Jems 2:23 - God Ananin Balan

²³ Ali enyudak balan douk nyetemu God ananik buk uli nyatoglu adulin atin. Balan douk enyudak, “Ebraham nasuh God ananin balan dadag nagipechen ali God dakio nohwalanu duldulinali alman.” Ali God nakli, “Ebraham yekin elpen.”

Iruhin Ananin Baraen

²³ Aria enyudok baraen douk nyetem Iruhin ananik Buk iri nyatogur adurin atin. Baraen douk enyudok, “Abraham nasuhw Iruhin ananin baraen dodog nagipeshen aria Iruhin douk nahwaran yopuni arman.” Aria Iruhin nakri, “Abraham douk eikin arpen.”

Jems 2:23 Iomraidhean Croise

Iruhin Ananin Yopinyi Baraen Mak Nenyem Iri 12:10

Ali ipak patulin enyudak balan nyetemu God ananik buk uli waka wak? Balan enyudak, ‘Amudak utam douk halak wilpat uli hakli wakamuk uli douk manubu mataglu susubeim utam masah woblatamu wilpat uli.

Iruhin Ananin Yopinyi Baraen Mak Nenyem Iri 15:27

Ali agnabuk, amam henek nyilumu Jisas neil olokohun ali biom hakwu aluh uli heil wibul wobul halakatimu anan.

Iruhin Ananin Yopinyi Baraen Luk Nenyem Iri 4:21

Ali anan naklipech nakli, “Doumeih enyudak God ananin balan nyetemu ananik buk uli douk adukwechuk pemneke yatalihen uli nyatoglu adulin atin.”

Aposel 1:16

“Yekipu elpech, seiwak God ananin Michin douk nyohul Devit ali neyagwlehuk enen balan douk nyetemu God ananik buk uli. Enyen douk nyaklimu anudak Judas douk naliku Jisas ananim birua hanaku hasuh Jisas hanak hanaluli. Ali nameitu enyudak balan douk nyatoglu adulin kobi seiwak Devit naklimaguk.

Apudok Shup Douk Pol Nenekap Panam Eshesh Rom Iri 11:2

God wo nukechuk agab ananich elpech e, wak. Seiwak wata susubati anan anadukemech ali nanaglahech. Enyudak balan douk nyaklimu Ilaija ali nyetemu God ananik Buk uli douk padukemen. Ilaija naklipu God nenek kot umu echech Isrel namudak. Nakli,

Apudok Shup Douk Pol Nenekap Panam Eshesh Rom Iri 9:17

Umu moneken, God ananik buk kwakli God naklipu king Fero namudak. Nakli, “Yek yakli ikwu nyak umu igilapech yekin dodogowinyi pawa chunatimaguk elpech. Igilapech umu echech eke chuklipech yekin balan ihalub walub apudak atap. Douk namudak ali yek dakio yenekenyu nyatoglu nebenyali king ali yenek enyudak nyatoglo-menyu.”

Galesia 3:22

Wakuli wak. God ananik buk douk kwakli, “Enenyi enen yowenyi nyanubu nyowechikech dadag apudak atapich elpech.” Enyen nyowechikapu namudak umu apak monek bilip umu Jisas Krais uli eke mulau yopichi echudak. Echudak douk seiwak God nakli adulin atinyi balan umu nuku echech chenek bilip umu Krais uli.

Galesia 3:6

Ipak douk ulkwip pulomu Ebraham. God ananik buk douk kwakli, “Anan nenek bilip meyoh umu God ali God dakio nohwalanu duldulinu alman.”

2 Timoti 3:16

Enyudak nyanatimaguk balan nyetemu God ananik buk uli douk nyanubu God ananin. Seiwak anan naklipu almam henyemaguk. Ali enyen douk nyanubu yopinyimu nyunek skulumapamu mudukemen kalbu ali nyugilapapu apakin yowenyimu mukenyuk agabus. Ali chopuk umu nyuklipu echebuk douk chatukemaguk God ananin balan chanak chagipechuk kipainyi ulimu chutanamali chugipech ananin adulin balan. Ali chopuk umu nyunek skulumapamu mugipech yopinyi atin pasin umu apak God ananipu miyotu dodogowipu ali munubu munokwnumu munek nyunatimaguk yopinyi moul.

Jems 2:24

Douk namudak ali enyudak balan nyetemu God ananik buk uli douk nyogilapepamu God douk wo nuhwalu elpech duldulichimu agundak chusuh ananin balan meyoh umu atin e, wak. Sapos echech chugipechen chunek yopinyi pasin alagun umu, anan wosik eke nuhwalech duldulichi elpech.

1 Pita 2:6

Seiwak God naklien ali henyemu nyetemu ananik buk uli balan nyakli namudak, “Ipak mnek, yek ayatalih anam dudukam utam douk chatalum nebebali utabal uli. Ali nameitu yomubuk makus abuldak wabul Saion ali matoglu susubeim dodogowimi utam umu masah woblatamu wilpat tatau dadag. Ali echebuk elpech douk chasuh ananin balan chakli adulin uli echechiluh apaluh eke kobi yoweluh, wak.”