رُومِيَه 7:6 - كِتاب العَهد الجَّديد مِن الكِتاب المُقَدَّس

⁶ لَكِن هَسَّع، نِحنا حُرّين مِن القانون، عَلَشان مُتنا لِلشّي الكان يَربُطنا. و فِشان دا، نَخدِم بِالطَّرِيق الجَّديد بِتاع الرّوح، ما بِالطَّرِيق القَديم بِتاع القانون المَكتوب.

رُومِيَه 7:6 Iomraidhean Croise

رُومِيَه 1:9

عَشان الله، البَخدِمو بِروحي في إنجيل إبنو، بِشهَد لَي كيف أتذَكَّركُم في كُلّو وَكِت في صَلَواتي.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

رُومِيَه 6:11

و كِدا كَمان، أحسِبو نُفوسكُم مَيِّتين لِلخَطيَّه، و لَكِن حَيين لِلَّه بِالمَسيح يَسُوع رَبَّنا.

رُومِيَه 6:19

بَتكَلَّم بِكِلمات الزّول، عَلَشان، الضُّعف الفي جِسِمكُم. كُنتو تَدّو أعضاءكُم خَدّامين لِلنَّجاسَه و الشَّر الكَتير. كِدا كَمان هَسَّع أدّو أعضاءكُم خَدّامين لِلبِر و لِلقَداسَه.

رُومِيَه 6:2

أبَداً! نِحنا مُتنا لِلخَطيَّه، كيف نَعيش فيها بَعَد دا؟

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

رُومِيَه 6:4

و كُنّا مَدفونين مَعاهو بِالمَعموديَّه لِلموت، عَلَشان زي ما المَسيح قام مِن بين المَيِّتين بِمَجد الأبو، نِحنا كَمان نَعيش حَياة جَديدَه.

رُومِيَه 7:1

يا أخوان، أنا بَكَلِّم النّاس البِعرِفو القانون. ما بِتَعرِفو، القانون عِندو سُلطَه فوق الزّول و هو حَي؟

رُومِيَه 7:2

عَشان المَرَه المِتزَوِّجَه مَربوطَه بِالقانون لِراجِلا و هو حَي. و لَكِن إذا راجِلا مات، هي حُرَّه مِن قانون العِرِس.

رُومِيَه 7:4

كِدا يا أخوان، إنتو كَمان مُتّو لِلقانون بِجِسِم المَسيح عَلَشان تَبقو لِتاني، ليهو القام مِن بين المَيِّتين، فِشان نَجيب ثِمار لِلَّه.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

أفَسُس 4:24

و تَلبَسو النَفس الجَديدَه، الخَلَقا الله عَشان تَكون زيهو في البِر و القَداسَه المِن الحَق.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

كُولُوسِّي 3:10

و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.