Jems 5:19 - God Ananin Balan

^19-20 O ipak yekipu elpech. Sapos ipak enen nyutukemaguk God ananin adulin balan ali kobi nyuhwen dadag nyugipechen, ali kipainyi elpen wata nyugakomen nyinya-namalimu, ipak ulkwip pulomu enyudak balan. Balan enyudak. Meinyi elpen nyugakomu kipainyi elpen nyutukemaguk yowenyi ali wata nyutanamu nyunek yopinyimu, enyen douk nyagakomen umu kobi nyugak nyunak nyuwichuk, wak. Ali God eke kobi nunohwen umu yowenyi enyen nyeneken uli ali nukwleyenyuk.

Iruhin Ananin Baraen

^19-20 O ipak eikish arpesh. Aria ipak enen nyukutukuk Iruhin ananin adurin baraen aria mare nyusuwen dodog nyugipeshen, aria kupainyi arpen wata nyutaurumen nyunyanam-ari um, apak urkwip purum enyudok baraen. Baraen enyudok. Meinyi arpen nyutaurum kupainyi arpen nyukutukuk yoweishi inahos aria wata nyutanam nyunek yopunyi um, enyen douk nyataurumen um mare nyugok nyunak nyuwishuk, uwok. Aria Iruhin ta nukweshih yoweishi inahos enyen nyenekesh iri.

Jems 5:19 Iomraidhean Croise

Matyu 18:15

Jisas balan nyeilen nakli, “Sapos enen ipakinyi elpen nyunek enen yowenyimu enen ipak yekipalimu, orait nyak nyunubu nyunamu enyebuk elpen, ipak atipu pupe ali nyugilapen yowenyi douk enyen nyeneken umu nyak uli. Sapos enyen nyumnek nyakin balan umu, orait nyak douk anyagabeyen nyalawen nyatanomali nyape kalbu.

Iruhin Ananin Yopinyi Baraen Luk Nenyem Iri 22:32

Wakuli Saimon, yek ayenek beten yasalik God umu nugakamenyamu kobi nyutukemaguk nyakin bilip umu yek, wak. Ali ababuk nyultab nyutanamu nyugipech yek abali, nyak wata nyugakamu nyakim sahlim owahlim douk hagipech yek ulimu hiyotu dadag.”

Galesia 6:1

Yekipu sachich owachich, pukli pugwatu enyen elpen nyunek enen yowenyimu, orait ipak panubu pagipech God ananin Michin duldul uli wata pugakomen umu enyen kobi wata nyunek yowenyi, wak. Puklipen umu, ipak kobi puklipen nebegun atugun, wak. Chokubul meyoh. Ipak atin ati chopuk punenek yologi. Kedeke enech echudak chichakamu ipak chopuk.

1 Timoti 6:10

Ali enech elpech douk oub banubu baitak umu chakli chulau wolobaibali utabal blunu enechi enech echudak ali echech dakio chatukemaguk God ananin balan douk echech chahwen chagipechen uli ali chalau nebeben atinyi hevi. Umu moneken, bawagas umu elpech chenek yowenyi pasin umu douk agundak umu echech chanubu oub baitak umu chakli chulau wolobaibali utabal blunu enechi enech echudak umu.

1 Timoti 6:21

Ali enech elpech chakli echech douk achalau enyudakmali save ali echech achatukemaguk God ananin yopinyi balan douk echech chahwen chagipechen uli. Ali yek yakli God nugakomepu meyoh ipak punatimaguk.

2 Timoti 2:18

Amudak biam douk ahatukemaguk yopinyi balan ali hape henek loh hakli chagak uli elpech douk alikuk chaitak chape. Amam henek lohumech namudak ali henek enech elpech chatukemaguk agundak chasuh God ananin balan chagipechen umu.

Hibru 5:2

Ali amam douk hanu apak elpech atugeipu. Abudak nyultab enenyi enen yowenyi nyunakumali amam abali, amam douk wo dodogowim e, wak. Namudak ali elpech douk wata chagalu chagalu wo chugipech God duldul uli e, amam douk hadukemech ali chokubul hagakomech kalbu.

Jems 1:16

O ipak Kristen, yek douk ulkum manubu manohwepu. Douk namudak ali yakli ipak punenek yologimu kobi pukwutuk enen enyudakmali yowenyi nyunek lohumepu, wak.

Jems 1:19

O ipak Kristen douk yek ulkum manubu manohwepaluli! Ipak imas ulkwip pulomu enyudak balan. Ipak punatimaguk imas punek wisnabul umu pumnek balan wakuli ipak kobi pubemech balan wisnabul. Ali chopuk, ipak kobi nyihihichipu wisnabul.

Jems 3:14

Wakuli sapos ipak punubu punek hinyigimu kipaichi echechich echudak, ali pukli ipak atipu pupe kalbamu, ipak kobi putuk ipakich yeguh chukih ali punek loh pukli ipak pagipech God ananin adulin atinyi balan, wak.

2 Pita 3:17

Wakuli ipak yekipu elpech, ipak douk apadukemu echudak douk eke kwali chutogloluli. Douk namudak ali ipak imas punenek yologi. Umu moneken, kedeke wosik ati amudak henek lohumech uli almam douk hokenyuk agabus God ananin yopinyi lo uli honukepu putanamu punek yowenyi. Ali kedeke putukemaguk agundak douk ipak pasuh Krais ananin balan pagipechen umu.

Apudok Shup Douk Jut Nenekap Iri 1:11

Adul, kwali amam eke humnek nebehi nyih. Amam douk ahagipechuk Ken ananin yowenyi pasin. Ali amam ulkwip panubu polomu utabal atubal ali hanubu hagipech Belam neneken uli yowenyi pasin. Ali amam hakanaguk agabus God kobi douk seiwak Kora nakanaguk agab umu. Amam douk henek namudak ali amam eke dakio hunubu hunechagiyuk wakwakuk kobi douk seiwak Kora nanubu nenechagiyuk wakwakumaguk.