تِيطُس 2:12 - كِتاب العَهد الجَّديد مِن الكِتاب المُقَدَّس

¹² و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.

تِيطُس 2:12 Iomraidhean Croise

مَتَّى 12:32

و اليَقَول كِلمَه بَطّالَه ضِد إبن الإنسان، بِكون مَغفور ليهو. و لَكِن اليَقول ضِد الرّوح القُدُس ما بِكون مَغفور ليهو، ما في الزَّمَن دا ولّا في الزَّمَن الجّاي.

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

لُوقَا 1:6

و هُم الإتنين كانو عادِلين قِدّام الله، ماشين حَسَب أوامِر الرَّب كُلَّها و في كُلّو قَوانينو بِدون لوم.

لُوقَا 1:75

بِقَداسَه و بِر قِدّامو كُلّو أيام حَياتنا.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

يُوحَنَّا 6:25

و لَمّا لِقوهو في الجَّمب التّاني لِلبَحَر، قالو ليهو: ”يا مُعَلِّم، إنتَ جيت هِنا مِتين؟“

أعمال الرُّسُل 24:16

كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

أعمال الرُّسُل 24:25

و وَكِت ما كان بِتكَلَّم عَن البِر و مَسِك النَّفس و الحُكم الجّاي، فِيلِكْس خاف و قال: ”هَسَّع كِفايَه، أمشي. و لَمَّن ألقى فُرصَه، بَناديك.“

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

رُومِيَه 6:12

عَلَشان كِدا، ما تَخَلّو الخَطيَّه تَملِك في جِسِمكُم البِموت فِشان تَطيعو شَهوَتو.

رُومِيَه 6:19

بَتكَلَّم بِكِلمات الزّول، عَلَشان، الضُّعف الفي جِسِمكُم. كُنتو تَدّو أعضاءكُم خَدّامين لِلنَّجاسَه و الشَّر الكَتير. كِدا كَمان هَسَّع أدّو أعضاءكُم خَدّامين لِلبِر و لِلقَداسَه.

رُومِيَه 8:13

عَشان إذا تَعيشو حَسَب الجِّسِم، بِتموتو. و لَكِن إذا بِالرّوح تَكتُلو أعمال الجِّسِم، بِتعيشو.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

غَلَاطِيَّه 5:24

لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

أفَسُس 1:4

عَشان هو إختارنا مِن قُبّال خَليقَة الدُّنيا عَشان نَكون قِدِّيسين و بِدون لوم قِدّامو.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

كُولُوسِّي 1:22

لَكِن هَسَّع هو صالَحكُم بِجِسمو الإنساني بِالموت. و هو عَمَل دا عَلَشان يَجيبكُم قِدّامو قِدِّيسين و بِدون عيب ولّا لوم.

١ تَسَالُونِيكِي 4:7

عَشان الله ما نادانا لِلنَّجاسَه، لَكِن في القَداسَه.

١ تَسَالُونِيكِي 4:9

لَكِن بِخُصوص المَحَبَّه لِلأخوان، إنتو ما مُحتاجين أن أكتِب ليكُم عَن دي. عَشان نُفوسكُم مِتعَلِّمين مِن الله أن تَحِبّو بَعضَكُم بَعض.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

١ تِيمُوثَاوُس 6:9

لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

٢ تِيمُوثَاوُس 3:12

و بِالحَق بِطرُدو كُل العاوزين يَعِيشو في خوف الله في المَسيح يَسُوع.

٢ تِيمُوثَاوُس 4:10

عَلَشان دِيمَاس خَلّاني، عَشان هو حَبَّ الدُّنيا الحاضِرَه، و مَشى لِتَسَالُونِيكِي. كِرِيسْكِيس مَشى لِغَلَاطِيَّه، و تِيطُس لِ دَلْمَاطِيَّه.

تِيطُس 3:3

عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.

عِبرانيين 8:11

و هُم ما بِعَلِّمو كُلّو واحِد جارو ولّا كُلّو واحِد أخوهو، و بِقولو: أعرِف الرَّب، عَشان كُلُّهُم بِيِعرِفوني، مِن الصُّغار لِلكُبار.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

٢ بُطْرُس 2:9

و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

١ يُوحَنَّا 2:6

البقول هو بِسكُن فيهو، لازِم يَمشي زي ما هو مَشى كَمان.

١ يُوحَنَّا 5:19

بِنَعرِف نِحنا مِن الله، و الدُّنيا كُلَّها تِحِت سُلطَة الشَّرّير.

يَهُوذَا 1:18

عَشانُم كانو بِقولو ليكُم: ”بِكونو في زَمَن الأخير ناس يِضحَكو عَلى الله، ماشين حَسَب شَهوَاتُم الشَّرّيرَه.“

رؤيا 14:12

و في دا يَظهَر صَبر القِدِّسين، ديل البِحفَظو أوامِر الله و إيمان بِيَسُوع.