تِيطُس 1:4 - كِتاب العَهد الجَّديد مِن الكِتاب المُقَدَّس

⁴ لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

تِيطُس 1:4 Iomraidhean Croise

لُوقَا 2:11

إتوَلَد ليكُم النَّهار دا في مَدينَة دَاوُد مُخَلِّص، و هو الرَّب المَسيح.

يُوحَنَّا 4:42

و قالو لِلمَرَه: ”بَعَد دا نِحنا ما آمَنّا عَلَشان الكَلام بِتاعِك بَس، لَكِن عَشان نِحنا بِزاتنا سِمِعنا، و عِرِفنا إنّو دا هو بِالحَقيقَه المَسيح، مُخَلِّص الدُّنيا.“

رُومِيَه 1:12

يَعني بِتكون عِندَنا شَجاعَه مَعَ بَعض بِالإيمان الفي كُلُّنا، إيمانكُم و إيماني.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

٢ كُورِنْثُوس 12:18

أنا طَلَبتَ لِتِيطُس يَمشي ليكُم، و رَسَّلتَ مَعاهو الأخو تِيطُس. تِيطُس طَمَع فيكُم؟ نِحنا ما مَشينا بِروح واحِد؟ و تِبِعنا طَريق واحِد؟

٢ كُورِنْثُوس 2:13

و لَكِن ما كانَت عِندي راحَه في روحي عَشان أنا ما لِقيت تِيطُس أخوّي. و قُلتَ ليهُم مَعَ السَّلامَه، و مَشيت لِمَكِدونيَّه.

٢ كُورِنْثُوس 4:13

و عِندَنا روح الإيمان زاتو زي ما مَكتوب: ”آمَنتَ، عَلَشان كِدا إتكَلَّمتَ.“ و نِحنا كَمان بِنآمِن، و عَلَشان كِدا بِنِتكَلَّم.

٢ كُورِنْثُوس 7:6

لَكِن الله البِدّي راحَه لِلمِتواضِعين، أدّا راحَه لينا لَمّا تِيطُس جا.

٢ كُورِنْثُوس 8:16

و لَكِن شُكراً لِلَّه الخَتَّ نَفس الإهتِمام فِشانكُم في قَلب تِيطُس.

٢ كُورِنْثُوس 8:23

و عَن تِيطُس، هو شَريك لَي و شَغّال مَعاي فِشانكُم. و عَن أخوانّا، هُم رُسُل الكَنايس و مَجد المَسيح.

٢ كُورِنْثُوس 8:6

عَشان كِدا طَلَبنا لِتِيطُس يَكَمِّل بينكُم النِّعمَه دي، زي ما هو إبتَدا يَعمِل مِن قُبّال.

غَلَاطِيَّه 2:3

لَكِن تِيطُس، الكان مَعاي، و هو إغريقي، ما جَبَروهو يَكون مُطَهَّر.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

أفَسُس 1:2

نِعمَه ليكُم و سَلام مِن الله أبونا و الرَّب يَسُوع المَسيح.

كُولُوسِّي 1:2

لِلأخوان القِدِّسين، المؤمِنين في المَسيح في كُولُوسِّي. نِعمَه ليكُم و سَلام مِن الله أبونا و الرَّب يَسُوع المَسيح.

١ تِيمُوثَاوُس 1:12

و أنا أشكُر المَسيح يَسُوع رَبَّنا الأدّاني قُوَّه، عَشان هو حَسبني أمين و إختارني لِخِدمَتو.

٢ تِيمُوثَاوُس 1:1

مِن بُولُس رَسول المَسيح يَسُوع بِإرادَة الله حَسَب الوَعد بِالحَياة الفي المَسيح يَسُوع،

٢ تِيمُوثَاوُس 1:2

لِتِيمُوثَاوُس، وَلَدي المَحبوب: نِعمَه و رَحمَه و سَلام مِن الله الأبو و المَسيح يَسُوع رَبّانا.

٢ تِيمُوثَاوُس 4:10

عَلَشان دِيمَاس خَلّاني، عَشان هو حَبَّ الدُّنيا الحاضِرَه، و مَشى لِتَسَالُونِيكِي. كِرِيسْكِيس مَشى لِغَلَاطِيَّه، و تِيطُس لِ دَلْمَاطِيَّه.

تِيطُس 1:3

لَكِن هو وَرّا كلمَتو في وَكتا. و هو إتَّكَل عَلي أن أبَشِّر بِحَسَب أمر مُخَلِّصنا الله.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

٢ بُطْرُس 1:11

و كِدا بِكون مُجَهَّز ليكُم دُخول بِغِنى لِمَلَكوت رَبَّنا و مُخَلِّصنا يَسُوع المَسيح الأبَدي.

٢ بُطْرُس 2:20

عَشان إذا هُم نَجو مِن خَرابات الدُّنيا بِمَعرِفَة الرَّب و المُخَلِّص يَسُوع المَسيح، و بَعَد دا رَجَعو و إتغَلَبو، حالُم في الآخِر بِكون أكعَب مِن الأوَّل.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

٢ بُطْرُس 3:2

أنا عاوِزكُم تِتزَكَّرو كِلمات الأنبياء القِدِّسين الإتكَلَّمو بيها مِن قُبّال، و أمر الرَّب و المُخَلِّص الجّا ليكُم بِرُسُلكُم.

١ يُوحَنَّا 5:14

و دا التأكيد العِندَنا فيهو، إذا نَطلُب أي شي بِحَسَب إرَادَتو، هو بِسمَع لينا.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.