رُومِيَه 8:15 - كِتاب العَهد الجَّديد مِن الكِتاب المُقَدَّس

¹⁵ عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

رُومِيَه 8:15 Iomraidhean Croise

مَتَّى 25:25

كِدا، أنا كُنتَ خايِف، و مَشيت و دَسيت المِيَّة جِنيه في الأرض. شوف، أهو دا حَقَّك.

مَرْقُس 14:36

و قال: ”أبّا، يا أبوي، كُلّو شي مُمكِن ليك. شيل مِني كُبّايَة الضّيق. لَكِن مُش زي ما أنا داير، لَكِن زي ما إنتَ داير.“

لُوقَا 11:2

و قال ليهُم: ”لَمّا تَصَلّو قولو، يا أبونا [الفي السَّما،] خَلّي إسمَك يِتقَدَّس. خَلّي مَلَكوتَك يَجي. [تَكون إرادَتَك زي ما في السَّما، كِدا كَمان عَلى الأرض.]

لُوقَا 22:42

و قال: ”يا أبوي، إذا إنتَ رَضيان، شيل كُبّايَة الضّيق دي مِنّي. لَكِن ما إرادَتي، لَكِن إرادَتَك تَتِم.“

لُوقَا 8:28

و لَمّا شاف يَسُوع، كورَك و وَقَع قِدّامو، و قال بِصوت عالي: ”مالي و مالَك، يا يَسُوع إبن الله العالي؟ أطلُب مِنَّك ما تَعَزِّبني.“

لُوقَا 8:37

و كُلّو أهل بَلَد الجَدَريّين و السّاكنين جَمبُم طَلَبو مِنّو أن يَمرُق، عَشان خوف شَديد مَسَكُم. و دَخَل المُركَب و رَجَع.

يُوحَنَّا 16:8

و لَمّا داك يَجي، بِوَبِّخ الدُّنيا عَلى الخَطيَّه و عَلى البِر و عَلى الدّينونَه.

يُوحَنَّا 20:17

يَسُوع قال ليها: ”ما تَلمِسيني، عَشان أنا لِسَّع ما رَجَعتَ لِلأبو. لَكِن أمشي لِأخواني، و قولي ليهُم، أنا بَرجَع لِأبوي و أبوكُم، و إلَهي و إلَهكُم.“

أعمال الرُّسُل 16:29

و طَلَب فانوس، و جَرى لِجُوَّه، و وَقَع قِدّام بُولُس و سِيلَا و هو يَرجِف مِن الخوف.

أعمال الرُّسُل 2:37

و لَمَّن النّاس سِمِعو دا، إتحَيَّرو في قُلوبُم كَتير خَلاص، و قالو لِبُطْرُس و لِلرُّسُل التّانيين: ”بِنَعمِل شِنو، يا أخوان؟“

رُومِيَه 8:16

الرّوح نَفسو يَشهَد لِأرواحنا نِحنا أولاد الله.

رُومِيَه 8:23

و مُش دا بَس، لَكِن نِحنا كَمان، العِندَنا أوَّل ثِمار الرّوح، نِحنا نَبكي في نُفوسنا مُنتَظِرين لِلَّه اليَعمِلنا أولادو، يَعني فِداء أجسامنا.

رُومِيَه 8:26

و كِدا كَمان، الرّوح يَساعِد ضُعفنا. عَشانّا ما بِنَعرِف كيف نَصَلّي زي ما لازِم نَصَلّي. و لَكِن الرّوح نَفسو يَطلُب فِشانّا بِصوت بِفوت الكَلام.

رُومِيَه 9:4

الهُم ناس إِسْرَائِيل. هو عَمَلُم أولادو، و ليهُم المَجد و الإتِّفاقات. و هو أدّاهُم القانون و الخِدمَه و الوُعود.

١ كُورِنْثُوس 2:12

و نِحنا ما أخَدنا روح الدُّنيا، لَكِن الرّوح المِن الله، عَشان نَعرِف الحاجات الأدّاهُم لينا الله.

٢ كُورِنْثُوس 11:4

عَشان إذا واحِد جا ليكُم و بِبَشِّر بِيَسُوع تاني، غير البَشَّرناكُم بيهو، إنتو تِتحَمَّلو دا كوَيس. ولّا إذا إنتو تَقبَلو روح تاني مِن الرّوح القِبِلتوهو، ولّا إنجيل مُختَلِف مِن القِبِلتوهو، إنتو تِتحَمَّلو دا كوَيس.

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

غَلَاطِيَّه 5:1

عَشان المَسيح حَرَّرنا بِالحُرّيَّه دي، كونو ثابِتين فيها، و ما تَرجَعو تَطيعو لِنير العُبوديَه.

أفَسُس 1:5

و في المَحَبَّه، إختارنا مِن قُبّال عَشان يَعمِلنا أولاد لِنَفسو بِيَسُوع المَسيح، حَسَب فَرَحو و إرَادَتو.

٢ تِيمُوثَاوُس 1:7

عَشان الله ما أدّانا روح الخوف، لَكِن روح القُوَّه و المَحَبَّه و مَسِك النَّفس.

عِبرانيين 2:15

و يَدّي حُرّيَّه ليهُم، الكانو كُلّو حَياتُم تِحِت العُبوديَه بِسَبَب خوفُم مِن الموت.

يَعْقُوب 2:19

إنتَ تآمِن أن الله واحِد، إنتَ تَعمِل كوَيس. و الشّياطين يآمِنو كَمان، و يَرجِفو.

١ يُوحَنَّا 4:18

ما في خوف في المَحَبَّه، لَكِن المَحَبَّه الكاملَه تَطرُد الخوف. عَلَشان النّاس عِندَهُم خوف لَمّا يَخافو مِن الجِّزا. و البِخاف ما بِبقى كاملَه في المَحَبَّه.