Jems 4:3 - God Ananin Balan

³ Ali chopuk, ababuk nyultab ipak penek beten pasolikanamu, ipakip ulkwip wo pulu duldul e, wak. Ipak pasolikanamu nukepu echudak umu putuk ipak yet ipakich yeguh chukih. Douk namudak ali ipak wo pulawech ati e.

Iruhin Ananin Baraen

³ Aria shopunek, abudok nyutob ipak penek beten parigon um, ipakip urkwip madae pur wosik uwe, uwok. Ipak parigon um nukep eshudok um pugipesh ipakih harik iri yoweihi aih hape numunipum iri. Douk namudok aria ipak madae puraesh atin uwe.

Jems 4:3 Iomraidhean Croise

Matyu 20:22

Jisas nemnek ali nebemech balan nakli, “Ipak douk wo pudukemu enyudak ipak pasolikemen uli e, wak. Ipak wosik deke dodogowipamu, pumnek ehudak nebehi nyih douk ahalakatimu yek eke imnekeh uli, waka?” Amam hemnek ali hakli, “Ohwak wosik wanokwnu.”

Iruhin Ananin Yopinyi Baraen Mak Nenyem Iri 10:38

Ali Jisas naklipam nakli, “Ipak douk wo pudukemech umu enyudak ipak pasalikemen uli e. Ipak wosik eke dodogowipamu pumnek ehudak nebehi nyih douk ahalakatimu eke yek imnekeh uli? Kipaichi eke che imnek nebehi nyih ali eke igak. Ali ipak douk wosik eke punokwnumu chuhwepu chunak chepu punomnek nebehi nyih iyuh, ali adakio pugak kobi douk yek umu?”

Iruhin Ananin Yopinyi Baraen Luk Nenyem Iri 11:10

Umu moneken, echebuk douk chenek beten chasolik God uli, echech isave chalau echudak. Ali echebuk douk chape chatimu echudak uli isave chatulich. Ali echebuk douk chupe chubo dua uli God eke nijikenyumech.

Iruhin Ananin Yopinyi Baraen Luk Nenyem Iri 15:13

Ali douk wo loubali e ali chokunali nuganinu nohul ananich echudak nanak nanatal utabal nanohwabal ali nanak nape lougun kipainyi kantri. Anan nanak ali nape nasagu ananibal utabal. Anan nowachabal umu enyebuk yowenyi pasin douk anan nape neneken uli.

Iruhin Ananin Yopinyi Baraen Luk Nenyem Iri 15:30

Wakuli anudak nyakinu nuganinu nanak nasagaguk nyakich echudak neyatechuk umu oudak weyotu yegwih uli almagou. Ali nameitu anan wata natanamali ali nyak nyabomanu enyudak susubein yopinyi bulmakau’

Jems 4:1

Enyudak yowenyi pasin umu ipak panowipu ali palpak pahlitak umu douk palawenyi meiguni? Enyen douk enyudak nyalik nyapenyi-paluli pasin umu penek yowenyimu nyohul ipakiluh apaluh ali nyenekepu pape palpak pahlitak.

1 Jon 3:22

Ali apak mukli munek beten musolikanamu enech echudak umu, anan eke nukapeyech. Umu moneken, apak douk magipech ananin lo monek enenyi enen anan nakli enyi.

1 Jon 5:14

Sapos apak mugipech enenyi enen God naklien uli atin ali munek beten musolikanamu enech echudak umu, anan eke numneken apakin beten. Namudak ali abudak nyultab munubu munak halakatimu anan ali munek beten abali, apak douk eke dodogowipu ali kobi elgeipamu anan, wak.