Jems 4:16 - God Ananin Balan

¹⁶ Wakuli nameitu ipak pakli ipak atipu dodogowipali padukemu enechi enech uli ali patuk ipakich yeguh chakih. Enyudak ipak douk panubu penek yowenyi.

Iruhin Ananin Baraen

¹⁶ Aria douk ipak pakri ipak atip dodogowipari padukemesh um eneshenesh iri aria patuk ipakish nyeiguhw shato iruhw. Enyudok ipak douk penek yoweishi inahos abom.

Jems 4:16 Iomraidhean Croise

1 Korin 5:6

Ipak pakli ipak atipu yopipali panubu padukemech uli ali pape patuk ipakich yeguh chakih. Wakuli enyudak pasin douk wo yopinyi e. Ipak douk apadukemen enyudak woblen balan douk nyaklimu yis douk senek bret taitak nebetalimu. Balan enyudak, “Anagun chokugun yis isave senek tanatimaguk bret taitak nebetali.”

Jems 3:14

Wakuli sapos ipak punubu punek hinyigimu kipaichi echechich echudak, ali pukli ipak atipu pupe kalbamu, ipak kobi putuk ipakich yeguh chukih ali punek loh pukli ipak pagipech God ananin adulin atinyi balan, wak.

1 Jon 2:16

Apak douk madukemech. Ihenyumali yowenyi pasin douk apudak atapichi elpech wihlu wehlu oub baitak umu chuneken uli douk enyudakmali. Chatik enechi enech echudak oub baitakumech, chatik kipahechich echudak cheyomech bahas, chanahlagul umu echechich wolobaichi echudak umu. Enyudakmali pasin douk wo God nukapeyen e, wak. Enyen douk nyanubu apudak atapinyi pasin.

Revelesen 18:7

Okwok douk kwatuk okwokwin yeul nyakih ali kwonek enenyi enen yowenyi douk okwok oub baitakok umu kwuneken uli. Ali okwok yeul nyakihok kobi douk nebemi king omimu. Douk namudak ali ipak punekok kwunomnek nebehi nyih ali kwulau nebenyi hevimu nyunokwnumok umu enyudak yowenyi douk likuk okwok kwape kwoneken uli. Ali okwokwigun numun gnanahlagul ali kwakli, ‘Yek ayape nebeweli kwin! Yek kobi douk alaminu wo nugakuk umu e. Ali yek eke kobi enen hevi nyutoglome ali nyuneke ileh. Aduligu atugu eke wak!’