Jems 4:4 - God Ananin Balan

⁴ Ipak patukemaguk God ananin yopinyi pasin ali panak penek yowenyi. Enyudak ipak peneken uli douk kobi almam almagou chatukemaguk yopinyi pasin ali chanasonukeh umu chanak hwaloh umu. Ali sapos enen elpen ulkum munubu munosuh apudak atapin pasin umu, enyen douk anyakanaguk agab God ali anyatoglu ananin birua. Ali nameitu ipak padukemen enyudak waka wak? Douk meinyi elpen enyenyim ulkum munosuh apudak atapin pasin uli douk anyatoglu God ananin birua.

Iruhin Ananin Baraen

⁴ Ipak pakutukuk Iruhin ananih yopihi aih aria panak penek yoweishi inahos. Enyudok ipak peneken iri douk kabi armam armago shakutukuk yopihi aih aria shenek wehrur um. Aria ta enen arpen urkum munawasham abom agundok atapih aih um, enyen douk nyakanaguk agab Iruhin aria nyatogur ananin horin. Aria douk ipak padukemen enyudok aka uwok? Douk meinyi arpen enyenyim urkum munawasham agundok atapih aih iri douk nyatogur Iruhin ananin horin.

Jems 4:4 Iomraidhean Croise

Matyu 12:39

Nemnek ali nebemom balan nakli, “Nameiteipali pape apudak atap uli elpech douk panubu yowepu. Panubu pokonoguk agabus God. Ipak douk pasolikemu inek enen God atunu neneken uli moul putulin, wakuli yek eke kobi inek enen, wak. Eke inek atin meyoh kobi enyudak seiwak nyatoglomu Jona uli atin putulin.

Matyu 16:4

Doumeipali pape apudak atap uli elpech douk panubu yowepu. Panubu pokanu agabus God. Ipak douk pasolikemu inek enen God atunu neneken uli moul putulin, wakuli eke kobi inek enen alagun, wak. Eke inek atin meyoh kobi enyudak seiwak nyatoglamu Jona uli atin putulin.”

Matyu 6:24

Deke kobi elpen nyunokwnumu nyunek moulamu biom nebemi almom, wak. Enyen douk eke nyukli wakuk ananu ali ananu eke ulkum munohwanu. Ananu eke nyumnek ananin balan ali ananu eke kobi nyumnekanu. Ipak douk wo punokwnumu pusuh God ananin moul ali punek moulamu mani alagun e, wak.

Iruhin Ananin Yopinyi Baraen Luk Nenyem Iri 19:27

Ali nameitu ipak pulawali echebuk yekich birua douk chakli wak umu yek ipe echechiwe king uli punaki agundak yek yapemu umu itulich ali pech chugak.’”

Iruhin Ananin Yopinyi Baraen Jon Nenyem Iri 15:19

Sapos ipak pukli pugipech enyudak douk echech chapemu cheneken ulimu, orait echechip ulkwip douk eke punohwepu chukli ipak douk echechipu. Wakuli yek douk ayanaglahepamu pupe yekipu elpech ali ipak douk awak pugipech apudak atapinyi pasin e, wak. Namudak ali echech douk chakli wakepu ali chape chenek biruamepu.

Iruhin Ananin Yopinyi Baraen Jon Nenyem Iri 17:14

Yek ayaklipam nyakin balan ali apudak atapichi elpech douk chanubu chakli wakam. Umu moneken, amam wo hugipechech umu hunek apudak atapinyi pasin e, wak. Hagimah kobi yek wo igipechech muneken umu e.

Iruhin Ananin Yopinyi Baraen Jon Nenyem Iri 7:7

Apudak atapichi elpech eke kobi chutulipaguk yowes chukepaguk agabus ipak, wak. Yek douk wasik eke chutuliweik yowes ali eke chukeik agabus. Umu moneken, yek douk yapemu yaklipech umu enenyi enen yowenyi douk echech chapemu cheneken uli.

Apudok Shup Douk Pol Nenekap Panam Eshesh Rom Iri 5:10

Likuk apak douk mape God ananipu birua. Wakuli ananinu Nuganinu wata nanaki nagak umu apak, God wata nohwalapu ananipu elpech ali nenekapu manu anan mape atugun. Krais douk nagak ali wata naitak nape. Namudak ali apak manubu madukemech umu anan eke wata nunolawapu mutanamu munubu mupe kalbu.

Apudok Shup Douk Pol Nenekap Panam Eshesh Rom Iri 8:7

Echebuk elpech douk ulkwip pulomu chakli chugipech nyalik nyapenyich uli yowenyi atin uli, echech douk God ananich birua. Umu moneken, echech douk wo chugipech God ananin lo e, wak. Ali echech eke kobi dodogowich umu chugipechen, wak.

1 Korin 1:20

Douk namudak ali nameitu amudak hanubu hadukemech uli almam amamin save eke nyugakomom malmu? Ali amudak douk hanamu nebenyi skul halau nebenyi save uli amamin save eke nyugakomom malmu? Ali chadukemech uli elpech douk nameitu chanu kipaichi chapemu chalpak balan atin uli echechin balan eke nyugakomech malmu? Wak meyoh. God douk anenek apudak atapich elpech douk chanubu chadukemech uli echechin save nyatoglu kobi douk lahahainyimu.

1 Korin 1:21

God douk nanubu nadukemech uli nagipech ananin laik ali nenek echudak elpech umu echech yet chugipech echechin nebenyi save ali chubilak kobi chudukemu anan, wak. Wakuli anan nakli nulau elpech chutanamu chupe kalbamu douk namudak. Anan nakli wosik umu apak muklipech ananin yopinyi balan wolobaichi elpech. Ali echebuk douk chukli enyudak balan douk adulin ali chuhwen chugipechen uli, anan eke nunolawech chutanamali chupe kalbu. Enyudak balan apak maklipechen uli, apudak atapichi elpech douk chohwalen lahahainyi.

Galesia 1:10

Yek wo ikli enyudak balan umu inek elpech chumnek ali chunehilau-meye, wak. Yek yakli God atunu nutuliwe nukli wosik. Adul ati, yek douk wo iklimu inek elpech chunehilau-meye, wak. Sapos adul nameitu yek wata yapemu yagimah namudak ele, orait yek douk wo inubu inek Krais Ananin moul uli e, wak.

Jems 1:27

Douk yopinyi pasin umu munek lotu ali apakinu Aninu God nutulupu nukli apak duldulipali balan wakapalimu, apak imas munek namudak. Sapos enech batowich echechich mamechich chugakuk, ali echech atich chupeik o sapos ananu alman nugakuk ali almatok atuk kwupeik umu, apak imas mugakomech umu enenyi enen. Ali mugakomech mukech enechi enech echudak echech tukwahechumech uli. Ali chopuk, apak imas mupe duldul ali apubuk atapin yowenyi pasin kobi nyunek apakiluh apaluh hlubosusih.