaklipenyu. Sapos nyak nyusuh yekin balan nyukli adulin umu, nyak douk eke nyutik agundak God nanubu dodogowinu atunamu.”

Iruhin Ananin Yopinyi Baraen Jon Nenyem Iri 12:28

Aninu, nyak nyunek enyudak nyunatimaguk moul kobi nyak nyaklimu. Nyuneken umu nyunotuk nyakin yeul nyukih.” Douk Jisas nakli namudak ali anagu nigu ganaki gani iluh heven. Ali enyudak nyeyagwlehili elpen nyakli, “Yek ayatuk yekin yeul nyakih. Ali douk eke wata chopuk igamu ituken nyukih anah alagun.”

Iruhin Ananin Yopinyi Baraen Jon Nenyem Iri 17:1

Douk Jisas nakliyuk enyudak julug ali nepuhul natik iluh heven ali nenek beten nakli, “Yekinyu Aninu, abudak nyultab umu yek igak umu abudak abatoglu. Ali nyak nyutuk yekin yeul nyukih umu yek nyakiwe Nuganinu chopuk eke ituk nyakin yeul nyukih.

Iruhin Ananin Yopinyi Baraen Jon Nenyem Iri 17:10

Chanatimaguk nyakich elpech douk yekich. Ali chanatimaguk yekich elpech douk nyakich. Ali kipahechi chatik echudak ohwakich elpech ali chadukemech umu agundak yek yanubu dodogowiwe otuwe ali yaglak umu.

Iruhin Ananin Yopinyi Baraen Jon Nenyem Iri 17:5

Aninu, nyak douk wata nyunek apudak atap e, wakuli yek douk ayanu nyak wape ali nyeke nebenyi yeul nyeneke yanubu yahiyatik. Ali nameitu yek yakli nyak wata nyuke enyudak atin nebenyi yeul nyuneke inubu ihiyatik kobi likuk susubati nyekeyen umu.

Iruhin Ananin Yopinyi Baraen Jon Nenyem Iri 2:11

Ali enyudak douk nyanubu susubein dodogowinyi moul mirakel douk Jisas neneken uli. Neneken abuldak wabul Kana douk blape enyudak provins Galili uli. Neneken ali nagilapech umu agundak anan douk nanubu dodogowinu atunamu. Ali ananipu disaipel matulin monek bilip makli anan douk God ananinu Nuganinu.

Iruhin Ananin Yopinyi Baraen Jon Nenyem Iri 5:23

Anan douk nenek namudak umu chunatimaguk elpech eke chutuk yekin yeul nyukih kobi chatuk yekinu Aninu ananin yeul umu. Ali enyebuk elpen douk wo nyutuk yek ananiwe nuganinu yekin yeul uli e, enyen douk wo nyutuk yekinu Aninu ananin yeul e, douk nakagasi yek yanakili, wak.

Iruhin Ananin Yopinyi Baraen Jon Nenyem Iri 8:54

Ali Jisas wata nakli, “Sapos yek ipemu ituk yekin yeul nyukih ele, yek deke itoglu yeul wakeli alman meyoh. Wakuli Anudak natuk yekin yeul nyakih uli douk yekinu Aninu. Nanubu anudak douk ipak pakli puhwalanamu ipakinu God uli.

Iruhin Ananin Yopinyi Baraen Jon Nenyem Iri 9:24

Ali amam hohwalu anudak nabes sechukanali anah alagun ali hasolikanu hakli, “Nyak nyulimu God ananin yeul umu kadak nyak eke nyukli adulin atin balan! Apak madukemech umu, anudak alman nagabemenyu nabes uli douk ananu nenek enenyi enen yowenyili.”

Iruhin Ananin Yopinyi Baraen Jon Nenyem Iri 9:3

Douk amam hasolikanu namudak ali Jisas nakli, “Anan nabes wo sichukanamu yowenyi anan nanu ananich mamechich echechin e, wak. Anan douk nabes sechukanamu yek igilapu elpech umu agundak douk God deke wata nugabeyanamu.

Apudok Shup Douk Pol Nenekap Panam Eshesh Rom Iri 11:11

Namudak ali yakli isolikepu chopuk. Agundak echech Juda chagoul umu, ati douk eke chanubu chanak chawichuk waka? Aduligu atugu wak. Echech douk chatukemaguk yah chenek yowenyi. Namudak ali God dakio wata nagakomu kipahechi wata nanalawech chatanamali chape kalbu. Nenek namudak umu nakli echech Isrel chutulunamu nagakomu kipahechi namudak ali chunek hinyigimech.

Filipai 1:11

Ali yakli ipak punubu punek yopinyi atin pasin douk Jisas Krais atunu deke nunekepu puneken uli. Ipak punek namudak umu wolobaichi chutulipu ali chunepu putuk God ananin yeul nyukih pukli anan nanubu nebenali.

Filipai 1:20

Yekin tinytin douk yanubu yakli adul umu God eke nugakome ali inek ananin moul abali, ablan eke kobi enen nye, wak. Yek yakli ipe dodogowiwe ali iklipech umu nameitu inubu ituk Krais ananin yeul nyukih kobi likuk umu. Sapos yek ipe o igak umu, yek yanubu yakli ituk Krais ananin yeul atin nyukih nebenyi.

1 Pita 1:21

Ali nameitu anan nagakomepu ali ipak penek bilip umu God douk nohuli Krais naitaki iwagu ali natuk ananin yeul nyakih uli. Namudak ali ipak dakio panubu penek bilip umu God padukemech umu anan atunu eke wata nulawepu pupe kalbu.

1 Pita 4:11

Sapos enen elpen nyulau enyudak presen umu nyuklipech God ananin balan umu, enyen imas nyuklipech God ananin balan atin. Ali sapos enen elpen nyulau enyudak presen umu nyugakomu kipaichi elpech umu, enyen imas nyuneken kobi douk God nagakomen neneken dodogowin nyeneken umu. Ipak punek namudak umu, chunatimaguk elpech eke chutik enyudak nyunatimaguk yopinyi moul ali eke chutuk God ananin yeul nyukih umu Jisas Krais ananin yeul. Nebenyi yeul nyanu nebenyi strong douk chapemu Krais atunu eheh nyumneh. Aduligu atugu.

1 Pita 4:14

Sapos elpech chutulipamu agundak ipak pasuh Krais ananin balan dadag pagipechen umu ali chuhepu chuwolugeyepamu, ipak wosik iken punehilau. Umu moneken, God ananin Michin douk yeul nyakihen uli nyape ipak.