Jems 1:22 - God Ananin Balan

²² Ali ipak kobi pumneken meyoh God ananin balan, wak. Ipak imas pumneken ali pugipechen. Sapos ipak pumneken meyoh umu, ipak douk penek loh umu ipak yet.

Iruhin Ananin Baraen

²² Aria ipak mare pumneken meyoh um Iruhin ananin baraen, uwok. Ipak ta pumneken aria pugipeshen. Aria ipak pumneken meyoh um, ipak douk penek rohw um ipak kanak.

Jems 1:22 Iomraidhean Croise

Matyu 12:50

Umu monoken, echebuk elpech douk i save chagipech yekinu Aninu nape iluh heven ananin laik uli, echech douk chanubu yekich owahlim o mehwoliyu o yekiyu mamaliyu.”

Matyu 28:20

Ali punek skulumech umu chugipech nyanatimaguk balan douk yek yape yaklipepeyen uli. Ali mnek, Yek douk eke inepu mupe eheh nyumneh aliga hugikuk uli nyumnah hutaglu.”

Iruhin Ananin Yopinyi Baraen Luk Nenyem Iri 11:28

Wakuli Jisas nakli, “Enyen adul, Okwok kwonehilau. Wakuli echebuk elpech douk chumnek God ananin balan chuhwen chugipechen uli echech douk chanubu chenehilau.”

Iruhin Ananin Yopinyi Baraen Jon Nenyem Iri 13:17

Ali nameitu ipak douk padukemu bawogenyumu balan umu enyudak pasin yek yeneken uli. Ali sapos ipak pugipechen umu, God eke nugakamepu nunekumepu yopinyi nunekepu punehilau!

Apudok Shup Douk Pol Nenekap Panam Eshesh Rom Iri 2:13

Elpech douk chemneken meyoh enyudak lo uli, God douk wo nutulich ali nuhwalech duldulich e, wak. Nohwalech duldulichi elpech uli douk echudak chagipech lo uli atich.

1 Korin 15:33

Ipak kobi pukutuk enech elpech chunek lohumepu, wak. Enen balan douk nyakli namudak, “Sapos apak munu chenek yowenyi uli elpech munechlepamu, echech eke chubouk apakin yopinyi pasin nyubihuk.”

1 Korin 3:18

Ipak kobi punek loh umu ipak yet, wak. Sapos ipak enen elpen nyukli enyen douk nyanubu nyadukemech uli elpen kobi douk apudak atapichi elpech chaklimu, enyen imas nyunek namudak. Susubati enyen imas nyutanamu nyutoglu enyudakmali elpen douk apudak atapichi elpech chohwalen lahahainyi uli iyuh. Ali enyen eke adakio nyutoglu nyanubu nyadukemech uli elpen.

1 Korin 6:9

Ipak padukemech umu enyudak waka wak? Echebuk elpech douk chenek enenyi enen yowenyi uli eke kobi chuwich agundak God nape nebenalimu ananich elpech umu, wak. Douk namudak ali ipak kobi punek loh umu ipak yet, wak. Umu moneken, echebuk douk chenek enyudakmali yowenyi pasin umu chanu kipaichi elpech chanasonukeh umu chanak hwaloh, ali chenek lotumu wo adulimi god omi uli e, chunu amabuk almam douk hasonukeh kipaimi amamiyu almagowaluli, hunu amabuk douk hasonukeh kipaimi almam uli, hunu echebuk douk chakwu aluh uli, chunu echebuk douk chenek hinyigimu chakli chulau kipaichi echechich echudak uli, chunu echebuk douk isave chawak abal chagugak-aluli, chunu echebuk douk isave cheneyagu kipaichi uli, chunu echebuk douk isave chabo kipaichi chahwech dudigu chanatulich echudak uli, chunatimaguk echudakmali elpech eke kobi chuwich agundak God nape nebenalimu ananich elpech umu, wak.

Galesia 6:3

Sapos enen elpen nyukli enyen douk yeul nyakihen, wakuli enyen nyanubu yeul wak nyukihen umu e, enyen douk nyanubu nyanalaugamu.

Galesia 6:7

Ipak kobi pulaugamu ipak yet, wak. Elpen nyulaugamu God uli douk wak enen e. Monekech kakwich enen elpen nyuwech uli, enyen eke wata nyutuk echebuk atich kakwich.

Filipai 4:8

Yekipu elpech, nameitu yek yakli iklipepu enen nyagikuk uli balan alagun. Yakli ipakip ulkwip imas punubu pulomu enenyi enen yopinyi nyanu enyudak enen pasin douk elpech chatulin ali chatuken nyakih uli. Enyen douk enyudakmali. Nyanatimaguk aduligeinyi, yopiyopinyi, duldul-igeinyi, dudukenyi, nyanu enyudak enen ihenyumali yopinyi pasin douk elpech chenehilaumen ali echechip ulkwip polomen wihlu wehluli.

Kolosi 3:17

Ali chunatimaguk echudak ipak punekech uli, ipak imas punekech umu putuk Diginali Jisas ananin atin yeul. Ali chopuk umu ananin atin yeul, ipak imas punek tenkyumu apakinu Aninu God.

2 Timoti 3:13

Ali echudak yowechi elpech chunu echebuk douk chape chenek lohumech uli eke chupe chunek yowenyi chichalakuk likuk chalik chape cheneken umu. Ali kipaichi eke chunek lohumech ali echech eke wata chitak chunek loh umu enech kipaichi alagun.

Taitus 3:3

Likuk apak chopuk douk wak enen yopinyi tinytin nyupenyupu e, wak. Apak wo mugipech enyudak yopinyi balan e ali Satan nenek lohumapu nenekapu matukemaguk yopuhi yah ali mablo God ananin lo monek yowenyi. Echudak enechi enech chanatimaguk yowechi douk apak oub baitakumech ali monehilaumu munekech uli chowechikapu dadag kobi douk mape kalabus umu. Wihlu wehlu apak ulkwip polomu yowenyi ali mape monek hinyigimu enechi enech echudak kipaichi echechich. Ali kipaichi elpech chatulupaguk yowes ali apak chopuk matulichuk yowes echech.

Jems 1:26

Ali sapos enen elpen nyukli, “Yek yasuh Krais ananin balan ali yenek lotumu God,” wakuli enyen kobi nyunek bos umu enyenyitu yokwatomu, enyen douk nyape nyenek loh umu enyen yet. Douk namudak ali agundak enyen nyape nyanamu lotumu nyunu enyenyin bilip eke kobi kwalowi omi nyugakomen, wak.

Jems 4:11

O ipak Kristen! Yek yakli wak umu ipak puneneyagamu, wak. Umu moneken, sapos enen elpen nyuneyagu kipaichi Kristen o nyunek skelim-umech umu, enyen douk nyenek skelimumu God ananin lo nyakli enyen douk yowenyi. Ali echebuk elpech douk chenek skelimumu God ananin lo uli douk wo chugipech ananin lo e. Echech douk chape kobi nebemi jas douk hasuh kwotog uli ali chenek skelimumu enyudak lo.

Jems 4:17

Douk namudak ali nameitu ipak imas pudukemech. Meinyi elpen douk nyadukemech umu nyunek yopinyi pasin, wakuli enyen wo nyuneken uli e, enyen douk anyenek yowenyi.

2 Pita 2:13

Amudak henek lohumech uli henek kipaichi elpech chalau nebehi nyih. Ali kwali God eke wata nubemom amamin yowenyi ali nunekam hulau nebehi nyih namobuk ati. Amam henehilaumu hawak wolobaiguni woligun ali hagipech yowenyi nyalik nyapenyum uli pasin henek enenyi enen yowenyi yopugunmu atugun. Ali amam hanepu pape pawak nebeguni woligun umu, amam henehilaumu agundak amam hape henek loh umu. Wakuli enyudak pasin douk nyenekam hape kobi anagu yowegali behlabigali mag olokohun umu ipak.

1 Jon 1:8

Sapos apak mukli apak enenyi enen yowenyi wak enen nyupenyupamu e, namudak douk manubu monek loh umu apak yet. Monek loh ali aduligeinyi balan douk wak enen nyupenyupu e, wak.

1 Jon 2:3

Sapos apak mukli mugipech God ananin lo umu, namudak douk munubu mudukemech namudak. Apak adul manubu madukemanu kalbu God.

1 Jon 3:7

Yekipu elpech, ipak pugamu punek yologi. Kedeke enen elpen nyunek lohumepu ali pugipechuk kipainyi balan. Elpech chapemu chenek yopinyi atin uli, echech douk chanubu duldulich kobi Krais anan nanubu duldulinamu.

3 Jon 1:11

Yekinyu elpen, nyak kobi nyugipech yowenyi pasin, wak. Nyunubu nyugipech yopinyi atin. Meinyi elpen douk nyunek yopinyi pasin uli, enyen douk God ananin elpen. Ali elpen nyenek yowenyi atin uli, enyen douk wo nyudukemu God e, wak.

Revelesen 12:9

Ali God ananich enselahas chahwen chowachen nyagluki atap. Enyudak idul douk seiwak nyape ali nameitu chopuk nyape uli. Enyen douk chohwalen umu yowenyi sagabu o Satan. Enyen douk nyape nyenek loh umu chanatimaguk elpech douk chape apudak atap uli. Enyen nyanu enyenyich yowechi enselahas, echech douk achowachech chagluki apudak atap.

Revelesen 22:7

Ali Jisas nakli, “Mnek, yek douk ahalakatimu inaku itoglomepu. Ali echebuk elpech douk chugipech God ananin balan nyetemu okwudak buk uli douk nyaklimu echudak douk eke chutogloluli, echech iken chunehilau.”