Jems 5:12 - God Ananin Balan

¹² O ipak yekipu elpech, balan douk nyanubu susubein nyechalakuk enyudak yek yalik yaklipepeyen uli douk enyudak. Ipak pukli enen adulin balan umu, ipak kobi pusolimu iluh heven o apudak atap o enech kipaichi echudak umu pugakomu ipakin balan umu puneken nyupe dodogowin, wak. Sapos pukli, “Adul” umu, pukli, “Adul.” O sapos pukli, “Wak” umu, pukli, “Wak.” Umu moneken, sapos ipak pulimu iluh umu, God eke nunek kotumepamu enyudak balan.

Iruhin Ananin Baraen

¹² O ipak eikish arpesh, baraen douk sagom-atinyin abom nyeshagrakuk enyudok eik yarig yakripepen iri douk enyudok. Ipak pakri enen adurin baraen um, ipak mare porik iruhw heven o agundok atap o enesh kupaishi eshudok um putaurum ipakin baraen um puneken nyupe dodogowin, uwok. Ta pukri, “Adur” um, pukri, “Adur.” O ta pukri, “Uwok” um, pukri, “Uwok.” Um maresh? Ta ipak pukri iruhw um, Iruhin ta nunek kwotumep um enyudok baraen nukri ipak yoweipari.

Jems 5:12 Iomraidhean Croise

1 Korin 11:34

Ali sapos enen elpen nyulub blen umu, enyen imas nyichahi enyenyitu wilpat. Ali ababuk nyultab ipak punak pupe punek lotumu, ipak eke kobi punek enen yowenyi. Ali Diginali nunek skelim-umepamu, anan eke kobi nutik enen balan nyupenyipu, wak. Ali enen balan yek douk wata iklipepeyen uli e, yek eke iklipepu ababuk nyultab yek inaku itoglomepu abali.

Jems 1:16

O ipak Kristen, yek douk ulkum manubu manohwepu. Douk namudak ali yakli ipak punenek yologimu kobi pukwutuk enen enyudakmali yowenyi nyunek lohumepu, wak.

Jems 1:19

O ipak Kristen douk yek ulkum manubu manohwepaluli! Ipak imas ulkwip pulomu enyudak balan. Ipak punatimaguk imas punek wisnabul umu pumnek balan wakuli ipak kobi pubemech balan wisnabul. Ali chopuk, ipak kobi nyihihichipu wisnabul.

1 Pita 4:8

Ali enyudak pasin douk nyanubu nyechalakuk wolobainyi ihenyumali pasin uli douk enyudak. Ipak ulkwip imas punohwech dadag kipaichi Kristen. Umu moneken, enyudak pasin isave nyabouk wolobainyi yowenyi pasin nyabihuk.

3 Jon 1:2

Yekinyu elpen, yek yenek beten yasolik God umu ihenyumali nyak nyuneken uli imas nyunubu nyutoglu kalbu. Ali chopuk yenek beten-umenyamu sig kobi anagu genyu ali nyunubu nyupe kalbu. Kobi yadukemech umu nyakin michin nyolu kalbu ali nyanubu nyenehilawamu God umu.