Jems 5:1 - God Ananin Balan

¹ Nameitu ipak douk ponokwalmu wolobaichi echudak uli pumnek. Ipak ulkwip pulomu enyudak nebenyi hevi douk eke ipak pulawen uli ali puleh nebegun. Ipak puleh punakukli punaluwal.

Iruhin Ananin Baraen

¹ Douk ipak ponogrem sabaishi eshudok eneshenesh iri pumnek. Ipak urkwip purum enyudok debeinyi amaen douk ta ipak puraen iri aria pureh debeg. Ipak pureh punakwukri punoruwor.

Jems 5:1 Iomraidhean Croise

Jems 1:11

Ipak padukemech, douk wah hatau habo wichap alip ali apapich dudukech plawahas chopuk alich ali chanak chawichuk. Ali echebuk elpech douk chonokwalmu wolobaichi echudak uli, anah nyumnah echechich wolobaichi echudak eke chunak chuwichuk namobuk ati. Ababuk nyultab echech eke chupe chunek moul bisnis umu chulau utabal. Wakuli echechich echudak eke chunak chuwichuk.

Jems 2:6

Ali ipak isave patuk echebuk douk chonokwalmu wolobaibali utabal blanu jah uli echechich yeguh chakih. Ali pahu echebuk douk chanohwa-gagun umu utabal blanu jah uli. Wakuli ipak pakli meichi elpech isave chekepu enenyi enen hevi ali chalawepu chanak chenemepu kwotog? Echech douk echudak douk chonokwalmu wolobaibali utabal blanu jah uli.

Jems 4:13

Ipak enepu isave pakli namudak, “Doumeih o kaman, apak eke munamu babli nebebuli wabul taun munak mupe atin yohwlegul ali mupe munek bisnis ali mulau wolobaibali utabal.” Wakuli ipak pumnek enyudak balan.

Jems 4:9

Ipakiluh apaluh imas hlunubu yoweluh ali punubu pukli wakuk enyudak enenyi enen yowenyi ipak pape peneken uli. Ipak puleh punakukli nebegun umu enyudak yowenyi ali putukemenyuk. Ali ipak douk nameitu pape peneyakas uli chopuk, ipakiluh apaluh imas yoweluh ali puleh umu enyebuk yowenyi ipak pape peneken uli ali putukemenyuk. Ali ipak douk nameitu penehila-waluli, ipak chopuk apaluh imas yoweluh ali pukli wakuk enyebuk yowenyi ipak pape peneken uli.