رُومِيَه 6:23 - كِتاب العَهد الجَّديد مِن الكِتاب المُقَدَّس

²³ عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

رُومِيَه 6:23 Iomraidhean Croise

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

يُوحَنَّا 10:28

و أنا بَدّيهُم حَياة أبَديَّه، و هُم ما بِموتو أبَداً، و ما في واحِد يَقدَر يَشيلُم مِن إيدي.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 4:36

و البِلِم الدُّرَه ياخُد أُجرَتو، و يَلِم دُرَه لِلحَياة الأبَديَّه. عَشان كِدا، المُزارِع و البِلِم الدُّرَه يَفرَحو سَوا.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

رُومِيَه 1:32

هُم يَعرِفو حُكم الله إنّو البِعمِلو الحاجات زي دي يِستَحِقّو الموت. لَكِن يِستَمِرّو يَعمِلوها و يَقبَلو النّاس اليَعمِلوها.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 5:12

بِزول واحِد الخَطيَّه دَخَلَت لِلدُّنيا، و الخَطيَّه جابَت الموت. و كِدا، الموت جا لِكُل النّاس، عَشان كُل النّاس عَمَلو خَطيَّه.

رُومِيَه 5:17

بِالحَق، بِخَطيّة إنسان واحِد، الموت كان عِندو قُوَّه عَلى كُل النّاس. لَكِن في ناس البِقبَلو نِعمَتو الكَتير و هَديَّة البِر. و بِتكون عِندَهُم قُوَّه زي المُلوك في الحَياة بِالواحِد يَسُوع.

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.

رُومِيَه 6:16

ما بِتَعرِفو لَمّا تَدّو نُفوسكُم زي خَدّامين عَشان تَطيعو واحِد، إنتو بِالحَق خَدّامين ليهو التَطيعوهو؟ يا لِلخَطيَّه البِسوق لِلموت ولّا لِلطّاعَه البِسوق لِلبِر.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

رُومِيَه 8:13

عَشان إذا تَعيشو حَسَب الجِّسِم، بِتموتو. و لَكِن إذا بِالرّوح تَكتُلو أعمال الجِّسِم، بِتعيشو.

رُومِيَه 8:38

عَشانّي مِتأكِّد، لا موت، ولّا حَياة، ولّا مَلائكَه، ولّا سُلطات، ولّا قُوّات، ولّا حاجات في هَسَّع ولّا جايَه،

رُومِيَه 8:39

ولّا طول، ولّا غُرق، ولّا خَليقَه تانيَه، بِتَقدَر تَقطَعنا عَن مَحَبَّة الله الفي المَسيح يَسُوع رَبَّنا.

رُومِيَه 8:6

فِكر الجِّسِم هو موت، لَكِن فِكر الرّوح هو حَياة و سَلام.

غَلَاطِيَّه 3:10

كُل البِتَّكِلو عَلى أعمال القانون، هُم تِحِت لَعنَه. عَشان مَكتوب: ”مَلعون كُلّو واحِد ما يِستَمِر في كُل المَكتوب في كِتاب القانون عَشان يَعمِل بيهو.“

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

يَعْقُوب 1:15

بَعدين الشَّهوَه إذا حِملَت تَجيب خَطيَّه. و الخَطيَّه لَمّا تَكبَر تَجيب الموت.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“