Iruhin Ananin Yopinyi Baraen Jon Nenyem Iri 1:4 - God Ananin Balan

⁴ Anan douk nanubu bawogos umu agundak elpech chunubu chupe ali kobi wata chugak umu. Chopuk anan douk kobi anatu taglak uli lait umu tuglak ali elpech chunatulugun umu.

Iruhin Ananin Baraen

⁴ Anan douk adur atin baugos um agundok arpesh shupe abom aria mare shugok um. Shopunek anan douk kabi anat lait tagruk iri tadukogun aria ihishmorim arpesh shanotrugun um.

Iruhin Ananin Yopinyi Baraen Jon Nenyem Iri 1:4 Iomraidhean Croise

Matyu 4:16

Elpech chape yomotokweh uli douk achatik anatu nebetali lait taglak. Echebuk douk chape yomotokwehibi amnab uli, atudak lait douk ataglakumech.”

Iruhin Ananin Yopinyi Baraen Luk Nenyem Iri 2:32

Ali anan douk kobi anatu lait umu nugilapech yah echebuk douk wo chudukemu God uli e umu chugipechah. Ali eke nunek nyakich elpech echech Isrel chulau nebenyi yeul.”

Iruhin Ananin Yopinyi Baraen Jon Nenyem Iri 11:25

Ali Jisas naklipok nakli, “Douk yek otuwe nebeweli ali dodogowiwemu ihul chagak uli wata chitak chupe kalbamu. Ali echebuk douk chasuh yekin balan chagipechen ali chagak uli, echech douk eke wata chitak ali chunubu chupe kalbu.

Iruhin Ananin Yopinyi Baraen Jon Nenyem Iri 12:35

Ali Jisas naklipech nakli, “Yek douk eke inepu mupe banabu nyultab meyoh kobi hanu anatu lait taglakumepamu. Douk namudak ali ipak pupe punek yopinyi atin pasin abudak nyultab atudak lait hunutu tuglakumepamu. Umu ipak kobi pupe yomotokweh-igunmu, wak. Elpen nyalahe yomotokweh uli, enyen douk wo nyudukemu agundak enyen nyanak umu e, wak.

Iruhin Ananin Yopinyi Baraen Jon Nenyem Iri 12:46

Yek douk yanaki apudak atap kobi lait umu. Yanakumali echebuk douk chusuh yekin balan chugipechen uli kobi wata chupe yomotokweh atih, wak.

Iruhin Ananin Yopinyi Baraen Jon Nenyem Iri 14:6

Ali Jisas nebemanu balan namudak. Nakli, “Yek yet douk yanubu yah umu elpech chunak chutik God umu, yanubu bawogas umu agundak chiyagwleh adulin atin balan umu, ali douk chopuk yanubu bawogas umu agundak chupe kalbu eheh nyumneh umu. Wak enen elpen deke nyugipech kipaihi yah ali nyunak nyutik yekinu Aninu e, wak. Yah douk yanubu yek yet.

Iruhin Ananin Yopinyi Baraen Jon Nenyem Iri 3:19

Bawogenyumu balan umu agundak God eke nunemech balan umu douk namudak. Alman nape kobi laitumali douk ananaki apudak atap naglak, wakuli elpech echechip ulkwip panubu panosuh enenyi enen yowenyi douk nyape kobi yomotokweh umu. Lait chakli wakatu. Umu moneken, echech douk chapemu chenek yowenyi atin uli.

Iruhin Ananin Yopinyi Baraen Jon Nenyem Iri 5:21

Aninu isave nohul chagak uli nolukech yapis ali wata chaitak chape. Ali douk namudak ati. Yek ananiwe nuganinu chopuk eke ihul echebuk yek ikli ichuhul uli. Ichuhul ilukwech yapis ali wata chitak chupe.

Iruhin Ananin Yopinyi Baraen Jon Nenyem Iri 5:26

Aninu douk nanubu bawagas umu agundak elpech chupe kalbu ali kobi wata chugak umu. Ali douk namudak ati. Anan nenek yek yatoglu bawagas umu agundak elpech chupe kalbu ali kobi wata chugak atimu.

Iruhin Ananin Yopinyi Baraen Jon Nenyem Iri 8:12

Jisas wata naklipech enyudak balan chopuk nakli, “Yek yet douk lait. Yek douk yanaki yaglak apudak atap umu ihech elpech chunatulugun kalbu. Ali echebuk elpech douk chusuh yekin balan chugipechen uli, echech eke kobi chulahe yomotokweh umu agundak chunek yowenyimu, wak. Wakuli echech eke chupe chulahe lait taglak umu atugun, umu agundak chunek yopinyi atin umu. Ali echech douk eke chupe kalbu eheh nyumneh.”

Iruhin Ananin Yopinyi Baraen Jon Nenyem Iri 9:5

Nameitu abudak nyultab yek yape apudak atap umu, yek yape kobi douk lait umu. Ali yek yenek wolobainyi yopinyi moul yopugunmu atugun umu wolobaichi chutiwe ali eke chugipeche munek enyudakmali atin yopinyi moul.”

Aposel 26:23

Balan haklienyuk uli enyudak. Hakli, ‘Anudak alman Krais, anudak douk God anatalihanu ali eke nukaganu nunakili, anan douk adul eke nunaki numnek nebehi nyih. Ali anan eke nunubu susubeinu alman umu nugak ali wata nitakumali. Ali eke nuklipu ananich elpech echech Juda chunu kipahechi yopinyi balan umu God eke wata nunolawech chutanamali chupe kalbu kobi douk lait taglakumech umu.’”

1 Korin 15:45

Ali balan nyetemu God ananik buk uli chopuk douk nyakli namudak, “Susubeinu nalik uli alman Adam douk natoglu elpen michin nyapenyin uli.” Wakuli nagikuk natogloluli Adam douk naitaki iwagu ali natoglu yopinyi Michin douk elpech chalawen ali nyenekech chape kalbu eheh nyumneh uli.

Efesus 5:14

Umu moneken, monekech echudak douk chunowoleh chutoglu yopugun-maluli, echech kobi douk chakus hwalalagun-momu ali elpech chatulich. Douk namudak ali enen balan nyakli namudak. “Ipak douk nameitu pape kobi douk chagak ulimu, ipak pitaki iwagas ali Krais eke nuglakumepu kobi douk lait taglakumepamu.”

Kolosi 3:4

Krais douk bawagas umu agundak eke ipak pupe kalbu eheh nyumneh umu. Douk namudak ali kwali anan nutoglu yopugunmu chutulunamu, ipak chopuk eke punu anan putoglu yopugunmu. Ali ipak eke pulau agundak douk eke anan nunubu nuhiyatik umu.

1 Jon 1:1

Apak monekumepu balan asudak pas ali maklipepamu anudak alman douk nonohwalamu Balan uli. Anudak alman Balan, elpech douk eke chulawanu ali chupe kalbu eheh nyumneh. Seiwak susubati watak bawagas umu anudak alman Balan douk nape. Ali apak douk amemnek umu agundak anan neyagwleh umu ali amatulunu apakis nabes. Adul apak douk matulunu ali masusuhwanu apakis wis.

1 Jon 1:2

Anan douk anatoglu yopugunmu ali matulunu. Ali apak douk meyagwleh adulin atin balan umu anan ali maklipu ipak umu anan douk bawagas umu elpech chupe kalbu eheh nyumneh umu. Seiwak nanu Aninu hape ali douk anatoglu yopugunmu matulunu.

1 Jon 5:11

Ali enyudak aduligeinyi balan douk God naklipapu enyi douk enyudak. God douk anenekapamu mupe kalbu eheh nyumneh. Ali bawagas umu agundak mupe kalbu eheh nyumneh umu douk gnapemu ananinu Nuganinu atunu.

Revelesen 22:1

Wakuli enyudak ensel wata chopuk nyagilape anabu nebebali wolub. Abudak wolub chopuk douk banubu baglak kobi douk glas saglak umu. Ali elpech chuwak abal abudak wolub uli eke chupe kalbu eheh nyumneh. Abudak wolub douk botobeli agundak enyudak nebenyi sia douk God nanu Nugan Sipsip hetemeyenyi nyakus umu.

Revelesen 22:16

Ali douk yek Jisas yakagasu enyudak yekin ensel nyanakumogu ipak ali nyaklipepamu enyudak enenyi enen douk nyetemu okwudak buk uli ipak God ananipu elpech. Yek douk Devit ananiwe bahlaninu douk yaitaki ananip awilop uli. Ali yek douk okwudak unuk douk kwonohwalomu kwaginech uli.”