Aposel 10:4 - Iruhin Ananin Baraen

⁴ Kornilius napuhur natrin abom aria nanogugur. Aria nakri, “Debeini, maresh?” Aria enyudok ensel nyakri, “Iruhin anan urkum morumenyum agundok nyak nyape nyenek beten nyarigan um. Enyudok nyeneken iri yopinyi um nyekesh yaruhish um eshudok eneshenesh iri um douk shopunek natrin aria urkum morumen.

God Ananin Balan

⁴ Konilias nepuhul natulin ali elgeinu. Ali nakli, “Nebenyali, moneken?” Ali ensel nyakli, “God anan ulkum amolomenyamu agundak nyak nyape nyenek beten nyasolikanamu. Enyudak nyeneken uli yopinyi umu nyakech echudak elpech chanahwagagun umu echudak ulimu douk chopuk anatulin ali ulkum molomenyu.

Aposel 10:4 Iomraidhean Croise

Matyu 26:13

Eik yakripep adurin baraenyum ihigunum um agudok nahobig kweipon shunak ba shukripesh enyudok Iruhin ananin yopinyi baraenyum. Eshesh ko shiyagwrehum eshudok eneshenesh douk okwudok armatok kwonegeshi shopunek, aria esheship urkwip ko purum okwok.”

Iruhin Ananin Yopinyi Baraen Luk Nenyem Iri 1:29

Aria Maria kwomnek enyudok baraen aria okwok urkum yowem. Okwok madae kwudukem baugenyum enyudok baraen ensel nyakripoken iri uwe.

Iruhin Ananin Yopinyi Baraen Luk Nenyem Iri 24:5

Aria owo watik namudok aria owo wanogugur abom aria wourem watik atap. Aria amudok biom armam harigo hakri, “Ipak panaki paurim anudok douk wata nakitak nape iri agundok sharom shagok iri um maresh?

Aposel 10:31

Aria nakripe nakri, ‘Kornilius, Iruhin nemnek nyakin beten aria urkum morum enyudok yopinyi mour um nyako yaruhish iri um.’

Aposel 14:9

Aria anan douk nape nemnek Pol um nape nakripesh baraen um. Pol natrun duk anudok arman aria natik um anan nenek bilip nakri Jisas ta nugabeyan.

Aposel 22:10

Aria eik yarig yakri, ‘Debeini, douk ta inek maresh?’ Aria debeini nakripe nakri, ‘Kakitak nyunak nyuwish abrudok wabur Damaskus. Nyuwish aria ta shukripen um ihinyumori mour douk eik yagraehen yeshopoken um nyak nyuneken iri.’

Aposel 3:4

Pita nani Jon hatrun duk aria Pita nakri, “Nyak truhwari!”

Filipai 4:18

Ipakish yopishi eshudok pakri Epafroditus nasuwesh-umeri iri douk nekeyesh. Namudok aria douk abudok nyutob, eik douk yasuhw sabaishi eshudok um wosik ume. Enesh douk watak shakus meyoh. Eshudok ipak pekesh iri douk kabi enesh yopishi eshudok douk penek ofamesh peshaisheh pako Iruhin aria nemnek yopuri unar nakri wosik nanadudareh-umesh iri.

Filipai 4:6

Ipakish mishish mare yowesh um enesh eshudok eneshenesh, uwok. Aria eneshenesh eshudok shukri shutogrumep um, ipak ta punek beten porik Iruhin. Porigan um ta nutaurumep um eshudok douk ipak pakri nutaurumep-umesh iri. Punek beten porigan aria punek tenkyuman.

Hibru 13:16

Aria shopunek ipak ta punek yopinyi um arpesh. Ta enesh yaruhish um enesh eshudok eneshenesh um, ipak ta putaurumesh pukesh enesh ipakish um yaruhish. Ipak mare urkwip pukepuk um punek enyudokmori um, uwok. Iruhin nanadudareh-umen abom iri ofa douk enyudokmori.

Hibru 6:10

Iruhin anan douk madae anan yoweini arman uwe, uwok. Anan ta mare urkum mukonaguk um yopinyi mour ipak peneken iri, uwok. Ipak douk pataurum ananish arpesh aria namudok douk peyabigan um agundok ipakip urkwip panawasham anan abom um. Aria ipak douk watak pape pataurumesh namudok atin.

Revelesen 8:4

Aria nyih hanu enyudok paura douk enyudok ensel nyasuwen enyenyis wis iri aria nyugus sani Iruhin ananish arpesh esheshin beten shakitak shato um agundok Iruhin napeum.