Aposel 27:4 - God Ananin Balan

⁴ Aliga matukemaguk Saidon manak. Manak wihun dodogowinu atunu ali kolohuk kwatanamu kwanak woblahahin umu ailan chohwalenyumu Saipras uli. Manak agundak wihun wak ananamu e.

Iruhin Ananin Baraen

⁴ Arigah makutukuk Saidon manak. Manak uhwin dodogowin atin aria korohuk kwatanam kwanak wobrehahin um unai shahwaren um Saiprus iri. Manak agundok uhwin madae nyanak um uwe.

Aposel 27:4 Iomraidhean Croise

Matyu 14:24

Ali ababuk nyultab, amam disaipel hanak atali bot douk atanak tatoglu gani olokohun enyudak raunwara. Nebenali wihun naitaki nowanamu talik umu bot ali nohul nebebi molub batuk bape batu.

Iruhin Ananin Yopinyi Baraen Mak Nenyem Iri 6:48

Anan nape nenek beten, wakuli natiku ananim disaipel hetemu bot. Ali nebenali wihun nalu nowanamu talik umu bot ali amam hape henek nebenyi moul, henek pul nebegun atugun. Ali douk natulumu ali halakatimu gugluk, anan naitak nagimom nape nanak. Anan nablo enyudak raunwara nalahe nanaki chihah abal. Anan nanak ali nakli nichalakom nunak, wakuli amam hatulunamu nalahe nanaki chihah abal. Ali amam hakli eke enen sagabu. Douk namudak ali amam hanubu elgeim ali hohwalu henyugwleh nebegun atugun.

Iruhin Ananin Yopinyi Baraen Luk Nenyem Iri 8:22

Anah nyumnah Jisas naklipu ananim disaipel nakli, “Apak munak gani woblahah-inyumu raunwara.” Ali amam haitak halto bot ali hanak.

Aposel 13:4

God ananin Michin nyohul Banabas nanu Sol ali nyakagam hanamu Selusia. Habih agnabuk ali halau kolohuk hanamu enyudak ailan yeulinyumu Saipras.

Aposel 15:39

Douk henechichilak aliga aliga ali heneyaisumu. Banabas nalau Mak halau kolohuk hanamu enyudak ailan Saipras.

Aposel 21:16

Enech chagipech Jisas ali chape Sisaria uli douk chanamapu manak. Manak ali chalawapamu ananu alman douk eke munak munanu mupe ananitu wilpat uli. Ananin yeul Nason ali chanalali enyudak ailan Saipras. Anan douk likuk yet nagipech Jisas uli.

Aposel 21:3

Manak aliga matiku ailan Saipras, ali matukemen nyapeik algagul mechalaken manak matoglu enyudak provins Siria. Manak matoglu agnabuk ali kolohuk kwanak kweil wabul yeulibulmu Taia. Kweil umu chunikuk anah jah.

Aposel 27:7

Malto ali kwatukemaguk Maira kwape kwanak chokubul ati umu eneh nyumneh. Amam boskru henek nebenyi moul aliga manak matoglu halakatimu anabul wabul Naidas. Wihun dodogowinu atunu ali apak mabilak umu munak wak. Namudak ali masahul manak woblenyumu ailan Krit agundak wihun wak ananamu e. Manak halakatimu ananu poin chohwalanamu Salmani uli.

Aposel 4:36

Ali ananu alman chohwalanamu Josep uli douk nape. Anan douk chonalali enyudak ailan Saipras ali naitak apudak awilop Livai. Amam aposel douk hobukumanu enyudak yeul Banabas. Bawogenyumu enyudak yeul douk chakli, “Naklipech yopinyi balan umu chupe dodogowich uli.”