Jems 4:10 - God Ananin Balan

¹⁰ O Ipak imas pupe chakamomu Diginali ali anan eke nunehilau-mepu nukli ipak yopipali.

Iruhin Ananin Baraen

¹⁰ Ipak ta pupe shakamum Debeini aria anan ta nutaurumep nunadudareh-umep nukri ipak yopipari.

Jems 4:10 Iomraidhean Croise

Matyu 23:12

Elpech douk chunotuk echechich yeguh chukih uli, God eke wata nunekech chubihi yeguh wakech. Wakuli elpech douk chunek daunim umu echech yet uli, echebuk God eke nutukech chupe nebechi.”

Iruhin Ananin Yopinyi Baraen Luk Nenyem Iri 1:52

Anan nechogeik amam king nam habihuk ali natuk yeguh wakechi elpech chalto.

Iruhin Ananin Yopinyi Baraen Luk Nenyem Iri 14:11

Umu moneken, chunatimaguk elpech douk chutuk echechich yeguh chukih chukli echech nebechi uli, God eke wata nunihech chubih. Echebuk douk wo chutuk echechich yeguh uli e, God eke wata nutuk echechich yeguh chukih.”

Iruhin Ananin Yopinyi Baraen Luk Nenyem Iri 18:14

Ali Jisas nakli, “Yek yaklipepu. God douk natik anudak nalau takis uli ali nohwalanu duldulinali alman ali anan wata natanamu nanamu ananitu wilpat. Wakuli anudak Farisi wak. Umu moneken, elpech douk chutuk echechich yeguh chukih uli, God eke nech chubihuk. Echebuk douk wo chutuk echechich yeguh chukih uli e, God eke nutuk echechich yeguh chukih.”

1 Pita 5:6

Douk namudak ali nameitu ipak imas punih ipak yet ali pupe chakamomu nebenali dodogowinali God. Umu aliga ahabuk nyumnah anan yet nakliah uli hutoglu ali anan eke nutuk ipakich yeguh chukih.