رُومِيَه 5:12 - كِتاب العَهد الجَّديد مِن الكِتاب المُقَدَّس

¹² بِزول واحِد الخَطيَّه دَخَلَت لِلدُّنيا، و الخَطيَّه جابَت الموت. و كِدا، الموت جا لِكُل النّاس، عَشان كُل النّاس عَمَلو خَطيَّه.

رُومِيَه 5:12 Iomraidhean Croise

رُومِيَه 3:23

عَشان كُل النّاس عَمَلو خَطيَّه و إحتاجو لِمَجد الله.

رُومِيَه 5:18

عَلَشان كِدا، بِخَطيَّه واحدَه الدّينونَه كانَت عَلى كُل النّاس. و كِدا بِبِر واحِد، كُل النّاس يَبقو بارين، و البِر دا يَجيب ليهُم الحَياة.

رُومِيَه 5:19

عَلَشان الإنسان الواحِد خالَف، الكَتيرين بِقو خاطيين. و كِدا عَلَشان الإنسان الواحِد طاع، الكَتيرين بِقو بارين.

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

١ كُورِنْثُوس 15:56

وَجَع الموت هي الخَطيَّه، و الخَطيَّه عِندَها قُوَّه عَلى ديل التِحِت القانون.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.

يَعْقُوب 1:15

بَعدين الشَّهوَه إذا حِملَت تَجيب خَطيَّه. و الخَطيَّه لَمّا تَكبَر تَجيب الموت.

يَعْقُوب 3:2

عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان.