Aposel 9:3 - God Ananin Balan

³ Douk nenekumanu pas nakanu nahwas ali nanak. Nanak aliga nanak natoglu halakatimu Damaskas ali ahudak atuh anatu lait taglaki gani iluh heven ali agnudak anan nape nanak umu gnanubu gnaglak.

Iruhin Ananin Baraen

³ Douk nenekuman shus nakonas nasuwos aria nanak. Nanak arigaha nanak natogur hurukatin um Damaskus aria ahudok atuh anat lait tabuhi gani iruhw heven aria agundok anan nape nanak um natrugun abom.

Aposel 9:3 Iomraidhean Croise

Aposel 22:6

Douk yanak aliga halakatimu nyumnah toul ali huluk umu inak itoglu Damaskas. Ali ahudak atuh anatu tanubu taglak uli lait taglaki gani iluh utagu tabihi agundak yek yeyotumu, ali gnanubu hwalalagun.

Aposel 9:17

Douk Ananaias nemnek namudak nanak nawich atudak wilpat ali nowemeyanu wis Sol. Ali naklipanu nakli, “Yekinyu saninu Sol, Diginali Jisas douk natoglomenyu yah abudak nyultab nyape nyanamali agundak uli nekege yanaki. Yanamali nyak wata nyutulugun ali nyulau ananin Michin nyuwichenyu ali nyunubu nyupenyinyu kalbu.”

Aposel 9:27

Wakuli Banabas nanaki nalau Sol umu amam aposel. Nalawanu ali neneyagamom umu agundak Sol natik Diginali yah ali Diginali naklipanu balan umu. Ali nagamu neneyagamom umu agundak anan Sol dodogowinu atunu naklipech balan umu Jisas gani Damaskas umu.

1 Korin 15:8

Douk natoglomech neyatech ali yek natoglome yatulunu yagikuk. Yek douk kobi enen batowin douk mamakik kwenylali sisahw uli.

1 Korin 9:1

Yek eke enech echudak chowechike waka yape fri? Wak, yek yape fri. Ali yek douk onowe aposel douk God natalihemu inak iklipech ananin balan uli waka, wak? Yek yatik Jisas douk nape apakinu Diginali uli waka, wak? Yek yenek Diginali ananin moul ali ipak dakio patoglu Kristen waka, wak?

1 Timoti 6:16

God anan atunu eke kobi nugak ati, wak. Anan douk nape eheh nyumneh ali agundak anan napemu douk gnanubu hwalalagun ali gnohiyatik. Ali apak elpech douk wo mutulunu apakis nabes e, wak. Seiwak aliga nameitu chopuk eke kobi enech elpech chutulunu echechis nabes. Ali yek yakli apak munatimaguk mutuk ananin yeul nyukih ali mukli anan nupe Nebenali eheh nyumneh. Aduligu atugu.

Revelesen 21:23

Ali abuldak wabul moul eke kobi enen umu wah hutau hutulubul umu o wabinu aun nuglak ali hwalalagun umu, wak. Umu moneken, agundak douk God nanubu dodogowinu ali nohiyatik umu, agagun yet eke gnunek blunatimaguk abuldak wabul bluglak ali hwalalagun. Ali chopuk, enyudak Nugan sipsip enyen yet nyaglak kobi douk lam umu ali nyenekagun hwalalagun abuldak wabul.

Revelesen 22:5

Ali agnabuk webus eke kobi anabus ali echech eke kobi chuhemu enech lepoguhwas, wak. Ali moul eke kobi enen umu wah hutau umu hunekagun hwalalagun umu, wak. Umu moneken, agundak douk Diginali God nanubu nohiyatik umu eke gnuhiyatik-umech. Ali echebuk douk chenek ananin moul uli eke chupe nebechi king eheh nyumneh.