Aposel 2:23 - God Ananin Balan

²³ Nubuwakih God douk nekepu anudak alman ipakis wis ali poku henek yowenyili almam henek nyilimumanu lowag kruse ali panu nagak. God douk nekepeyonu pagimehumanu namudak kobi seiwak anan yet ulkum molomen ali nadukemech umu eke nuneken umu.

Iruhin Ananin Baraen

²³ Nubokuhi Iruhin douk nekep anudok arman ipakis wis aria poko henek yoweishi inahos iri armam henek nyiluman rowog kruse aria pan nagok. Iruhin douk nekepan penekesh-uman namudok kabi seiwok anan kanak urkum moromen aria nadukemesh um ta nuneken um.

Aposel 2:23 Iomraidhean Croise

Matyu 20:19

Ali eke hulawemu amam douk wo Juda uli e. Hulawe ali amam eke huneke enen enen hiyokosue, huleye nadululuh umu julug ali eke hunek nyilimume lowag kruse ali igak. Wakuli huklimu bieh atuh nyumneh umu, yek eke wata itaki ipe.”

Matyu 26:24

Yek Anudak Alman yatoglu aduligeinyi elpen uli douk eke che igak kobi balan nyetemu God ananik buk uli nyaklimu. Wakuli alman douk nugilapu yekim birua yek uli, yek douk yanubu yakli mapilinu anan. Mamakik kobi kunololile douk deke kalbumanu.”

Matyu 27:35

Henek nyilimumanu kruse ali heneyais ananih luseh. Heneyaiseh umu douk habilak enen pilai kobi satu umu ali amam atunu ati hanotukeh.

Iruhin Ananin Yopinyi Baraen Mak Nenyem Iri 15:24

Ali amam henek nyilumanu neiluk lowag kruse ali hohul ananih luseh hehubuk ali hape habilak kobi douk satu umu. Amam habilak umu anabuk nunek win uli nunohul anah lupah. Ali amam henek namobuk atimu hanatimaguk ananih luseh.

Iruhin Ananin Yopinyi Baraen Luk Nenyem Iri 22:22

Yek Anudak Alman douk yatoglu aduligeinyi elpen uli eke che igak kobi douk seiwak God anaklimu eke chugimahumemu. Ali anabuk douk nugilapu yekich birua umu yek uli, anan douk yanubu yakli mapilinu. Umu moneken, enen nyanubu nebenyi hevi eke nyutoglomanu.”

Iruhin Ananin Yopinyi Baraen Luk Nenyem Iri 22:37

Umu moneken, balan douk chenyemu nyaklimu yek ali nyetemu God ananik buk uli imas nyutoglu adulin. Balan enyudak, ‘Anan douk chonowanuhuk yowemi henek yowenyi uli.’ Adul, enyudak balan douk nyaklimu yek uli nameitu douk nyape nyatoglu adulin.”

Iruhin Ananin Yopinyi Baraen Luk Nenyem Iri 23:33

Ali echech chanak chatoglu agundak douk gnape kobi elpenyim boglom umu. Ali agagun douk chohwalagun, “Elpenyim Boglom.” Ali agnabuk, amam henek nyilumu Jisas umu lowag kruse. Ali amudak biam henek yowenyi uli, ananu chenek nyilumanu neil wobul anunamu Jisas ali ananu neil wobul alganomu.

Iruhin Ananin Yopinyi Baraen Luk Nenyem Iri 24:20

Ali apakim nebemi pris hanu amudak anam apakim nebemimu apakin kansol uli hokechanu nolu gavman echechis wis ali amam nebemimu gavman uli habo balan umu honu nugak. Ali anan douk ahenek nyilumanu lowag kruse ali hanu nagak.

Iruhin Ananin Yopinyi Baraen Jon Nenyem Iri 19:18

Douk hanak hakih ali amam soldia henek nyilimumu Jisas neil lowag kruse. Chopuk henek nyilimumu biam almam heil wibul wobul ali Jisas neil olokohun.

Iruhin Ananin Yopinyi Baraen Jon Nenyem Iri 19:24

Namudak ali amam soldia heneyagwleh hakli, “Apak kobi mukawechatu, wak. Mubilak meyoh kobi chabilak satu umu ali anabuk nunotukata-luli douk eke anabuk nunohwotu.” Amam douk henek namudak umu enyudak balan nyetemu God ananik buk uli nyutoglu adulin atin. Balan Enyudak. “Echech cheneyais yekih luseh chanohweh ali chabilak kobi chabilak satu umu chunotuk yekitu siot.” Ali amam soldia douk hanubu henek kobi enyudak balan nyaklimu.

Aposel 13:27

Chape Jerusalem uli almam almagou chanu echechim nebemi wak chudukemech umu anan douk nanakumali nugakomech ali wata nunolawech uli e, wak. Echechip ulkwip wak pugamu pulomen kalbu e enyudak balan seiwak amam profet henyemaguk ali chape chatalihen eheh nyumneh Sabat douk echech Juda moul wak chape meyoh ehi. Wakuli chenek amamim balan nyatoglu adulin umu chabo Jisas nagak umu.

Aposel 15:18

Seiwak Diginali nakliyuk enyudak balan ali nameitu chopuk douk nakliyen.”

Aposel 2:36

Namudak ali ipak punatimaguk Isrel imas pugamu pudukemech umu anudak Jisas douk panu penek nyilimumanu lowag kruse uli. God douk anenekanu natoglu Diginali uli Krais, douk anan God natalihanu ali nakaganu nanamali nunolau elpech uli.”

Aposel 3:18

Seiwak God nohul amam profet ali hanatimaguk hakliyuk umu anudak Krais douk God natalihanu ali nakaganu nanamali nunolau elpech uli. Hakli anan eke numnek nebehi nyih. Namudak ali nameitu enyudak God naklienyi balan douk nyanubu nyatoglu adulin atin. Douk pabo Jisas nagak.

Aposel 4:28

Chanaki chowachabal chape umu chunek nyanatimaguk moul douk seiwak nyak yet dodogowinyu atinyu ali nyaklimu nameitu eke chuneken uli.

Aposel 5:28

“Apak maklipepu dodogowinyi balan umu makli kobi puhul Jisas ananin yeul pinyemu ali punek skulumech God ananin balan, wak. Wakuli tik, nameitu chanatimaguk elpech chape Jerusalem uli douk chemneken cheyaten ipakin balan. Ali ipak pakli pukopu balan apak umu pakli apak mabo Jisas nagak.”

Aposel 5:30

Ipak pabo Jisas penek nilimumanu neil lowag kruse ali nagak. Wakuli apakich popech yamech echechinu God wata nanahul naitak nape.

Aposel 7:52

Wata klipe! Profet meinali douk ipakich yamech chape chatulunu meyoh wo chonu chunekanu anagu anagu uli e? Aduligu wak ananu e. Amudak douk haklipech umu Anudak Nenek Duldulin Atin Pasin Uli eke nunakumali uli douk cham hagak. Ali anan douk anatoglu ali ipak ponogilapamu anan ali pahwanu panak panu nagak.

Apudok Shup Douk Pol Nenekap Panam Eshesh Rom Iri 2:12

Ihech elpech douk wo chudukemu enyudak lo seiwak God nakaguk Moses enyi ali chenek yowenyili, God eke kobi nugipech enyudak lo ali nunek skelumech, wak. Wakuli echech eke chunak chuwichuk yet. Ali chanatimaguk Juda douk wosik chadukemen ali chenek yowenyili, God eke nugipech enyudak lo atin ali nunekumech nebenyi balan.

Apudok Shup Douk Pol Nenekap Panam Eshesh Rom Iri 4:17

Enyudak yakli enyi balan douk kobi God ananik buk kwaklimu. Kwakli God naklipu Ebraham nakli, “Yek ayenekenyu nyatoglu elpech douk chape wolobailubi walub kantri uli echechinyu yamenu.” God natik anan Ebraham umu, anan douk nanubu nape apakinu yamenu. Ebraham isave nenek bilip umu anudak God douk isave nohul chagak uli chaitak chape. Chopuk anudak God isave nakli balan atin ali enechi enech watak chutogloluli e douk chatoglu elpech chatulich.

1 Tesalonaika 2:15

Seiwak echech Juda chabo wolobaimi profet hagak. Aliga ali nubuwakihin yohwlegul chabo apakinu Diginali Jisas nagak. Ali apak biam atunu chopuk chakliwakapu ali dakio chenekapu anagu anagu ali chahiyahapu malhwas manamu kipaigunmu. Apak manak maklipech God ananin balan kipaichi elpech douk wo Juda uli e. Apak makli muklipech umu chumneken chugipechen ali anan nunalawech chutanamali chupe kalbu. Wakuli echech Juda chakli wak ali chakli chugalu apakih yah umu kobi munak muklipech. Namudak ali echech chablo God ananin laik ali chatoglu chanatimaguk elpech echechich birua. Likuk echech chape chenek wolobainyi yowenyi. Ali nameitu enyen douk nyanubu nyatoglu wolobainyi. Ali anan dakio nyihihichi-namech ali nakli ajulugin. Ali kwali anan eke nech.

1 Pita 1:2

Ipak douk Aninu God nanatalihepu kobi seiwak anan anaklimu. Ali chopuk, ananin Michin nyenekepu patoglu ananipu atipu elpech umu pugipech Jisas Krais ananin balan. Ali umu nipouh ananig butog umu gwunekepu pupe God ananipu atipu. Ali yek yakli God nunek enyudak bien pasin umu anan nagakomepu meyoh umu, nyunu enyudak umu nenek ipakiluh apaluh hlalu kalbamu nyunubu nyupenyipu ali nyutoglu nebeben numun ipakiluh apaluh.

1 Pita 1:20

Douk seiwak God wata nunek apudak atap e wakuli anan anatalihuk Krais umu nugak umu nulawepu putanamu pupe kalbu. Ali ehudak hagikuk uli nyumneh anan natoglu yopugunmomu nugakomu ipak.

1 Pita 2:8

Ali enen alagun balan nyakli namudak, “Kwali elpech eke chunotukwilep amudak utam ali eke chubih chugoul.” Echech eke chugoul umu moneken, echech chemnek God ananin balan ali wo chuhwen chugipechen e. Echech chenyubukuk ali dakio chagoul kobi seiwak God naklimu.

Apudok Shup Douk Jut Nenekap Iri 1:4

Umu moneken, anam almam henek loh hatoglu kobi God ananim umu ali hanabechuk hawichimu ipak God ananipu. Ali enen balan douk seiwak nyetemu God ananik Buk uli douk nyaklimu amudakumali almam. Enyen nyakli God douk anyihihichi-namom ali eke nusuh amamig kwotog ali nukli amam henek yowenyi uli. Amam douk wo hudukemu God e ali henek lohumech haklipech hakli bawogenyumu balan umu God nagakomapu meyoh umu douk namudak. Hakli, “Sapos echech wata chupe chunek yowenyimu, God eke nunelekech ali kobi nunekech chumnek nyih, wak.” Amam haklipech enyudak balan umu nyugakomu amamin enenyi enen yowenyi pasin umu chanasonukeh umu chanak hwaloh umu. Ali amam hakanaguk agabus Jisas Krais douk nanubu anan atunu Dodogowinali Diginali.

Revelesen 13:8

Ali chunatimaguk elpech douk chape apudak atap uli eke chunek lotumu enyudak mahin. Chanatimaguk echudak elpech douk seiwak God wata nunek apudak atap e, ali anan wo nuwemu echechiguh yeguh hwutemu okwudak buk douk echudak elpech eke chupe kalbu eheh nyumneh uli echechiguh yeguh hwutemeyokwi. Okwudak buk douk enyudak Nugan Sipsip douk seiwak chan nyagak uli enyenyik.