تِيطُس 3:2 - كِتاب العَهد الجَّديد مِن الكِتاب المُقَدَّس

² و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

تِيطُس 3:2 Iomraidhean Croise

مَتَّى 11:29

شيلو نيرِي عَليكُم، و إتعَلَّمو مِنّي، عَشان انا لَيِّن، و قَلبي مِتواضَع، و بِتَلقو راحَه لِنُفوسكُم.

أعمال الرُّسُل 23:5

و بُولُس قال: ”يا أخوان، ما عِرِفتَ هو رَئيس القُسُس، عَشان مَكتوب، ما تَقول كِلمَه بَطّالَه عَن رَئيس شَعبَك.“

١ كُورِنْثُوس 6:10

ولّا الحَراميَه، ولّا الطَّمّاعين، ولّا السَّكرانين، ولّا الشَّتَّامين، ولّا السَّرّاقين بِيورَثو مَلَكوت الله.

١ كُورِنْثُوس 9:19

و لَو أنا حُر مِن كُل النّاس، عَمَلتَ نَفسي خَدّام لِكُل النّاس، عَشان أربَح ناس أكتَر.

٢ كُورِنْثُوس 10:1

و بَطلُب ليكُم بِوَداعَة المَسيح و صَبرو، أنا نَفسي، بُولُس، البَخُت نَفسي تِحِت لَمّا أكون مَعاكُم لَكِن عِندي شَجاعَه لَمّا أكون بَعيد.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 6:1

يا أخوان، إذا الذَّنب مَسَك بِواحِد، النّاس الرّوحيين بينكُم يَرَجِعوهو بِروح الوَداعَه. لَكِن شوف نَفسَك. يِمكِن إنتَ كَمان تَكون مُجَرَّب.

غَلَاطِيَّه 6:10

عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

أفَسُس 4:2

كونو مِتواضِعين و لُطَفاء، و أصبُرو بَعضَكُم بَعض في المَحَبَّه.

أفَسُس 4:31

و شيلو مِنَّكُم كُلّو قَلب مُر، و زَعل، و غَضَب، و كوراك شَديد، و كُلّو مَكَر.

فيلِبّي 4:5

خَلّو كُل النّاس يَعرِفو صَبِركُم. الرَّب قَريب!

١ تَسَالُونِيكِي 2:7

و لَكِن كُنّا لُطاف في وَسِطكُم زي أُم تَرَبّي أولادا.

١ تِيمُوثَاوُس 3:11

و زي دا كَمان، خَلّي نَسوانُم يَكونو مُحتَرمات، ما بِشتِمو، يَمسِكو نُفوسُم، و أمينات في كُلّو حاجَه.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

يَعْقُوب 4:11

يا أخوان، ما تِتكَلَّمو الشَّر بَعضَكُم بَعض. البِتكَلَّم الشَّر عَلى أخوهو ولّا يَحكُم عَلى أخوهو، يتكَلَّم ضِد القانون، و يَحكُم عَلي القانون. و إذا تَحكُم عَلى القانون، إنتَ ما عامِل بِالقانون، لَكِن إنتَ قاضي ليهو.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

١ بُطْرُس 3:10

عَشان: ”الدّايِر يَحِب الحَياة و يَشوف أيام طَيبَه، خَليهو يَحفَظ لِسانو مِن الشَّر و خَشمو مِن كَلام الغِش.

١ بُطْرُس 3:8

في الآخِر، كُلُّكُم كونو مُتَّفقين في فِكر، حَنينين بَعضَكُم بَعض، حِبّو زي أخوان، كونو رُحَما و مِتواضِعين.

١ بُطْرُس 4:4

هُم يِستَغرَبو أنَّكُم ما بِتَجرو مَعاهُم لِزيادَة السَّفاهَه زاتا. و يَشتِموكُم.

٢ بُطْرُس 2:10

و بِكون كِدا خُصوصاً لِديل اليَمشو في شَهوَه وَسخانَه بِتاعَت الجِّسِم، و يَحتَقِرو السُّلطَه. النّاس ديل بِدون خوف و مِتكَبِّرين، و ما بِخافو يَجَدِّفو عَلى العِندَهُم مَجد.

يَهُوذَا 1:10

لَكِن ديل يَجَدِّفو عَلى الما يَفهَمو. و هُم يَسَوّو زي الحَيوانات الما عِندَهُم عَقل اليَمشو بِطَبيعَتُم. و بِالطَّرِيقَه دي يَخرِبو نُفوسُم.

يَهُوذَا 1:8

و كِدا كَمان، ديل، البِحلَمو، بيَعمِلو حاجات يَنَجِّسو أجسامُم، و يَرفُضو السُّلطَه و يَشتِمو الكُبار الفي السَّما.