رُومِيَه 9:30 - كِتاب العَهد الجَّديد مِن الكِتاب المُقَدَّس

³⁰ عَلَشان كِدا بِنقول شِنو؟ الأُمَم الما يَطلُبو البِر، هُم حَصَّلو عَلى البِر، يَعني البِر البِإيمان.

رُومِيَه 9:30 Iomraidhean Croise

رُومِيَه 10:10

عَشان الإنسان بِآمِنو بِالقَلب لِلبِر، و بِعتَرِف بِالخَشم عَشان يَخلَص.

رُومِيَه 10:20

و كِدا إِشَعْيَاء يَقول بِدون خوف: ”الما طَلَبوني لِقوني، و وَرّيت نَفسي لِلنّاس الما سَألو عَنّي.“

رُومِيَه 10:6

لَكِن البِر المِن الإيمان يَقول كِدا: ”ما تَقول في قَلبَك، مِنو يَطلَع لِلسَّما؟ يَعني عَلَشان يَنَزِّل المَسيح.“

رُومِيَه 3:5

و لَكِن إذا ذَنبَنا يَوَرّي بِر الله، بِنقول شِنو؟ الله مُظلِم لَمّا يَجيب زَعلو عَلينا؟ بَتكَلَّم زي ما بِقولو النّاس.

رُومِيَه 4:11

و أخَد عَلامَة الطَّهور زي خِتِم لِلبِر الكان عِندو بِإيمان لَمّا هو لِسَّع ما كان مُطَهَّر. و بِدا بِقى أبو لِكُل البِآمِنو و هُم لِسَّع ما مُطَهَّرين، عَلَشان يَحسِبو ليهُم البِر كَمان.

رُومِيَه 4:13

الله وَعَد لِإِبْرَاهِيم و أولادو، إنّو يَكون وارِث الدُّنيا. و دا ما عَشان إِبْرَاهِيم طاع القانون، لَكِن عَشان آمَن بِالله.

رُومِيَه 4:22

عَلَشان كِدا، سَوَّاهو بار.

رُومِيَه 4:9

البَرَكَه دي لِلمُطَهَّر بَس، ولّا لِلما مُطَهَّر كَمان؟ إِبْرَاهِيم آمَن بِالله، و دا سَوَّاهو بار قِدّام الله.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 9:14

عَلَشان كِدا بِنقول شِنو؟ يِمكِن الله ما عادِل؟ أبَداً!

رُومِيَه 9:31

لَكِن إِسْرَائِيل و هُم طَلَبو البِر بِحَسَب القانون ما حَصَّلو عَليهو.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

غَلَاطِيَّه 3:24

و كِدا القانون كان مُعَلِّمنا البِقودنا لِلمَسيح، عَشان نِتبَرَّر بِالإيمان.

غَلَاطِيَّه 3:8

الكِتاب إتقَدَّم و شاف أن الله يَبَرِّر الأُمَم بِالإيمان. و بَشَّر إِبْرَاهِيم مِن قُبّال و قال: ”كُل الأُمَم يَكونو مُبارَكين فيك.“

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

أفَسُس 2:12

عَشان إنتو كُنتو في الوَكِت داك بِدون المَسيح، غَريبين عَن أهل إِسْرَائِيل، غَريبين عَن إتِّفاقات الوَعَد، بِدون رَجاء و بِدون الله في الدُّنيا.

فيلِبّي 3:9

و عَشان هو يَلقاني فيهو، مُش بِبِرّي المِن القانون، و لَكِن بِالبِر البِالإيمان بِالمَسيح، البِر المِن الله بِالإيمان.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

١ بُطْرُس 4:3

إنتو صَرَفتو وَكِت كِفايَه عامِلين إرادَة الأُمَم، ماشين في الفَضيحَه، و الشَّهوات، و السُّكر، و حَفلات لِشُرُب الخَمر، و السَّفاهَه، و عِبادَة الأصنام المَكروهَه.