Apudok Shup Douk Pol Nenekap Panam Eshesh Rom Iri 10:3 - Iruhin Ananin Baraen

³ Um maresh? Eshesh douk shakri uwok um shudukem ahudok yah douk Iruhin natik arpesh nahwaresh yopishi arpesh um. Aria shape sheshakom-ogun um shugipesh anah eshesh kanak esheshih yah um Iruhin nutrish nuhwaresh yopishi arpesh um. Namudok aria shakri uwok um shupe shakamum anan shugipesh ananih yah aria nutrish nuhwaresh yopishi arpesh, shakri uwok.

God Ananin Balan

³ Umu moneken, echech douk chakli wak umu chudukemu ahudak yah douk God natik elpech nohwalech duldulichimu. Ali chape chechakomech umu chugipech anah echech yet echechih yah umu God nutulich nuhwalech duldulichimu. Namudak ali chakli wak umu chupe chakamomu anan chugipech ananih yah ali nutulich nuhwalech duldulichi, chakli wak.

Apudok Shup Douk Pol Nenekap Panam Eshesh Rom Iri 10:3 Iomraidhean Croise

Iruhin Ananin Yopinyi Baraen Luk Nenyem Iri 10:29

Aria anudok nenek skulumesh um lo iri nakri Jisas nutrun nuhwaran yopunyi arpen. Douk namudok aria anan narig Jisas nakri, “Aria eshudok shape hurukatin um eik iri douk meishi?”

Iruhin Ananin Yopinyi Baraen Luk Nenyem Iri 16:15

Aria Jisas nakripam nakri, “Ipak pakri punek ipakihi yopihi aih agundok kupaishi arpesh shapeum shutrip aria shuhwarep yopishi arpesh. Aria Iruhin douk nadukem ipakip urkwip por panak um. Eshudok douk arpesh shatrish aria mishish shakitakumesh abom iri, eshudok douk Iruhin natrish aria nakri yoweishi abom.

Apudok Shup Douk Pol Nenekap Panam Eshesh Rom Iri 1:17

Umum maresh? Enyudok Iruhin ananin yopinyi baraen adur apa nyowereh ananih yopihi aih. Nyowerehah um agundok anan narao arpesh shasuhw ananin baraen dodog shagipeshen um douk nahwaresh yopishi arpesh. Eshesh shenek bilip atin aria Iruhin natrish nahwaresh yopishi arpesh. Kabi douk baraen nyetem Iruhin ananik Buk iri nyakrium. Nyakri namudok, “Arpen nyusuhw Iruhin ananin baraen dodog nyugipeshen iri, anan ta nuhwaren yopunyi arpen aria enyen ta nyupe wosik ihih nyumneh.”

Apudok Shup Douk Pol Nenekap Panam Eshesh Rom Iri 10:2

Eshesh douk yatrish yadukemesh wosik abom. Aria douk yakri enyudok baraen. Yakri eshesh dodogowish atish abom um agundok shagipesh Iruhin ananih aih um. Aria eshesh douk madae shudukemeh wosik aria douk shugipesheh uwe, uwok.

Apudok Shup Douk Pol Nenekap Panam Eshesh Rom Iri 10:20

Profet Aisaia douk dodogowin atun nakriyuk enyudok Iruhin ananin baraen. Nakri, “Arpesh douk madae shupe um shurime iri uwe douk shaparage. Eik douk yanowereh yatogur abom um arpesh douk madae shisorik enesh um eik iri uwe.”

Apudok Shup Douk Pol Nenekap Panam Eshesh Rom Iri 11:7

Namudok aria ta mukri mumam? Eshudok douk eshesh Israel dodogowishi atish shape shaurimesh iri douk madae shuparugesh uwe, uwok. Aria karowish Israel meyoh douk Iruhin nagraehesh iri atish wosik shaparugesh. Eshudok enesh kupaishi uwok. Esheshigos baragos sheshuk abom.

Apudok Shup Douk Pol Nenekap Panam Eshesh Rom Iri 3:22

Ahudok yah douk namudok. Ihishmorim arpesh shusuhw Jisas Krais ananin baraen dodog ba shigipeshen iri, Iruhin apa nahwaresh yopishi arpesh. Anan nenekesh namudok um ihishmorim agundok atapishi arpesh shopunek ta shenek bilip um Krais atin aria shugim ahudok atuh yah. Umum maresh? Anan nenekesh namudok atin um ihishmorim arpesh. Apak ihipmorim douk monek yoweishi inahos iri aria adur atin mapeik rougun um Iruhin aria madae murao ananih yopihi aih uwe, uwok.

Apudok Shup Douk Pol Nenekap Panam Eshesh Rom Iri 3:26

Iruhin nenek enyudok um douk niyabigap ananih yopihi adurih aih ba matrih. Nenekesh namudok um niyabigap anan douk yopini abom nenek yopihi atih aih iri. Aria shopunek nenekesh namudok ba neyabigap um ihishmorim shasuhw Jisas ananin baraen dodog shagipeshen iri douk anan apa nahwaresh nakri yopishi arpesh.

Apudok Shup Douk Pol Nenekap Panam Eshesh Rom Iri 5:19

Atun arman madae numnek Iruhin ananin baraen. Namudok aria sabaishi arpesh shatogur shenek yoweishi inahos atish iri. Aria namudok atin. Atun arman wata nasuhw Iruhin ananin baraen nagipeshen namudok aria sabaishi arpesh ta shutogur yopishi arpesh.

2 Korin 5:21

Krais anan douk yopuni. Madae nunekesh atish uwe yoweishi inahos. Aria Iruhin douk nakri nutaurumap, namudok aria ihishmori apak menekesh iri yoweishi inahos douk nenekesh shato Krais atun abom aria natogur kabi nenek yoweishi inahos atin iri um. Iruhin nenekesh namudok um apak munatukur Krais aria mutogur Iruhin ananishi yopishi arpesh.

Filipai 3:9

aria yakri abom um itukur anan. Eik yakri uwok um irao nyeigur yopuni arman um agundok igipesh enyudok lo seiwok Iruhin nakoguk Moses enyi um uwe, uwok. Aria yakri irao nyeigur yopuni arman um douk namudok. Eik inek bilip abom um Krais Jisas aria namudok douk Iruhin natiwe nohware yopuni arman.

2 Pita 1:1

Eik Saimon Pita douk yape shakamum Jisas Krais yenek ananin mour aria nagraehe um inek mour aposel um inak ikripesh ananin baraen aria yenekumepogu apudok shup ipak. Eik yenekapumagu ipak arpesh douk parao enyudok atin dodogowinyi bilip kabi douk apak maraen iri um. Jisas Krais apakin Iruhin douk nataurumap narapi mape wosik iri nenek yopihi atih aih aria nataurumep pemnek ananin baraen pasuhwen dodog.