رُومِيَه 8:7 - كِتاب العَهد الجَّديد مِن الكِتاب المُقَدَّس

⁷ عَشان فِكر الجِّسِم يَحارِب الله. هو ما بِطيع قانون الله عَلَشانو ما بِقدَر يَطيعو.

رُومِيَه 8:7 Iomraidhean Croise

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 5:19

البِخرَب واحِد مِن أصغَر القَوانين ديل و يَعَلِّم النّاس كِدا، بِيَحسِبوهو أصغَر واحِد في مَلَكوت السَّما. و لَكِن اليَعمِل و يَعَلِّمُم، بِيَحسِبوهو كَبير في مَلَكوت السَّما.

يُوحَنَّا 7:7

ناس الدُّنيا ما بِقدَرو يَكرَهوكُم، لَكِن يَكرَهوني أنا، عَشان أنا بَشهَد عَليهُم إنّو أعمالُم بَطّالَه.

رُومِيَه 1:28

و عَشانُم ما إفتَكَرو في فايدَه مِن مَعرِفَة الله، الله سَلَّمُم لِخَراب الفَهم عَشان يَعمِلو المَمنوع.

رُومِيَه 1:30

و يَشتِمو، و يَكرَهو الله، و يَرفَعو مَناخيرُم، و يَشكُرو نُفوسُم. و هُم نَفّاخين، مِفَكِّرين في طُرُق جَديدَه عَشان يَعمِلو الشَّر، ما يَطيعو والِدينُم،

رُومِيَه 3:31

و كِدا نَبَطِّل القانون بِالإيمان؟ أبَداً! لَكِن نَثَبِّت القانون.

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

رُومِيَه 7:22

عَشان بَكون مَبسوط بِقانون الله في جُوَّه نَفسي،

رُومِيَه 8:4

الله عَمَل دا عَلَشان تَتِم فينا الواجِبات الطَّيبَه بِتاعَت القانون، نِحنا الما ماشين بِحَسَب الجِّسِم، لَكِن بِحَسَب الرّوح.

١ كُورِنْثُوس 2:14

و لَكِن الزّول الما عِندو الرّوح ما يَقبَل حاجات روح الله، عَشان دي عِندو حاجَه بَليدَه. و هو ما بِقدَر يَعرِفا، عَشان الحاجات دي مَفهومَه بِالرّوح.

١ كُورِنْثُوس 9:21

و لِلنّاس البِدون قانون بِقيت زي ما أنا بِدون قانون. لَكِن أنا مُش بِدون قانون لِلَّه، لَكِن أنا تِحِت قانون لِلمَسيح عَشان أربَح ديل البِدون قانون.

كُولُوسِّي 1:21

و إنتو قُبّال دا كُنتو غَريبين عَن الله، و عُدوان ليهو في الفِكر، و بِالأعمال البَطّالَه.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

٢ تِيمُوثَاوُس 3:4

و هُم خايِنين، جَرّايين، مُحِبّين نُفوسُم، بِحِبّو السُّرور لَكِن ما بِحِبّو الله.

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

٢ بُطْرُس 2:14

و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه!