Aposel 20:12 - God Ananin Balan

¹² Anudak yanpoleinali alman douk nape wosik ali aglupil chalawanu chanamu echechigu awogu. Ali echechiluh apaluh wata hlanubu yopu-yopuluh.

Iruhin Ananin Baraen

¹² Anudok weroroini arman douk nape wosik aria ruwahep sharan shanak um gani eshesh shapeum. Aria esheshiruh aparuh wata hanadudareh abom.

Aposel 20:12 Iomraidhean Croise

2 Tesalonaika 2:16

Ali apak makli apakinu Diginali Jisas Krais anan yet nunu aninu God hugakomepu. Anan douk ulkum manohwapu nagakomapu meyoh ali nenekapu apakiluh apaluh hlalu kalbu eheh nyumneh. Ali mape ulkwip polomu agundak douk manubu madukemech umu kwali anan eke nunalawapu munak mupe kalbamu. Ali apak makli Jisas Krais nunu God hunek ipakiluh apaluh hlulu kalbu. Ali hunekepu dodogowipamu punek enenyi enen yopinyi atin pasin uli moul. Ali chopuk umu piyagwleh yopinyi atin balan.

1 Tesalonaika 5:14

Ipak apakipu elpech! Apak biam atunu makli muklipepu enen balan alagun umu pumneken ali pugipechen. Balan enyudak. Ipak enech douk chape meyoh, wo chunek moul ati e. Douk namudak ali ipak puklipu echebukmali elpech umu kobi chupe meyoh, wak. Ali chopuk, ipak enech douk elgeich. Douk namudak ali ipak puklipech yopinyi balan umu pugabe echechiluh apaluh umu echech kobi elgeich. Ali chopuk, ipak enech douk wo dodogowich e. Douk namudak ali ipak imas pugakomech umu chutoglu dodogowich. Ali pugakomu chunatimaguk elpech ali kobi nyihihichipu puklipech nebegun, wak. Ipak imas pupe naleipali elpech ali puklipech chokubul.

2 Korin 1:4

Ihenyumali hevi nyatoglomu apak uli, anan isave nagakomapu nagabe apakich michich ali apakiluh apaluh hlalu kalbu. Nagakomapu namudak umu apak munubu munokwnumu mugakomu echebuk elpech douk enenyi enen hevi nyutoglomech uli ali echechiluh apaluh hlulu kalbu. Apak mugakomech kobi God nalik nagakomu apak umu.

1 Tesalonaika 5:11

Douk namudak ali ipak imas piyagwleh punaklipamu yopinyi atin balan umu punagako-gamomu piyotu dodogowipu kobi douk nameitu ipak apape peneken umu.

1 Tesalonaika 4:18

Douk namudak ali ipak imas punagakogamu punaklipamu enyudak balan umu puhul ipak atin ati ipakiluh apaluh umu piyotu dodogowipu. dodogowipu.

Efesus 6:22

Yek yakli ikaganu nunakumagu nuklipepamu agundak apak mape agundak uli mape manak umu. Ali umu putulunu pumnek ananin balan ali nyugakomepu piyotu dodogowipamu pugipech Krais ananin balan umu.

Aposel 20:11

Ali Pol wata nalumech chalto iluh wilpat chakih naguduk bret chatowah. Douk yaih ali nanech chape cheyagwleh loubali nyultab aliga gagluk ali natukemechuk nanak.

Aposel 20:13

Ali apak malik manak malau kolohuk ali manamu anabul wabul yeulibulmu Asos. Pol nanaki atapih ali naklipapalimu mutoglu mupe mutimanu umu nutogloli ali mulawanu munak.