تِيطُس 1:10 - كِتاب العَهد الجَّديد مِن الكِتاب المُقَدَّس

¹⁰ عَشان في ناس كَتيرين الما بِطيعُو، البِتكَلَّمو بِدون فايدَه و بِغِشّو، و خُصوصاً مِن النّاس المُطَهَّرين.

تِيطُس 1:10 Iomraidhean Croise

مَتَّى 23:14

حُزن ليكُم، يا مُعَلِّمين القانون و الفَرّيسيّين، المُنافِقين، عَشان إنتو تاكلو بُيوت النِّسوان الرُّجالُم ماتو، و تَصَلّو صَلاه طَويلَه بِالغِش. عَلَشان كِدا، بِتَقبَلو حُكم أكبَر.

أعمال الرُّسُل 11:2

و لَمّا بُطْرُس طَلَع لِأُورُشَلِيم، النّاس المُطَهَّرين شاكَلوهو.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 15:24

سِمِعنا بَعض النّاس مَرَقو مِنَّنا و حَرَّكوكُم و حَيَّرو نُفوسكُم بِكلماتُم. و نِحنا ما أمَرناهُم يَسَوّو كِدا.

أعمال الرُّسُل 20:29

و أنا بَعرِف بَعَد ما مَشيت، دياب مِتوَحِّشين بِدخُلو، و ما بِرحَمو عَلى المُراح.

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

١ تِيمُوثَاوُس 1:4

ولّا يَخَلّو بالُم لِحِكايات ولّا يَفَتِّشو عَلى الأجيال بِدون نِهايَه. الحاجات ديل يَجيبو الأسئلَه بَدَل مِن تَرتيب الله بِالإيمان.

١ تِيمُوثَاوُس 1:6

و بَعَض مِن النّاس وَدَّرو مِن الحاجات دي و إتلَفَتو لِكَلام بِدون مَعنى.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

٢ تِيمُوثَاوُس 4:4

و هُم يَدَوِّرو إضنينُم مِن الحَق، و يَرَجِّعو عَنّو لِحِكايات النّاس.

تِيطُس 1:6

الشّيخ لازِم يَكون بِدون لوم، راجِل عِندو مَرَه واحدَه، و أولادو مؤمِنين و ما يَشتَكو مِنَّهُم بيَعمِلو الدَوشَه ولّا ما بِطيعُو.

يَعْقُوب 1:26

إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

١ يُوحَنَّا 2:4

البقول: ”أنا بَعَرفو،“ و هو ما بِحفَظ أوامِرو، هو كَضّاب، و الحَق ما فيهو.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

رؤيا 2:14

و لَكِن أنا عِندي حاجات قَليلَه عَليك. إنتَ عِندَك هِناك ناس ماسكين بِتَعليم بَلعام الكان بِعَلِّم بالاق أن يَكون سَبَب لِلخَطيَّه لِبَني إِسْرَائِيل. هو عَلَّمُم أن ياكلو مِن الأكل الكان مَضبوح لِلأصنام و يَعمِلو الزِّنا.

رؤيا 2:6

و لَكِن إنتَ عِندَك الحاجَه الكوَيسَه دي، إنتَ بِتَكرَه أعمال ناس نُقُلاوي و أنا كَمان بَكرَها.