رُومِيَه 8:3 - كِتاب العَهد الجَّديد مِن الكِتاب المُقَدَّس

³ الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

رُومِيَه 8:3 Iomraidhean Croise

مَرْقُس 15:27

و صَلَبو مَعاهو إتنين حَراميَّه، واحِد عَن يَمينو و التّاني عَن شِمالو.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 9:24

و مَرَّه تانيَه نادو الرّاجِل الكان عَميان، و قالو ليهو: ”أَدِّي المَجد لِلَّه. نِحنا بِنَعرِف الرّاجِل دا خاطي.“

أعمال الرُّسُل 13:39

و بيهو كُلّو واحِد البِآمِن، يِتبَرَّر مِن كُلّو شي قانون مُوسَى ما قِدِر يَعمِلو بار.

رُومِيَه 3:20

عَلَشان كِدا، و لا زول يِتبَرَّر قِدّام الله بِأعمال القانون، عَشان بِالقانون يَجي مَعرِفَة الخَطيَّه.

رُومِيَه 6:6

عَشانّا بِنَعرِف دا، نَفسَنا القَديمَه إنصَلَبَت مَعاهو، عَلَشان يَوَقِّف قُوَّة جِسم الخَطيَّه، عَشان ما بِنكون خَدّامين لِلخَطيَّه بَعَد دا.

رُومِيَه 7:18

بَعرِف ما في حاجَه طَيبَه تَعيش فِيني، يَعني في جِسمي. عَشان عِندي الإرادَه أسَوّي الطَّيب، لَكِن ما بَقدَر أسَوّيهو.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

رُومِيَه 9:3

عَشان انا كُنتَ بَدور أكون أنا نَفسي مَلعون و مَقطوع عَن المَسيح عَشان خاطِر أخواني، جِنسي حَسَب الجِّسِم،

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

غَلَاطِيَّه 3:21

عَلَشان كِدا، القانون ضِد وُعود الله؟ أبَداً! إذا الله كان أدّا قانون قِدِر يَدّي حَياة، بِالحَق البِر كان جا بِالقانون.

فيلِبّي 2:7

لَكِن خَلّى نَفسو، و أخَد صورَة عَبد، و كان مَولود في شَبه بَني آدَم.

عِبرانيين 10:12

لَكِن القَسِّيس دا، بَعَد ما قَدَّم عَن الخَطايا ضَبيحَه واحدَه لِلأبَد، هو قَنَّب عَن يَمين الله.

عِبرانيين 10:14

عَشان بِتَقدِمَه واحدَه هو عَمَلُم كامِلين لِلأبَد، ديل الهو قاعِد يَقَدِّسُم.

عِبرانيين 2:14

عَلَشان الأولاد عِندَهُم دَم و لَحَم، هو كَمان إشتَرَك فيها، عَلَشان بِموتو هو يَخرَب العِندو سُلطَة الموت، يَعني إبْلِيس.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.